[@@خبيرة تجميل متخصصة@@]

السلام عليكم ورحمة الله وبركاته
بكتب تجربتى مع خلطتى لخاطراحلى بنات فى احلى منتدى
اولا لازم احكيلكم عن مشكلتى مع بشرتى بس ماتخافوش مش هاطوول فى الحكايه
فاجأه كده وبدون مقدمات لاقيت بشرتى قالتلى خدى عندك مسامات واسعه وشحووووووب ودهون مع ان بشرتى مش دهنيه وسوااااااااد تحت عينى قلت خلاص شكلها كده مافيش حل
وفى مره وأنا بصلى فى الجامع كانت قاعده جنبى واحده ست ربنا يبارك لها قعدنا نحكى ونرغى فى مواضيع كتير وحكيتلها عن مشكلة بشرتى فقالتلى عن الخلطه وقلت اجربها مع انى كسلت فى الأول بس قلت لأ لازم احارب كسلى وتوكلت على الله وقعدت مكتمه عالخبر وقلت لما اشوف النتيجه اقول للبنات فى المنتدى
فرحت اشتريت المكونات وعملت الخلطه وجربتها والنتيجه وااااااااااااااااااااااااااااا و تفرح والله يا بنات صفاء ونضاره وبياض فى البشره ومافيش مسامات واسعه ولا سواد تحت عينى
يلا خلصت الحكايه أقولكم بقى على الخلطه
المكونات :- 50 جرام عدس اصفر +25 جرام فول +25 جرام حلبه
الطريقه :- تطحنى المكونات كل حاجه لوحدها وتخليها ناعمه زى البودره وبعدين حطيهم مع بعض فى برطمان ولما تستعمليها تاخدى مقدار معلقة طعام وتعجنيها بالمايه او اللبن انا اوقات اعملها اعجنها بالمايه واوقات باللبن المهم الخلطه لاتكون سايله وكمان مش زى العجينه تكون متوسطه وبعدين تفرديها على وجهك حتى المنطقه اللى تحت عينيكى وتسيبيها لمدة ساعه كامله وبعدين تفركيها من على وجهك بشويش واشطفيها بالمايه الدافيه وبعدين مايه ساقعه وانا كنت اوقات بحط بعدها كريم دووف المرطب واوقات كتير لأ
ولازم تحطيها على وجهك كل يوم لمدة 45 يوم انا معاكى المده طويله بس النتايج روعه انا بقالى دلوقتى اسبوعين ومبهوره بصراحه ماكنتش متخيله ان السواد يروح او المسامات دى هاتقفل كده وبشرتى هاتبقى بالحيويه دى والله يا بنات جربوها ومش هاتندموا ابدااااااااااااا
اللى تجرب الخلطه تدعيلى ربنا ينولنى اللى فى بالى ويريح بالى ويرزقنا جميعا الجنه يارب
واى استفسار عن اى حاجه اتفضلوا اسألوا براحتكم انا موجوده

اذا اعجبك الموضوع و اردت نشره في المنتديات الاخرى فاستخدمي هذا الرابط:
اخيرا لاقيت خلطه سهله لمشاكل بشرتى ودلوقتى صفاء وبياض ومافيش سواد تحت عينى باركولى
http://forums.fatakat.com/thread32684

[senderela]

جزاكى الله كل خير وينولك يارب اللى فى بالك ويجعله فى ميزان حسناتك لازم اجربها ايه يعنى المدة طويله احنا خسرانين حاجة بالعكس هنستفيد وبجد مشكورة يا قمر

[شوشو123]

جزاكي الله خير ياخبيره
وربنا ينولك اللي في بالك ويريح بالك ويرزقنا الجنه اجمعين

[dodynido]

كل وصفاتك حلوة ياقمر
بس ليا سؤال بالنسبة للفول اجيب الفول بتاع الدميس ولا الفول بتاع الطعمية يعنى بقشره ولا من غير قشر
ارجو الرد عليا علشان عايزة اعمل الخلطة دى

[جين صبرى]

مشكوره يا نونه والله عالوصفه

[@@خبيرة تجميل متخصصة@@]

والله ياااااااااااااااجماعة بحبكم موووووووووووووووووووووت
ربنا يخليكوا يااااااااااااارب
بالنسبة للفول بتاع المدشوش بتاع الطعمية والبصارة

[حبيبة كريم]

مرسية يانونا على الوصفة الحلوة دى

[@@خبيرة تجميل متخصصة@@]

هلا حبيبة كريم
عاااااااااااااااملة اية وحشاني
ميرسي علي ذوقك

[توتى]

شكرا على الوصفة وربنا ينوللك اللى فى بالك اميييين

[همسات حب]

الوصفه هايله الوصفه سهله وغير مكلفه تسلمى

[@@خبيرة تجميل متخصصة@@]

شكرااااااااااا ياهمسات علي كلامك الرقيق ياجميل

[2nashwa]

مشكورة يا قمر وربنا يريح بالك وينولك مرادك باذن الله ويدخلك واسع جناته

[um_tareq]

شكرا يا قمر

بس ازا انتي بتقولي عنها انها روعة

خلص ما إلنا كلالالالالالالالالام تاني

[نوشا]

وصفة عسل زيك
بس انا ليا سؤال
بالنسبة للحلبة فى اكتر من نوع
بتاعة المغات ولا الحصى واطحنها
ومعلش سؤال تانى
انتى طحنتيهم فين وازاى لانى مش عارفة
ده غير انك بعد طحن كل واحد لوحده شقلبتيهم على بعض
هههههههههههههههههههههههههه
ربنا يرزقك كل ما تتمنى من خير الدنيا
وجنة الفردوس الاعلى
اميـــــــــــــــــــــــــــــــــــــــــــــــ ــــــــــــــــــــــــن

[Om Hassan]

ميرسى يا قمر

[أم أحمد إيهاب]

جزاكى الله خيرا بس انا زعلانة لاننى سألتك سؤال قبل كده وانتى لم تجوبينى ان انا كنت عندى دمل وساب اثر فى وجهى اعمل ايه ياريت تجوبينى

[fati_zhr]

شكرا على الوصفة دي

و الله كنت في حاجة ليها

و اكيد هجربها و قولك النتيجة

[@@خبيرة تجميل متخصصة@@]

اسفة ام ايهاب انا ما شفتش سؤالك اساسا
بس في وصفة سهلة جدا
ان شاء الله تجيبي معاكي نتيجة
تجيبي اللوز العادي مش المحمص وتقشرية في وضعه في ماء لفترة
وبعد كده تهرسيه في ملعقة لبن حليب طازج وتحطية علي مكان الدمل كل يوم
ان شاء الله حيضيع الاثار
اعملي الوصفة وتبقي قوليلي النتيجة
واسفة جداااااااااااااااااااااا علي التاخير

[@@خبيرة تجميل متخصصة@@]

بالنسبة للحلبة ممكن تشتري حلبة مطحونة جاهزة من عند العطار

[أم الطيب]

شكرا يا جميلة على الوصفة دي..
ان شاء الله اجربها واقولك ايه الاخبار.