[MISS LOKA]

ازيكم يا فتكوتات
انا بجد عاوزة اخد رأيكم في موضوع مهم جددددددددددددددددددددددددا
العمل بالنسبة للست كويس ولا لالالالالالالالالالا
انا مدرسةمن 4سنين عندي وجهتين نظر
اولا الشغل مهم للست علشان بيعطيها مكانة وقوةوشخصية
وكمان زمة مالية خاصة الي حدما
بس بقصر ساعات فالبيت وساعات مع جوزها
ثانيا البيت جميل وراحة وعدم انشغال بالتفكير سوي
البيت والاولاد والاكل والدراسة والغسيل والطبخ والمسح
واحلي دماغة فاضية
شوه رايكم انتوا مع اي راي
عاوزكم تردوا بصراحة وخصوصا اللي بيشتغلوا

[rehab]

أنا مع الرأي التاني وأنا مبشتغلش وعمري مافكرت أني أشتغل كفايه عليا أبني قوي

[Raniam_2010]

أنا ياحبيبتى برضه بشتغل مدرسة
بس بحب شغلى جدا ومقدرش استغنى عنه
مش عشان ماديات بس عشان بلاقى راحتى فيه
طبعا انا بحاول قدر الامكان ما اقصر فى البيت
بس ممكن بعد الجواز لو لقيت نفسى هقصر فى حق زوجى وبيتى
أكيد هفضل البيت على الشغل

[سمسمه26]

انا برضة مدرسة وجربت الشغل تيرم واحد وتعبت اوى مع العيال والبيت ماكنتش بلاحق على طلبات البيت فاضطريت انى استغنى عنه

[مدام ياسر]

حبيبتى انا مع الراى التانى المفروض ان الست تعطى وقتها كله لبيتها وجوزها بيكون افضل اما لو اضطرت الظروف المعيشة وكان شغل الرجل ودخله غير كافى لمتطلبات الحياة الاساسية مش الترفيهية بيكون فى الحالة دى شغل المراة ضرورى

ويا حبيبتى ماتنسيش ان الرسول عليه الصلاة والسلام وربنا امرنا بعدم الاختلاط والشغل يبيح الاختلاط طوال ساعات العمل وتكونى مضطرة للتعامل مع الجنس الاخر فى حدود الشغل طبعا لكن ربنا لما امر امر فقط للضرورة حبيبتى نصيحة ليكى ولكل امراء عاملة جوزك وبيتك اولى بكل دقيقة تقضيها برة بيتك غير فى حالة الضرورة فقط ويكون فى حدود اللى ربنا امرنا بيه ويكون لبسك غير ملفت خصوصا لو مجال العمل بيفؤض عليكى التعامل مع الرجال وربنا يحفظكم يااااااااارب

[ام ميداء]

انا مهندسة ربة بيت يعنى ما شتغلتش خاااااااالص

البيت جنة المراة حتى لو كانت المادة اقل

الا اذا كنت فعلا مضطرة تساعدى مع زوجك فاللضرورة احكام

لكن صدقينى راحة بالك ووقتك من حق زوجك و بيتك واولادك اكتر

[sweet.toty]

انا معاكى ان خروج المرأة بيخليها انسانة متفتحة ومدركة للى حواليها بس انا شايفة ان ده لو هيقصر على بيتها يبقى قلته احسن انا عن نفسى مااتجوزتش لسة بس عايزة اعمل كل حاجة فى الدنيا واشتغل كتيييييييير قبل مااتجوز عشان يكون عندى خلفية وكمان مدراكى تكون متسعة وفى نفس الوقت اول مااتجوز هيكون ليا مشروعى الخاص بيا بس من منازلهم وانا مظبطة نفسى على كده يبقى كده انا مسكت العصاية من النص بقى عندى زمة مالية مستقلة وفى نفس الوقت ماقصرتش فى بيتى

[شرين عمر]

انابقول ا ن كل وحدة حسب قدرتة وحسب ظروفها

[مجروحة من اغلى حبيب]

