[مدام اميره]

السلام عليكم ورحمه الله وبركاته
بصوا بقى انا لسه مشتركه فى المنتدى من شويه وعجبنى جدا وكمان حبيت طريقتكم ومشاركتكم اوى
ادخل فى الموضوع محتاجه رايكم
انا لسه متزوجه من شهرين ونص يعنى زى مابيقولوا لسه عروسه والحمد لله انا دلوقتى حامل ولسه فى الاول بس مشكلتى انى مش قادره اقعد فى شقتى مع جوزى اقوم بمتطلبات البيت بتعب ع طول وعارفين مشاكل بدايه الحمل فبحب اروح عند ماما بلاقى حنانها ورعايتها وطبعا جوزى مش بيجيلى على طول بحكم شغله وانه بيكسف مع ان انا وماما وبابا بس والشقه كبيره ونعرف ناخد راحتنا
اعمل ايه تعبت من البعد عنه وانه مش بياكل كويس بس والله غصبا عنى عايزه رايكم اعمل ايه ياريت تساعدونى

اذا اعجبك الموضوع و اردت نشره في المنتديات الاخرى فاستخدمي هذا الرابط:
عايزه تحلولى مشكلتى
http://forums.fatakat.com/thread32700

[أموونة]

ممكن مامتك تساعدك في شغل البيت ممكن مثلا تجهز لك خضار متقطع أو صلصة متسبكة أو فراح مسلوقة جاجت من دي وتحطيها في الفريزر هتسهل عليكي كتير أما شغل البيت من كنس ومسح ممكن تجيبي حد يساعدك فيها ولو حتي مرة واحدة في الاسبوع أظن أن ده أحسن من انك تبعدي عن جوزك

[monaabdalla]

شوفى يا امورة متعوديش جوزك ومتعوديش نفسك انك تبعدو عن بعض لانكم لسه فىبداية الزواج ممكن انك تقسمى الوقت ماما تيجى تعملك شوية حاجات فى البيت انتى تيجى على نفسك وتعملى حاجة جوزك لوانتى وهو فى البيت لوحدكم حيقوم يساعدك ولو الامر صعب نروح عند ماما يوم او اتنين وبالمحيله والدلع ومش عارفة انام منغيركم مش هاين على اكل من غيرك حيجى ويبات عند ماما على لن تكون الزيارة قصيرة وتعدى كدة الايام لحد ما يشرف عتريس

[فرحة]

بصي يا جميلة انا متجوزة من 11سنة يعني خبرة ووقعت في الغلط ده كنت باروح كتير عند ماما وهى اللي بتشترى اللحوم بس ده مش صح ابدا اتعودى تنامي في بيتك ومع جوزك واوعي تسيبي البيت الا لما تولدى بالسلامة وزيما امونة قالت لك ماما ربنا يعطيها الصحة تساعدك في التجهيزات وانشقي شوية الحياة لسة فيها كتير وربنا يسعد ايامك

[مدام اميره]

ربنا يخليكم ليا يارب وان شاء الله اعمل بنصيحتكم وادعولى ونفسى انشف والله يافرحه
شكرا يااموونه ومنى وفرحه

[أموونة]

العفو يا حبيبة قلبي احنا اخواتك وتحت أمرك في اي وقت

[همسات حب]

الحكايه محلوله كلنا نرتاح بس حنتعب ماما شويه تيجى لك يوم ويوم تظبط لك الامور
وانتى فى بيتك اخر تماام

[القطه]

بصى يا اميره زى ما قالولك الفتوكات
متتعوديش تباتى بعيد عن بيتك وجوزك
ممكن تجيبى حد يساعدك فى البيت فى النظافه
وماما ممكن بحنانها تساعدك بس تجيلك تبعتلك الحاجات الاكل مثلا تجهزهولك
الطلبات من السوبر ماركت بالتليفونات حتى الخضار انا بجيبه بالتليفون
ايه تانى ايه تانى اه بصى
ممكن جوزك يبوصلك الصبح لماما وبعد الشغل يجى ياخدك او بليل
تكون مامتك مجهزه طلباتك تاخديها وتروحى
جارتى كانت بتعمل كده فى الشهور الاولى للحمل
هى شهرين تلاته وبعدين هتكونى احسن
ولازم تجمدى شويه تبقى جدعه اومال لو جبتى البيبى التانى
ومعاكى الاول بطلباته وطلبات البيت والزوج هتعملى ايه اتجدعنى كده
وربنا يتملك بخير يا حبيبتى وتجيبلنا فتوكه صغيره حلوه لامها
او ولد(معلش اصلى بموت فى البنات)
يلا اللى ربنا يجيبه اكيد هيطلع حلو زى امه

[مدام اميره]

ربنا يخليكى يااموونه
ومتشكره ليكى ياهمسات الحب وعلى رايك المهم كلنا نرتاح وماما عسل وبتستحمل
وياقطه انتى زى العسل بس هقولك ياستى انا بينى وبين ماما 3مواصلات وانتى عارفه المواصلات فى مصر عامله ازاى وجوزى شغله خاص بيروح الساعه1 الضهر ويرجع واحده بليل فمش معقول هيودينى ويجبنى هيقتلنى ويخلص
بس ان شاء الله هعمل زى مانتوا بتقولوا وانا بنت او ولد مش مشكله بس يطلع ما شاء الله امور زى الصوره
وربنا يخليكم ليا

