|
رد: اكتر موقف محرج؟
انا هبدأ واقولكيا دلع يا دلع اكتر موقف محرج حصلى كنت مكسوفة من الموقف ده موت ولحد دلوقتى كل ما افتكره بتكسف اووووووووووى
المهم انا يا ستى فى اليوم ده كان عندى امتحان اخر السنة والباص بتاع الكلية فاتنى فخطيبى هو جه وصلنى بالعربية ورحت الامتحان وانا فى قمة التوتر وكان عندى ال period فى اليوم ده ومن كتر قلقى خلصت الامتحان وانا ملخبطة ونسيت انى ادخل الحمام يعنى اظبط اللى انا فيه عشان ما اتفضحش
المهم حليت كويس فنزلت اجرى بقه وانا مبسوطة وطلعت بره الكلية على طول اقول لخطيبى انى خلصت وحليت كويس وركبت العربية والطريق طويل حوالى ساعة لحد البيت المهم جينا عند البيت والمفروض انزل حصل اللى ما كنتش عاملة حسابه
فخطيبى بيقلى يلا انزلى وانا متثبتة فى الكرسى ومش عايزه اتحرك وببصله وانا مكسوفة موت ووشى جاب الون ومش عارفة اقوله ايه يقولى انزلى مالك فى ايه اسكت واقوله اصل.......... واسكت وكنت حاسة انى بقيت خرسة ولسانى تقيل هههههههههههههههه
المهم فضلت كده مش عارفة انطق بكلمة وبعدين قولتله اوكى هنزل المهم نزل هو الاول وفتحلى الباب عشان انزل وكنت بقول يا رب مش يكون فى حاجة على الكرسى وبعدين بصيت لقيت ان فى حاجات مش حاجة بس ههههههههههههههه
فضلت فاتحة الباب وماسكه فيه مش عايزه اسيبه يقفله وهو طبعا مستغرب يقولى مالك فى ايه انتى مش طبيعية قولتله ايوه انا فعلا مش طبيعية
المهم كنت هعيط والله قولتله بص على الكرسى
فبص وفهم قولتله بجد انا اسفة غصب عنى ماكنتش اقصد والله
وكان ناقص اعيط فعلا المهم قاللى هو ده اللى مخليكى لزقة فى الكرسى كده طيب وضحك اوووووووووى
فقولتله طيب هات بقه ميه ومناديل عشان انظفها
قاللى مستحيل والله انا اللى هنظفها واتحايلت عليه قوى وقولتله هتقرف منى وكده قاللى لا والله ابدا انا اللى هعملها وقفل العربية عشان يطلعى البيت بالفضيحة اللى كنت فيها دى وكنت طبعا نفسى الارض تتشق وتبلعنى
وميرسى اوى يا دلع على الموضوع الجامد ده
|