انا بقا بشتغل وماشيه في ساااااااابع سنه شغل وانا عندي دلوقتي21 سنه اذاي معرفش ؟؟؟؟؟؟؟؟؟
المهم هو الشغل حلو استقلال مادي بالنسبالي وكمان تجهيزي نفسك عشان تتجوزي بالنسبة للمخطوبين يعني او حتى مش اللي مخطوبين
بس نفسي ارتاح بقا قدامي حوالي 3 سنين شغل كمان الله اعلم طبعا
بس انا عن نفسي بعد ماتجوز هقعد في البيت نفسي احس اني ست بيت انام على راحتى اقوم على راحتي ادلع جوزي كده يعني فاضيه بقا يااااااااااااريت اقعد من الشغل بس اقعد وانا رايحه على بيتي عدل مش دلوقتي.........

[MISS LOKA]

مشكورررررررررررررررررررين ع المشاركة
بس انا برضه مش عارفة اخد قرار عدم الشغل
ادعولي ربنا يتوب عليي

[ام دومى]

بصى يا قمر انا زيك مدرسه بس واخده اجازة بدون مرتب عشان ابنى لسه عنده سنتين بس باذن الله راجعة العام الدراسى الجاى... انا اكتر واحده بتكره العمل و الصحيان بدرى و الالتزام و القيود لكن هيا دى الحياة عبارة عن التزامات لابد اننا نلتزم بيها و اهى بتعدى يعنى انا لما ازهق اوى افكر اسيب الشغل لكن بحس بعد كده انه قرار اهوج و متسرع و خصوصا انتى شايفة الاسعار بقت عاملة ازاى و الغلاء و الحياة الاقتصادية بقت صعبة فبحس ان ربنا باعتلى رزق حرام اسيبه و انى بتبطر على حاجه محدش لاقيها دى اولا .... ثانيا ..الرجالة مالهومش امان صدقينى ممكن فى زعله يقولك طب مش هديكى مصروف او يقولك معيش او تحتاجى حاجه يقولك ايه لازمتها و يبدى رايه فى كل مشترياتك عشان هوا اللى هيدفع و ده حصل معايا فترة الاجازة دى الحاجات اللى كنت و متعودة اجيبها من مرتبى بالنسبه للاستاذ كلام فاضى و مصاريف ملهاش اهمية فبقى ينقيلى اشترى ايه و مشتريش ايه و كنت بحس انى متكتفة عشان هوا اللى هيدفع ..فبصراحه قلت لا انا ارجع شغلى و يبقى لى فلوسى انا حرة فيها و اشترى اللى نفسى فيه و محدش يقدر يتكلم ..نصيحتى بعد سنتين اجازة بدون مرتب و ذل و ملل من البيت اوعى تسيبى شغلك دى نعمة محدش لاقيها شوفى الخريجات اللى بيحاولوا يشتغلوا بالحصة و لا بالعقد تحسى اننا بنتبطر و الله العظيم و لو حسيتى انك زهقانة خدى اجازة بدون مرتب شهر او اتنين لكن متسديش باب رزق ربنا فتحهولك ....معلش طولت عليكى بس اصلك حطيتى ايديكى عالجرح

[MISS LOKA]

حبيبتي والله انتي قولتي اللي نفسي اقوله بس كنت بغلط نفسي واقول ان البيت وبنتي لهم حق عليه بس والله انتي اثبت لي انك انتي صح وحتي ان كان الراجل بيصرف في البيت كويس بس هيفضل منعك من اللي انتي نفسك تشتري انا ساعات بصرف في الشهر مصر وف بيت كامل بس كله من مالي الخاص انا متشكرة جدا ع اهتمامك برد مع احترامي لباقي الاخوات

[مصرية جداا]

الشغل بتلاقى فيه روحك انا مثلا مهندسة كيميائية شغلتى كلها كيمياء فى كيمياء لو قعدت فى البيت مخى حيصدى لازم تشتغلى عشان تحسى انك بتعملى حادجة ولكن برده ست بيت شاطرة

[همسات حب]

