[بوسي كات]

.

بسم الله الرحمن الرحيم

حلمت ان انا وماما واهلي وناس كتيييييييييييييييييييير معانا معرفهمش كنا موجودين في مكان واسع وكان المكان ده واسع اوي ومافهوش اثر لاي عمران يعني مفيش عمارات ومؤسسات كان كل اللي حوالينا الخراب وكان فيه بيت واحد بس وكان البيت ده فيه حجرتين مش بايظين بس كانت الحجرتين برده صغيرين مايكفوش الناس اللي موجودين كلهم بالعكس يكفوا حبه صغيرين جدا منهم ده كان وصف المكان
وبعدين الناس اللي معانا كلهم عاملين زي اللي شاربين حاجه ماهماش فايقين يعني ومره واحده قام اعصار كبيييييييييير كان الناس مش قادرين يقفوا على الارض وعمالين يطيروا بس انا واهلي وحبه صغيرين دخلنا في الحجرتين الصغيرين وكان في ناس كتير بره وكان اللي يدخل الحجرتين دول مايحصلهمش حاجه وميأثرش فيهم الرياح الجامده اوي دي وكان فيه ناس بره الباب قريبين منه نادينا عليهم علشان يدخلوا وهما مرضيوش وبعدين الحجرتين دول كان الحيطان بتاعتها ازاز وكنا شايفين كل اللي بيحصل بره كان الناس بتطير وبتتخبط في اي حاجه وتنفجر وتموت والدم يطير منها وبعدين شويه الاقي الرياح خلصت والناس من اللي بره عاملين زي اللي ماحصلش حاجه وعايشين برفاهيه كبيره ومحضرين لرحلات وراكبين موتسيكلات ومشغلين الكاسيت على اخره وبرده مش راضيين يدخلوا الحجرتين وقامت الرياح تاني بنفس القوه اللي كانت فيها وموتت ناس كتيييييييييييير بس الناس وبعد شويه بطلت وعماله تبطل وبعدين تقوم تاني المشكله كمان ان انا واهلي كنا قاعدين في حجره وكان معانا ناس تانيين الا ماما كانت في الحجره التانيه وكان فيه تليفون بيربط الحجرتين مع بعض فلما الرياح كانت تقوم واشوف الناس وهما بيترموا ويموتوا والدم عمال يطلع من كل مكان انا كنت ببقا خايفه جدا وكنت اتصل بماما واسالها ايه اللي بيحصل ده وترد عليا بثبات واطمأنان وتقوللي عادي اللي بيحصل ده الطبيعي واقفل الخط معاها وانا مستغربه ان الناس اللي بره بيموتوا وانا شايفاهم قدامي ولما الرياح تبطل ويبقا قدامهم فرصه ان هما يدخوا معانا مايرضوش لا وايه دول عاملين زي اللي عارفين اللي هايجرالهم بس عايزين يستمتعوا بكل لحظه قبل ما يموتوا وكمان دول مش في وعيهم زي مايكون حد تاني اللي بيحركهم
افيدوني افادكم الله

.