تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
انا زيك مدرسة وبشتغل بس دلؤتى في اجازة علشان الامتحانات
انا ححكيلك تجربتى في الموضوع ده
انا اول مااتجوزت كنت بشتغل وسبيت الشغل اول ما بنتى اتولدت اللى حصل انى كنت بفضل طول اليوم في البيت لوحدى مع بنتى ومش حقولك على التعب اللى كنت فيه كنت بستنى جوزى على احر من الجمر طبعا عايزة اتكلم معاه واحكي له اللى بتعمله فيي بنته ونفسي انه يدلعى زى الاول
اللى كان بيحصل انه كان بيجى تعبان جدا وطبعا بنته وحشته وعايز يلعب معاه ومش مصدق خالص انى بتعب منها زبيقول انى بدلع
وطبعا كل الامال اللى بحلم بيها طول اليوم بتتحطم وبيجلى خيبة امل فضلت على الحال ده 3 شهور اللى هى اجازة الوضع ونزلت الشغل تانى
انا معاكى ان الجلوس في البيت مريح ويخليك مش مقصرة في حق زوجك بس صعب اوى يكون محور حياتك هو البيت والاولاد وبس وخصوصا اما يكبروا شوية يعنى لما يكون عندهم 5 او6 سنين لان في الوقت دة هيكون في حاجات كتير ممكن تشغلهم عنك ومش حتكونى انتى محور اهتمامهم
]فنصحتى لكى ماتسيبش الشغل مادمت واخدة عليه وغصب عنك حتعملى شغل البيت
انا بالنسبة لى الشغل حياة لى ملهوش حياة
تانى حاجة وهو الاهم انا لما ربنا يكرمنى واتجوز هاعمل نص الوقت يعنى هاقسم البلد نصين
وبكده هاكون مبسوطة فى شغلى ومش مقصرة فى البيت وغير كده وكده المرتب برده بينفع وظروف الحياة صعبة
وربنا يوفقك للى فيه الخير
انا عندى فكرة خدى اجازة بدون مرتب وجربي هتقدري تعيشي من غير الشغل ولا لا
اذا عجبك الحال في البيت يبقا خير وبركة اذا اشتقتى للبيت يبقا ما فيش مفر
بصراحة انا من وجهة نظرى شغل الست بهدلة
ميرسي يا ام سجدة كتير والتجربة ده عدت علي من قبل وعشت المأساة كلها وميرسي يا منامنيو ع رايك ومشكورة يا هبة ع ردك بس انا جربت 3شهور الوضع واعوذ بالله من اللي حصل هههههههههههههههههههههههههههههههههههههههههههههههههه هههه
ايه يا جماعة ..يعنى رأيكم ايه ؟؟ طيب أنا مهندسة و عندى طفلين أصغرهم عمره سنة و 3 شهور.و شغلى فيه اختلاط و غالبا مديرى بيبقى راجل ومعى مهندسين أشكال و ألوان ..مش بتحسوا انها فتنة أنا مجربتش أبقى باشتغل بعد الزواج بس خايفة و لكن مشكلتى ان جوزى حاسس انى كسلانة و مش قادرة على الشغل كمان علشان ماديا رغم اننا والحمد لله مستوانا معقول يعنى المرتب بيكفى بس أعمل ايه أشتغل تحدى و خلاص و اسيب اولادى
انا معاكى ان الجلوس في البيت مريح ويخليك مش مقصرة في حق زوجك بس صعب اوى يكون محور حياتك هو البيت والاولاد وبس وخصوصا اما يكبروا شوية يعنى لما يكون عندهم 5 او6 سنين لان في الوقت دة هيكون في حاجات كتير ممكن تشغلهم عنك ومش حتكونى انتى محور اهتمامهم
]
الستات اللى مش بيشتغلوا تعليقهم ايه على أم سجدة..دة اللى انا حسة بيه .
