[Faith N Hope]

أنا مش مصدقة الكم الهايل من الفتكوات
اللي جم !؟

كنت فاكره أن العدد حيكون قليل
و لكني وجدت ما شاء الله
رحلة بمعنى الكلمة...

قابلتني أم الطيب و زراعيها مفتوحتان

أحكي لكم من البداية...

و أنا على الباب لقيت الموبيل
بيرن...
أم الطيب فضلت معايا
مكالمات لحد ما و صلت عندهم...
حنينة و طيبة
و ودودة كما هي في المنتجى تمام
و عرفت توأمها!؟
بس تستاهل حب أم الطيب...

قابلتها و قابلت ريري
و الروح هي هي
روح حلوه و طيبة
و أولادهم ماشاء الله
ذي العسل...
أطفال في غاية الطعامة
و الأناقة و الظرف
و الله بصدق...
حفظهم الله جميعاً

ريري دايماً مايستروا
في تنظيمها للأشياء...
رعاية و عناية بنا...
و hala_2007
دايماً تهزر معاها
و تجر شكالها...
بس هزار وراءه حب و تفاهم...

و أم الطيب البروني بتاعتها تبوش في
الفم... و الشيكولاته اللي فيها
خامتها جيده...
و الروانه عسل...

و كمان كتكوتايه
كانت عامله نوع من الكيك
اللي زي البسكويت بطعم الكراميل...

و مين يعزم ببيبسي...
و لقيت أيديا الثنين مليانين أكل...

و hana
بالضبط زي في المنتدى...
هدييييييييييييا
و بنوتتها عسل خالص
تكاد لا تشعر بهم من هدوئهم...
حفظهم الله...

و قابلت كمان hala_2007
شخصية قيادية زي ريري
أنا بحب الناس اللي بتمسك زمام
الأمور لأعلاء شأن المنتدى

بس و الله يا hala_2007
ماكنش في كلام بين السطور
في موضوع النمل...

أنت أعطيتوني حجم
أكبر من حجمي و الله
أنا و الله هلهليه قوي
مش زي ما انتم فاكرين !؟

و كتكوتاية دي حكاية تانيه
مرحة و طفلة
مليئة بالحياة و النشاط
و أبنها ما شاء الله عليه
حتة سكره...

و غادة الصايغ...
و الله يا هالة انا مش حنساك
لأني حسيت أنك مصرية صميمة
و أستاذة " حقوق "
للي عايز أستشارة قانونية
لا سمح الله

و كان في نانو و هي هاديه قوي...
و في مووووووني أنسانة
متواضعة و بسيطة

و كانت هناك أيضاً
shitos الرقيقة
و أختها الكبيرة
prettyangel
الشخصية القوية المليئة بالأصرار...
و معهم والدتهم الرائعة
بارك الله لكما فيها...

و قابلت كمان
نانو المشرفة الرائعة
الهادئة...

و فيه واحده لذيذة
كان معاها بنتها
" نسيت أسمها "
أوعك تزعلي مني...
رغم أني حبيتها قوي
و كان معاها بنتها
بنت لذيذة و حبوبة
حبتني و لم زهقت مني
زقتني...

و قابلت rawan432
وهي أنسانة جادة و صوتها هادي
و تشعر أنها تحمل هموم
جيل من البشر...
وفقها الله في مهمتها...

و المفاجأة بالنسبة لي في أخر تواجدي
بربع ساعة :
مؤمنة بالله !؟
طفلة رقيقة و ضاءة الوجه
لا تظن ابداً انها زوجة
و أم... تحبها من أول لقاء

لو نسيت حد سمحوني
الساعة 2.25 صباحاً
و أنا هلكانه...

يارب ديم المحبة بيننا
و أحفظ جميع مشرفات
و مراقبات و عضوات المنتدى...

و شكر أخير لأم الطيب و ريري
و ريري و أم الطيب
على الهدايا الحلوة
اللي كل ما حمسكها حذكركم بالخير...
و المرة اللي جاية لا تنسوني
و أحجزوا لي واحده كبيرة

و يارب المرة القادمة تكونوا معنا...

و السلام ختام...

اذا اعجبك الموضوع و اردت نشره في المنتديات الاخرى فاستخدمي هذا الرابط:
أنا كمان كنت معاهم... في الأزهر بارك!؟ تصدقوا !؟
http://forums.fatakat.com/thread32379

[هبه مجدى]

اهئ اهئ اهئ كان نفسى ابقى معاكم ان شاء الله المقابله اللى جايه بس ادعولى ماتحصلش ظروف واشوفكم ان شاء الله

[نادو]

اية الكلاام الجميييل دة ياقمر بجد انا بندم انى مش جيييت
بس والله كان غصب عنى
يالا خيرها فى غيرها

[اسكندرانى]

الله.............الله
أنا متغاااااااااااااظه
شكلها كانت مقابله خرافيه وجميله

وشوقتينى للبراونى

وماشاء الله عليكى يا Faith N Hope
وصفتى الجميع وصف دقيق
وفرحت أوى ان فى بنات جابوا أمهاتهم معاهم