انا كمان مدرسه فى بدايه الزواج عانيت من التوفيق بين الشغل والبيت ويا لهوى لما حملت واخدت اجازه 4 سنين رعايه طفل تحولت الى كائن حى غير معروف المعالم لا يفعل شىء سوى الاكل والنوم وشغل البيت ساعتين تلاته ويخلص
ودماغى اتقفلت بالقفل المصوجر وعلامات التناحه والبلاده ظهرت بوضوح
نزلت الشغل بقيت كلى حيويه واكثر نظام فى البيت كله الاكل بميعاد النوم بميعاد
الفسحه بميعاد ولما اتعب اوى استنى يومين الاجازه الجمعه والسبت ابرطع فيهم براحتى
ملحوظه
لو الستات قعدت فى البيت مين حيدرس لبناتنا فى دور الحضانه راجل ؟
مين حيدرس لهم فى الابتدائى والاعدادى والثانوى وخصوصا ماده العلوم راجل حيقف يشرح لهم الجهاز التناسلى والدوره الشهريه
مين حيكشف علينا كشف امراض النسا راجل
عمل المرأه ضرورى فى بعض الوظائف كالمدرسه والطبيبه المهم انها لاتختلط باحد من الرجال فى عملها ان وجدوا

[رضوى]

انا معاكم فى كل اللى قولتوه يعنى انا مثلا مهندسه مدنى اتخرجت واتجوزت على طول يعنى مشتغلتش بش لما جيت الامارات اشتغلت حوالى شهر وقعدت عشان الحمل والشغل مهم علشان على الاقل الواحد مينساش الهندسه وكمان انا مع راى ام دومى بس فى نفس الوقت بعد ما خلفت مبقاش عندى وقت بنتى مجننانى ومش بعرف اعمل منها حاجه ولو فكرت انزل الشغل تانى مش عارفه اوديها فين هى لسه عندها 7 شهور

[همس الحب]

والله انا برجح اعد فبيتى معززةمكرمة واخلى بالى من الاكل والعيال وكده هو هيبقا كام شغله بالظبط احنا فينا كام ايد

هههههههههههههههههههههه
ومشكورة على الموضوع

[MISS LOKA]

مرحبا بكم يا حلوين ايوة كده افتحوا نفسي ع الشغل انا خلاص كنت هاقدم ع اجازة الشهر الجاي لحقتوني هههههههههههههههههههههههههههههه

[نادو]

انا مع الرأى التانى طبعا
بصى صاحب البلين كدااااااب
معتقدش انو فى واحدة هتعرف توفق بين الاتنين وخاصة لما يكون فى اولااد دة رأيي

[وحيده بدون امي]

بالعكس الشغل جميل ويخليكى تحسي بذاتك الحمدلله انا اداريه فى مستشفى وشغلى سبع ساعات الصبح بس مافيش تقصير الحمدلله وبزهق من يوم الجمعه والسبت لانى بكون اجازه فيهم المهم تعطى زوجك واولادك وبيتك حقهم لانهم اهم من اى حاجه وربنا يوفقك وتوصللى لقرار صحيح ومايكون فيه ضرر ليكى وكل واحده وعلى حسب ظروفها وتعاون جوزها معها

[drnahla]

...............
انتى عارفة الموضوع ده شاغلنى قوى
انا واخدة اجازة من سنة لما سافرت لجوزى ع الامارات
ع امل انى لما اجى هنا هاشتغل
لكن ظروف البلد هنا لم تسمح لى بالشغل
لازم ترخيص وخبرة
طبعا حاسة انى ضايعة
حرام دراسة سبع سنين تروح كدا........
والحل الوحيد عشان اشتغل انى ارجع مصر
طبعا ما ينفعش اسيب جوزى وانزل مصر عشان الشغل
فكان القرار انى هقعد ف البيت
لحد
ما اشوف نهاية اجازتى وحياتى ف الامارات هتودينى ع فين؟؟؟؟؟؟؟؟
لكن اكيد لو عشنا ف مصر انا كنت هاشتغل
عشان هاحس بكيانى اكتر
ويكون ليا زمة مالية مستقلة اقدر اساعد بيها اهلى