[اسكندرانى]

بتناديى وتقوليلها يا ايه.........؟

ماما



طنط





حاجه(ام فلان)



حماتي



هسألكم سؤال

كل وحده بتنادي علي حماتها بايه ؟؟؟؟
او بتقول لحماتها ايه؟؟؟
وهل الالقاب ممكن ان تحدث فجوه او تحدث تقارب ؟؟؟
بمعني اخر انا لو قلتلها ياماما نتقارب انا وهي وتحس اني مثل بنتها وانا احس انها امي؟؟؟؟؟؟
ام ماذا ؟؟؟؟
انا اعرف حموات كتير بتزعل لو زوج ابنتها لم يناديها بماما؟؟؟
والعكس ايضا؟؟؟
انت بتقولي لحماتك ايه وليه؟؟؟


أنا عن نفسى حماتى متوفيه (رحمها الله) وكنت بشوفها قبل ماعرف زوجى لانها قريبتنا من بعيد وكانت انسانه طيبه جدا........ جوزى بيزعل منى جدااااااااا لو جت سيرتها وقولت عليها (مامتك) لانه بيحبنى اقول عليها ماما وهو بيقول لمامتى ياماما

اذا اعجبك الموضوع و اردت نشره في المنتديات الاخرى فاستخدمي هذا الرابط:
!!!!!!!!! بتنادى عليها وتقوليلها ايه ......................؟
http://forums.fatakat.com/thread32786

[اسكندرانى]

منقووووووووووووووووووووووووووووووووووووووووووووووو ول

بس الكلام اللى باللون الاسود تحت كلامى

[ام الصبايا]

حياك يا اختي بما انك عايشة
في الكويت اكيد انك بتسمعي
الكوتيات بنادو على ام ازواجهم
( يا خالتي) صح ولا لا
وانا كذالك بنادي على ام زوجي
يا خالتي وهي فعلا زي خالتي
كاخت لامي لانها طيبة
وقلبها ابيض .....
محبتك ام الصبايا

[أم البراء2008]

وانا زيك يا اسكندرانى حماتى متوفية والله كنت اتمنى تكون عايشة كانت طيبة أوي وملتزمة ومنتقبة الله يرحمها ويغفر لها ويدخلها فسيح جناته

[ام سعيد]

مشكووووووووورة على موضوعك
انا بنادى عليها بطنط

[ام ايفان]

احنا في العراق نناديها (عمتي)
وانا اناديها عمتي..لان بصراحة محدش تقدر تاخذ مكان ماما

[حبيبة بابا]

انا باقولها يا طنط وسا عات يا حاجة
لان طبعا زى ما قالت ام ايفان ما اقدرش اقول لحد تانى ماما

[أم هاشم وعبيد]

هوا صحيح مافي أحد زي ماما بس عندنا في المدينة بالذات الاغلبية بيقولو لأم الزوج "ماما" والزوج يقول لحماته"خالتي"
وأنا كمان أناديها ماما وأصلا هيا اللي طلبت مني أناديها كدة وبتفرح بالكلمة ده عشان ماعندها بنات وخلفتها كلها أولاد

[اسكندرانى]

أشكركم جميعا عالمشاركه
وكويس اننا نعرف معلومات من كل البلاد العربيه

أنا بردو بقول مينفعش حد يحل مكان ماما فى اللقب
بس أعمل ايه لجوزى مقدرش أحرجه لانه هو اللى طلبها منى
وبيزعل أوى لو مقولتش ماما

[سمسمه26]

اول ماتطبنا كنت بقالها طنط جوزى قاللى ايه طنط دى لازم (ماما)
بس استاذنت ماما الاول،وهى فعلا طيبة ساعات بحس انها زى امى

[temoon.pompa]

حبيبتي موضوعك جميييييييييييييييييييييييل بس مش كان جه بدرى شويه يلا ماعلينا المهم انا ليا وجهة نظر ياجماعه
طبعا محدش يقدر يحل محل الام بس الالقاب دى فعلا بتقرب المسافات وبتخلى الناس تحس انهم قريبين من بعض اكتر وانا عن نفسى لما كنت مخطوبه كنت بقولها يا ماما عادى .............
بس بجد موضوعك حلو اوووووى ربنا يكرمك وجزاكى الله كل خيييييييييييييييير

[حتة سكرة]

بصى انا ساعات بقولها ماما
وساعات بقولها يا دودو بدلعها يعنى
وهى بتحب الاسم دة منى اوى وخصوصا لما بنكون بنهزر

[رانيـــا الشقية]

موضوعك جمييييييييييل
بس المشكلة أنى لسه ما اتخطبتش عشان اقولها .........
بس فى نيتى لو كان ليا حماة كويسة وطيبة هقولها يا أمى ...
عشان اقرب المسافات بينى وبينها أما لو طلعت من اياهم
هقولها (يا طنط ) حسبى الله ونعم الوكيل فيكى ههههههههههههه

[ام ميداء]

أنا عن نفسى حماتى متوفيه (رحمها الله)

[أميرة الرومانسيه]

انا بناديها بماما لانها زى ماما الله يرحمها

[shimo_shiko]

أنا أنادي لحماتي ب ماما
و كذلك زوجي يقول لوالدتي ماما

[widad]

انا انادى حماتى امى +اسمها لانها ام حبيبى وجدة اولادى فاحترامها واجب اما كلمة
امى حاف انا لا استعملها لانها خاصة بالغلية رحمها الله

[رانيه]

ماما هي ماما بس ام زوجي خالتي (خالتوا)