[a white flower]

السلام عليكم يا بنات
رمضان كريم
بدايه كده انا شعرى كنت عملتله فرد من فتره وطبعا كالعاده بعانى من التساقط من ساعه ما عملته
وعملت ماسك الثوم والبصل اللى سمعت عنه هنا بقالى اكتر من 3 شهور اهو
يعنى التساقط مراحش اوى لانى معملتش الماسك الا مره واحده واللى حصل كلاتى
1- الريحة بشعه بشعه ههههههههههههه ممكن تحسى انها موجوده فى شعرك شهر
2- طبعا فروة راسى والحتت اللى الثوم جه فيها على وشى التهبت بشكل بشع ولونها بقى احمر جدااااااااااااااااااا وبعد الماسك بحوالى اسبوع كده لاقيت الحتت دى مكانها ناشف جدا وتشدى كده الجلده اللى بره لونها اسمر وتطلعيها اكنك بتقشرى فاكهه
وكنت خايفه جداااااااااااااااااا من الموضوع دا لان كنت خايفه شعرى يطلع معاها
3- بعد الماسك بشهر كده ابتديت الاحظ شعر منبت جديد الاول اتخضيت وقلبى وقع فى رجلى لان افتكرته بعد الشعر مكان شعر متقطع من الفرد بس لاقيت انه شعر منبت جديد الحمد لله وابتدى يطول حتة صغنونة
دى تجربتى مع الماسك اللى فات
وفات اكتر من شهور اهو لان فى بنات حذرت ان انا نعمله بمعدل اكتر من كده
انا عاوزه اعمله تانى بقى وعاوزه حد يفكرنى الطريقه او يقولى شويه نصايح
ملحوظه انا عاوزه ثوم بس او بالكتير بصل وثوم محدش يقولى وزيوت وجاز وكيوى وموز ههههههه
ممكن احط زيت خروع بعدين لكن الماسك خلينا ثوم بس
احطه بقى كام ساعه عشان فروة راسى متتحرقش تانى كده
وافرمه واصفيه واحط ميه بس ولا احطه كله
لان واجت صعوبه فى التخلص من حتت الثوم الصغنونه اللى فضلت لازقه فى شعرى
واحط بصل ولا بلاش
يلا ربنا يكرمكوا ردوا عليا عشان شعرى قالقانى اوى بجد وربنا يستر

[أشرى النوبة]

ايه ماسك الثوم دة اول مرة اسمع عنه

[ملك روحى و عمرى]

انا بسلق فصين توم مع بصله مقطعه وكده مبيبقاش فيه ريحه وممكن تعجنيهم بحنه اوسدر مطحون وزيت لوز حلو

[أسكندرانية مسلمة]

[ضحى ممدوح]

يلهوووووووووووووووووووووووى انا ما استحملتش ريحة زيت الزيتون فى شعرى تقوليلى توم وبصل
وبالنسبة للتسبيكة بقى هههههههه بهزر معاكى يا قمر بس انا ما استحملش توم وبصل وكيوى وموز على شعرى هااااااااااااار اسود
ده انا احلقه زيرووووووو ارحم

[banota kamela]

فعلا كذا عضوه حذرت منه

[ميرو عبود]

يا حبيبتى حطى زيت توم وريحى نفسك من العك ده

[rudyyy]

انا عملته قبل كه لمدة شهر ونص هو ومجموعه زيوت وشعرى كان بدا يطول واما وقفته شعرى وقف على كده

[ايات فى الجنة]

حببتى ممكن تنقى الثوم والبصل فى زيت خروع او زيت جوز الهند وتستعملية وتعملى ماسك لما تحبى كدة افضل

[ساسو قطة]

اانا جربته مرتيين تقريبا وكنت بحس انى فى طشة ملوخية ف دماغى بس للامانة بينبت الشعر ممكن انتى ماتلاحظييش لاكن حالة الشعر بتتحسن
اانا كنت بعمل ثووم + زيت زيتوون + اى زيت جوز هند اوو حبة البركة او خرووع بس مش كتير عشان تقييل اووى
كنت بفرم التوووم واحطه على الزيوووت دى واركنه فى حاجة فى حمام ماااية بخار ماء يعنى تحتييه لحد ماالزيت يسخن بس مش ع النار لان الزيووت دى غلط تتسخن على النار بعد كدا بركنه شووية بتاع ساعة مثلا وبعد كدا اجييب مصفة صغيرة من بتاعه الشااى دى واااصفى التووم واخد الزييت بس واحطه على شععرى
لان مستحييل احط فتافيييت التوم دى على شعرى هتلزق .. التوم المفرووم بينزل الزييت بتاعه فى الزيوت اللى انتى حطاها وبس كدا ويارب تكونى اافتكرتى او ممكن تكون طريفتى مختلفة عنك بس اهى توووم برو ف الاخر