بصى يا قمر انا زيك مدرسه بس واخده اجازة بدون مرتب عشان ابنى لسه عنده سنتين بس باذن الله راجعة العام الدراسى الجاى... انا اكتر واحده بتكره العمل و الصحيان بدرى و الالتزام و القيود لكن هيا دى الحياة عبارة عن التزامات لابد اننا نلتزم بيها و اهى بتعدى يعنى انا لما ازهق اوى افكر اسيب الشغل لكن بحس بعد كده انه قرار اهوج و متسرع و خصوصا انتى شايفة الاسعار بقت عاملة ازاى و الغلاء و الحياة الاقتصادية بقت صعبة فبحس ان ربنا باعتلى رزق حرام اسيبه و انى بتبطر على حاجه محدش لاقيها دى اولا .... ثانيا ..الرجالة مالهومش امان صدقينى ممكن فى زعله يقولك طب مش هديكى مصروف او يقولك معيش او تحتاجى حاجه يقولك ايه لازمتها و يبدى رايه فى كل مشترياتك عشان هوا اللى هيدفع و ده حصل معايا فترة الاجازة دى الحاجات اللى كنت و متعودة اجيبها من مرتبى بالنسبه للاستاذ كلام فاضى و مصاريف ملهاش اهمية فبقى ينقيلى اشترى ايه و مشتريش ايه و كنت بحس انى متكتفة عشان هوا اللى هيدفع ..فبصراحه قلت لا انا ارجع شغلى و يبقى لى فلوسى انا حرة فيها و اشترى اللى نفسى فيه و محدش يقدر يتكلم ..نصيحتى بعد سنتين اجازة بدون مرتب و ذل و ملل من البيت اوعى تسيبى شغلك دى نعمة محدش لاقيها شوفى الخريجات اللى بيحاولوا يشتغلوا بالحصة و لا بالعقد تحسى اننا بنتبطر و الله العظيم و لو حسيتى انك زهقانة خدى اجازة بدون مرتب شهر او اتنين لكن متسديش باب رزق ربنا فتحهولك ....معلش طولت عليكى بس اصلك حطيتى ايديكى عالجرح
انا بقى بدور على شغل دلوقتى عشان زهقت اوى
وعشان اخد الخطوه دى حصل معركه وبكاء وحجات كتير اوى لحد ما جوزى وافق
وانا عارفه انه وافق عشان صعب انى الاقى شغل دلوقتى بعد السنه الدراسيه ما بدأت وخصوصا هنا فى الامارات كل المارس بتكتفى من الصيف ومش بتقبل تعينات
بس الدنيا بقت غلا لدرجه صعبه اوى
واذا بنقدر نساعد ازواجنا ليه لأ
وكل شئ فى الدنيا ليه مميزات وعيوب
كفايه ان الشغل بيعرف على ناس وبتخرجى تشوفى ناس وبتكسرى روتين الحياه القاسى
والله اللى أقنع الستات انها تخرج من بيتها وتشتغل ضحك عليها ضحكه كبيره أوى.. انا رأيى فى الموضوع ده هو رأى الشرع اللى المفروض يحكم حياتنا كلها.. ان الأصل قرار الست فى بيتها.. إلا فى حالتين: إذا احتاجت الشغل لظروف مادية طبعا مش نفسية ودلع وكلام من ده.. أو إذا الشغل احتاجها.. يعنى فيه تخصصات لازم يكون فيها للست دور زى الطب بجميع فروعه والتدريس والبيع فى المحلات الحريمى وما شابه.. وبعدين الست لو قامت بكل الواجبات اللى عليها مش هاتلاقى وقت تشتغل فيه بره البيت.. يبقى لو اشتغلت بره أكيد هاتقصر فى واجب من واجباتها سواء مع الزوج أو الأولاد أو البيت أو يمكن نفسها.. ويوم القيامه ربنا هايسألها عن كل ده هاتقول له إيه؟ كنت بحقق ذاتى فى الشغل يا رب!! طبعا الكلام ده فى حق اللى الشغل مش محتاجها ولا هى محتاجه الشغل، وخارجه تحقق ذاتها فى دور مش دورها.. وعلى فكره اللى ماتلاقيش نفسها فى الدور اللى ربنا خلقها ليه تبقى عندها مشكله فى فهم نفسها وفهم الحياة ودورها فيها.. طب بالله عليكم.. مين بيتعب وبيشتغل أكتر الرجل ولا الست؟ يعنى هو يخلص شغله ويروح باشا مش وراه حاجه.. وهى تشتغل بره زيها زيه وبعدين تروح تدور فى الساقيه وشغل البيت اللى ما بيخلصش!! هاختم كلامى اللى ممكن يكون تقيل على قلب البعض بحاجه لاحظتها فى كل البيوت اللى رباتها بتشتغل ( بيشتغلوا نفسهم ).. وهى ان حماماتهم مش نظيفه!!!!!!!!!!!!!
.. طب بالله عليكم.. مين بيتعب وبيشتغل أكتر الرجل ولا الست؟ يعنى هو يخلص شغله ويروح باشا مش وراه حاجه.. وهى تشتغل بره زيها زيه وبعدين تروح تدور فى الساقيه وشغل البيت اللى ما بيخلصش!!