أد ايه جميله المقابله مع انى محضرتهاش
ويارب دايما نكون أسره وعائله واحده

[temoon.pompa]

بارك الله فيكى يافيث انتى بجد كلامك ووصفك رائع وكده شوقتينى انى اشووووووف كل القمرات اللى مشتركات فى المنتدى واللى بحبهم والله كلهم فى الله ويشهد الله على ذلك ...........
وانشاء الله ربنا يديم المحبه يارب امين ويوفقنا جميعا لما يحبه ويرضااااااااااه اللهم امين

[سوكة الددة البيضة]

ربنا لا يفرق بيننا ابدا
مع انى مكنتش معاكو بس وصفك قرب المسافات
ربنا يسعدنا جميعا

[rodi4882]

ya rab dayman metgamma3een 3ala 5er
ana kaman nefsi awee ashoof hala 2007
we Ghada elsayegh
we jehan
we temoo habibet albi we ashoofek ya assal

[نيللى]

وصفك تفصيلى رائع حسستينى انى معاكوا بالظبط
بس غظتينى بردة تصدقى
هههههههه
كان نفسى اكون معاكوا بجد اوىىىىىىى

[ريتا ميشيل]

طب الهدايا كانت ايه

[ام مهند]

ربنا يسعد ايامكم جميعا يارب

بجد مبسوطه جدا للوصف اللي زي العسل ده

[heba saad]

لا لا انا زعلانة يا ماما كدة انا اتنسيت
مع ان انتى ما يتزعلش منك
والله انتى عسل ودمك خفيف وربنا يخليكى يارب

[ام رحاب]

والله يا ماما لو تسمحيلى اقولك يا ماما انتى كنتى منورنا وخفة دمك ورقتك
وان شاء الله تكون على موعد فى مقابلة اخره باذن الله

[أسعد أم]

بجد والله اتبسطت لانكم اتبسطوا وربنا يديم الحب والاخاء بين كل عضوات المنتدى

[أم روان]

والله بجد يافيث شوقتينى يا ريت لو حد معاه صور يفرجهالى على الخاص
بجد بجد بجد انا ندمانه ان ماجتش الرحله الجميله دى

[أم البراء2008]

ياســــــــــــــــــــــــــلام ماشاء الله على منتدانا الجميل كل الفتوكات ال وصفتيهم زى السكرة وطبعا اكيد انتى سكره لان ال بيشوف الناس كلها عسل بيبقى عسلات ولا ايه؟ ربنا يسعد الجميع يارب

[القطه]

ما شاء الله والحمد لله ربنا يبارك فيكى وفيهم كلهم يا فيث
انا ورب العزه كنت جايه وحصلت مكروهات لبنتى من يوم الثلاثاء وانا فى دوامه ربنا يلطف بيا وبيها
كان نفسى اكون معاكم والله واتعرف عليكم جدا
بس انا ما استغربتش كلامك لانى متاكده انى كنت هقابل ناس قمه فى الروعه والذوق
وكان دايما عندى احساس ان مافيش اختلاف كبير بين المقابله والمنتدى
الروح الطيبه بتبان وبتنشر عبيرها
النصيب مش زعلانه انى ماجتش على قد ما انا كنت محتاجه جدا اجى
بس الى مصبرنى ومش مزعلنى انكم انبسطوا وقضيتوا وقت سعيد
وكفايه شرحك يا حبيبتى كانى كنت موجوده تمام
ربنا يديم هذه الروح وهذا الحب حتى يتسنى لنا ان
نلقى صحبه جميله فى دنيا غريبه قل وندرت فيها الصداقه
وربنا يوفقنا جميعا وعلى فكره انا جوزى كان موافق جدا ومرحب
كلام فى سركم لما شاف كلام ام الطيب الرائعه الجميله فى الصفحه الرئيسيه
وافق بصدر رحب وكان هيوصلنى ويرجع ياخدنى
بس النصيب الحمد لله الذى لا يحمد على مكروه سواه
بشكرك عالموضوع ده وانك حكيتلنا كل اللى حصل
وان شاء اله عز وجل اكون معاكم المره الجايه
واستمتع بصحبتكم فتوكاتى العزيزات احبكم فى الله

[ام سعيد]

ما شاء الله عليكى يا مدام إيمان الوصف بيتاعك أنا عمالة أتخيله
وكان نفسى أكون معاكوا بس الظروف يله قدر الله وما شاء فعل

[katkootaya]

ماما ايمان اقل مايقال عليكي انك ماشاء الله تبارك الله زي العسل ونصائحك كلها حكمه

بارك الله فيك يا حبيبتي

انا بجد اتشرفت بمعرفتك

[زيزى]

مشكورة على الشرح المفصل ده أتمنى المرة الجايه أكون معاكم بس ياريت تكون يوم جمعه

[ماما دودو]

الله يا بختمكم كان نفسي أكون معاكم
اتمنى ان يتحقق ذلك في المستقبل
والحمد لله إنكم قضيتوا وقت ممتع