[القطه]

يا حبيبتى يا اميره ربنا يخليكى انتى الى عسوله
ربنا يتملك على خير وتقومى بالسلامه يا قمر

[مدام اميره]

اللهم امين
انا وكل الفتوكات الحوامل

[leader]

بصى ممكن مامتك تجيلك الصب وتحضرلك اكلك
وتعد معاكى وانتى بكدة تكونى ضربتى عصفوريين بحجر واحد
ان انتى بتشوفى مامتك وهى كمان بتشوفك ورضيتى جوزك ومبعتيش عنة

[ام الاء]

اختى العزيزه الفضل لكى ان ترجعى بذات انت لسه عروسه جديده واذا استطاعت والدتك ان تساعدك فى انها تعملك اكلات لاسبوع وتساعدك فى تنظيم بيتك مره فره الاسبوع او اذا امكنيتك تستطيع ان تاتى بواحده تساعدك فى البيت مره فى الاسبوع فافعلى واعلمى ان زوجك هقدرك اكثر ولن يتعبك وسوف يساعدك

[مدام اميره]

شكرا ياليدر بس ماما بتشتغل وامراه عامله بس بصراحه الست بتتحمل وربنا يخليكى يام الاء
بس الموضوع لو جه على عمايل الاكل هاجى على نفسى بس ريحته بتبقى معفنه ومباكلش منه وبفضل ارجع يعنى قرف
معلش كلامى وحش بس مكنتش راضيه اضايقكم

[monee_2020]

السلام عليكم ازيك يا مدام اميره يارب تكونى بخير معلشى يا حبيبتى استحملى شويه واتوكلى على الله والله انا حملى فظيع من الترجيع لحد الشهر الخامس غير بطنى بتكون كبيره جدا ومش باكون اقدر اعمل حاجه لاكن ما تسيبيش بيتك دا انتى لسه عروسه وعريسك اللى قعد يحلم بيكى انكوا تكونوا مع بعض يجى الشقه يلاقيها فاضيه وبعدين شوفى صدقينى انتى لازم تقعدى معاه علشان يحس بيكى ويقدر لك تعبك بعدين والله انا كنت زيك حامل بس جوزى كان دايما مسافر فى بلد غير بلدنا وبيجى خميس وجمعه وكان نفسى اشوفه او يجى لنا حتى ساعه فى اليوم نحس بيه استغلى وقتك فى حفظ القران فيه شفاء للناس والله اجمل فتره قبل مجىء البيبى الله يحفظنا واياكى بالنسبه لللشغل بتاع البيت ممكن ماما زى الاخوات ما قالوا ماما تساعدك وربنا يهون عليكى وتقومى لنا بالسلامه بس استحملى شويه ان شاء الله شر او شهر ونص وتبدأى تستريحى ربا يعافيكى

[رانيـــا الشقية]

طبعا الفتكوات قالوا الكلام المفيد
أنا بقى مش لاقية كلام أقوله غير...
ربنا يرزقك بالذرية الصالحة ويوفقك فى حياتك ياقمر

[مدام اميره]

ربنا يخليكوا ليا يارب يامونى ورنيم وان شاء الله انا هرجع والله واستحمل عشان هو وحشنى جدا بس انا اخرى عند ماما الجمعه عشان الحقن بس وبعد كده هروح بس هتوحشونى اوووووووووووى

[مؤمنة بالله ورسوله]

حبيبتى
الواحدة مدام تزوجت تعتبر اسيرة لزوجها وماينفع تسبية المدة دى لوحدة وخصوصا انكم لسة عرايس ياريت ترجعى وتيجى على نفسك ودة هيخالية يحبك اكتر ويقدرك
خلى ممتك تيجى تساعدك او احد اخواتك وربنا يتمملك على خير ويبارك فيكى وفى زوجك ورزقكم الزرية الصالحة

[كلام العيون...]

مرحبا
بجد ماتبعدي عن جوزك وبيتك لأنو هادا مملكتيك
واذا جوزك بحبك بساعدك وبيتحمل معك
وليه تعمليي كل داه ونفسيتك تتعب
ابقي عند جوزك وايد على ايد رحمة
بتتعاونو وبتتساعدووووووووووووووو
وخليي ماما تزورك كل يوم وتشوف طلباتك وبطريقتها وبذكائها بتعطيكي كل شي الحب والحنان وكل الي بتحتاجيه
وبعدين الزوج الشاطر بعوض مرتو عن كل شي بحنانو وحبو وعطفو وأخلاصو ووفاءو
فنصيحتي خليكيي بمملكتيك وحافظي عليها
وانا نصيحتي ما بحب حد يساعدني او اجيب حد عبيتي ينظفليي
ما بأمن لحد بصراحة بسبب الي بنسمعو
وزايي ما التيلك الحياة بالتعاون بين الزوجين بتمشي
تحياتي اليك
وموفقة يا رب
بايوووووووووووووووووووووو كمشاااااااااااااااااااااااااااااات

[مدام اميره]

متشكره ليكوا يامؤمنه بالله وكلام العيون ونرتى المنتدى ياكلام
ان شاء الله ده اللى يحصل وربنا يخليكوا ليا وميحرمنيش منكم