والله دة اللى بأفكر فيه و خصوصا انى طبيعتى و شخصيتى اللى تعبانى فى حياتى انى كثيرة اللوم لنفسى و مش مرتاحة خالص ..فمع الشغل مش عارفة بقى حأبقى عاملة ازاى..لو قصرت
بس المشكلة ان حماتى و مامتى و مرات أخى بيشتغلوا و حتى كمان خطيبة أخوا جوزى بتشتغل و حماتى بتقولى اصلها هى و أخواتها مش بيحبوا يقعدوا فى البيت و على طول دراسات و شغل..
..................................
طبعا فهمتوا حالتى كل الناس بتشتغل و بتدرس وأختكم فى الله (بروطة).."دى كلمة مصراويى تعنى تعنى انى كسلانة و قاعدة زى ما أنا"
رغم انى منظمة أكثر منهم و اقتصادية مووووت ..بس كل الناس شايفانى طبعا الستوتة اللى قاعدة فى البيت ..
والله زمن غريييييييييييب اللى يخلى الحاجة العادية غريبة .يعنى مش دة الطبيعى ..بس أعمل ايه دى نظرة اللى حوالية لية..برضه كالعادة أنا بأصدق اى كلام عنى و حاسة انى صفر..كبييييييير..
يمكن بصراحةمش بأعمل أى حاجة تثبت انى أحسن منهم حتى و لو أمام نفسى
على فكرة اللى مضايقنى فى كل الحوالية ..هو زوجى لأن هوة اللى يهمنى..أعمل اييييييييييييييييييييييييه
انا معاكى ان الجلوس في البيت مريح ويخليك مش مقصرة في حق زوجك بس صعب اوى يكون محور حياتك هو البيت والاولاد وبس وخصوصا اما يكبروا شوية يعنى لما يكون عندهم 5 او6 سنين لان في الوقت دة هيكون في حاجات كتير ممكن تشغلهم عنك ومش حتكونى انتى محور اهتمامهم
]
ايه رايك يا أختى الدمعة الحارة فى الكلام دة مش بيجى فى بالك .. قوليلى..
أنا واخده أجازه رعايه طفل بعد شغل 5 سنين بس علي قد الشغل ماكان مرهق وترجعي من الشغل تبدأي يوم جديد ف البيت وتشوفي إحتاجات بيتك بس كان الواحد بالنسبه لدلوقتي مكيف نفسه ووقته علي شغلي
وعلي فكره رأي همسات حب عاجبني جدا لأني دلوقتي ف أجازه وبخلص شغلي بدري حاسه بملل لكن نفسي أرجع الشغل جدا جدا جدا
واللي بتشتغل وعندها الفرصه دي ومش محتاجاها ياريت تاخد أجازات بلاش تسيب الشغل خالص محدش عارف الظروف فيها إيه
بصوا يا ستات ... انا باشجع ان الست تشتغل (لو عايزة) و احكى لكم عن تجربتى ... ياريت تكون مفيدة لكم.
انا مهندسة اتصالات .. اول ما اتخرجت اشتغلت فى شركة كمبيوتر كبيرة و كان معايا زملاء مهندسين و مهندسات ... و كنا كلنا مسئولين عن عمليات توريد و تدريب و صيانة و خدمة عملاء ... بصراحه كده كان شغل حلو قوى ... و كان التعامل بيننا يتسم بالاحترام و التعاون ... و كان العملاء كبار قوى ... يعنى مثلاً جريدة اخبار اليوم... جريدة الوفد ... هيئة البترول ...
حاجات جامدة فى البلد ... يعنى شغل ما فيهوش هزار... اتجوزت و كملت شغل لغاية لما ولدت بنتى الكبيرة ... و بعدين سبت الشغل سنة و نصف و رجعت تانى حوالى 3 سنين و بعدين اضطريت اسيب الشغل ... لان الشركة شبه افلست ..
و بعدين خلفت تانى ... و جوزى طلب منى ارجع اشتغل ...!!!
طبعاً مستغربين و لكن علشان و انا باشتغل بيبقى عندى طاقة اكتر و نفسيتى بتكون احسن ...
دورت على شغل تانى تكون مواعيده مريحه علشان بنتى دخلت مدرسة و معايا طفل صغير ... فاشتغلت مدرسة كمبيوتر فى احدى مدارس اللغات ... لمدة 3 سنين ... و كنت مبسوطة برضه ... لغاية ما سبت الشغل ...
و بعدين حاولت اشتغل فى مدرسة تانية و لكنهم ما كانوش مريحين ... فقررت اقعد فى البيت ...
و عندى حاجات كتير باعملها .. و مشغولة باولادى و مذاكرتهم و طلباتهم ..ما عنديش وقت فراغ ... و شغل البيت مش بيأخد وقت كتير منى
دى تجربتى ... عايزه اقول ان كل واحده و ليها ظروفها ... و طريقتها فى التفكير و التعامل مع الاخرين و اى شغل حيبقى فيه اختلاط ... يعنى لو واحده قررت تشتغل مدرسة فى حضانة ... ما هى ممكن برضه ممكن تتعامل مع ولى امر طفل ... صح
المشكلة مش فى الاختلاط ... اهم حاجة المكان المحترم اللى بتشتغلى فيه والناس اللى فيه
اناشخصياً ... كان معايا زملاء و زميلات فى منتهى الاحترام معايا و مع غيرى
و اهم حاجة اولادك و سلامتهم ... يعنى بلاش تسيبى طفل صغير مع مربية فى البيت ... استنى لما يكبر شوية
انا اسفه للاطالة ... و ارجو ان تستفيدوا من التجربة
انا عندي نفس المشكله ..إن عندي اطفال ونفسي اقعد في البيت عشان خاطرهم ..لكن
انا نفسيا انا عارفه اني لو قعدت في البيت هبقى كسوله لأن انا حياتي كلها في الشغل
وماديا انا كنت باخد فلوس من والدي عشان احتياجاتي بالعافيه ..فا ما بلك بقه لما احتاج من جوزي ؟؟
وبعدين فعلا عمري ما هقدر اقله على كل حاجه انا عاوزاها .. فعلا لازم يكون ليا زمه ماليه خاصه بيا اتصرف في فلوسي براحتي .. واستقريت اني احاول اوفق بين شغلي وبين البيت
والله هو الموفق ..
والله دة اللى بأفكر فيه و خصوصا انى طبيعتى و شخصيتى اللى تعبانى فى حياتى انى كثيرة اللوم لنفسى و مش مرتاحة خالص ..فمع الشغل مش عارفة بقى حأبقى عاملة ازاى..لو قصرت
بس المشكلة ان حماتى و مامتى و مرات أخى بيشتغلوا و حتى كمان خطيبة أخوا جوزى بتشتغل و حماتى بتقولى اصلها هى و أخواتها مش بيحبوا يقعدوا فى البيت و على طول دراسات و شغل..
..................................
طبعا فهمتوا حالتى كل الناس بتشتغل و بتدرس وأختكم فى الله (بروطة).."دى كلمة مصراويى تعنى تعنى انى كسلانة و قاعدة زى ما أنا"
رغم انى منظمة أكثر منهم و اقتصادية مووووت ..بس كل الناس شايفانى طبعا الستوتة اللى قاعدة فى البيت ..
والله زمن غريييييييييييب اللى يخلى الحاجة العادية غريبة .يعنى مش دة الطبيعى ..بس أعمل ايه دى نظرة اللى حوالية لية..برضه كالعادة أنا بأصدق اى كلام عنى و حاسة انى صفر..كبييييييير..
يمكن بصراحةمش بأعمل أى حاجة تثبت انى أحسن منهم حتى و لو أمام نفسى
على فكرة اللى مضايقنى فى كل الحوالية ..هو زوجى لأن هوة اللى يهمنى..أعمل اييييييييييييييييييييييييه
اولا موضوع الشغل مرتبط بعطاء الانسان وحبه للعمل اذا كنتى تعطين عمللك وتحبيه ستنجحين بمنزللك لان العمل واحد سواء بالمنزل اوغيره وعلى فكرة انا اعمل فى التدريس من عشرين عاما وناجحة فى عملى جدا بشهادة رؤسائى وايضا ناجحة فى منزلى بشهادة زوجى وعلى فكرة ست البيت دلوقتى بتصحى وبعد الظهر زى الموظفة لما ترجع البيت
ايه يا جماعة ..يعنى رأيكم ايه ؟؟ طيب أنا مهندسة و عندى طفلين أصغرهم عمره سنة و 3 شهور.و شغلى فيه اختلاط و غالبا مديرى بيبقى راجل ومعى مهندسين أشكال و ألوان ..مش بتحسوا انها فتنة أنا مجربتش أبقى باشتغل بعد الزواج بس خايفة و لكن مشكلتى ان جوزى حاسس انى كسلانة و مش قادرة على الشغل كمان علشان ماديا رغم اننا والحمد لله مستوانا معقول يعنى المرتب بيكفى بس أعمل ايه أشتغل تحدى و خلاص و اسيب اولادى
bobo
انا رائى بصراحة ان الشغل متعب لسيدة المتزوجة وعندها اطفال