[ام ميداء]

السلام عليكم ورحمة الله
انا ملاحظة يا جماعة الخير ان الشكوى كثرت جدا
من عدم قراءة المواضيع او قلة الردود
وده منطقى لان المواضيع زادت جدا ومش ملا حقين نقراها

لذلك اقترح وقف كتابة المواضيع حتى لمدة 3 ايام
وتكون فرصة لقراءة المواضيع التى تعبت فى كتابتها
اخواتى الحبيبات والاستفادة منها

ارجو ردوا عليا بالتاييد او الاعتراض عايزة اعرف رايكم
مع شكرى وتقديرى

[رانيا الدلوعه]

والله انا موفقه لو ده حيخلي الناس تشوف مواضيعي الي انا حسه اني بكتبها لنفسي

ههههههههههههههههههههههههه

[ماما دودو]

وأنا كمان موافقة لأني موش ملاحقة أقرأ عدة مواضيع

[ام اسلام2]

انا معكم يا فتكوات طبعا

[ام ميداء]

ها عايزين راى بقية الحبايب

[emyaly]

انا معاكى فى الراى جدا جدا
وخصوصا ان يعنى معظم المتزوجات على الاقل مش بيقعدوا طول الوقت عشان مسئولية البيت وبالتالى بتعدى منهم مواضيع كتيرمن غير مشاركه او حتى افادة المنتدى بالجديد

[marwa142]

صح ياأم ميادة انافعلا لاحظت كده اقتراحك كويس بس ياريت الادارة توافق بس

[hager aly]

والله يا ام مياده اقتراحك حلو
بس للاسف مش هيحل المشكله وهتظهر تانى
انا راى ان الاداره تدخل نظام حجب المواضيع لغايط كتابة الرد
لانها بقيت حاجه تنرفز بجد

[شوشو123]

وانا معاكي ياام ميادة
بس ياريت الاداره توافق

[ام ميداء]

والله يا ام مياده اقتراحك حلو
بس للاسف مش هيحل المشكله وهتظهر تانى
انا راى ان الاداره تدخل نظام حجب المواضيع لغايط كتابة الرد
لانها بقيت حاجه تنرفز بجد

يا هاجر لو حتى نعمل الحجب يومين فى الاسبوع
نتفق عليهم او تحددهم الادارة اكيد التاثير هيبان
على الردود ومش هيكون فيه مشكلة تانى

[nana_ay]

والله فكره رائعه يا ام ميدا انا عن نفسى مش لاحقه اشوف كل المواضيع
وفى مواضيع اشوفها وافاجا انها مكتوبه من عدة ايام وبتكون مواضيع مفيده
جزاكى الله خيرا على هذا الاقتراح

[toto s]

انا مع اقتراحك لاني انا كمان ملاحظه كثرة الشكاوي

[ام ميداء]

والله فكره رائعه يا ام ميدا انا عن نفسى مش لاحقه اشوف كل المواضيع
وفى مواضيع اشوفها وافاجا انها مكتوبه من عدة ايام وبتكون مواضيع مفيده
جزاكى الله خيرا على هذا الاقتراح

وجزاكى خيرا اكثر منه

[مصراويه]

وانا معاكو يا جماعه لأ نى بصراحه مش بلحق أقرا كل اللى انا عايزاه

[فدووو]

اقتراح جميل بس انا ليه اقتراح تاني وياريت تولو رايكم فيه وبعدين الاداره تاخد بالراي الاصلح


ياجماعه انا مشتركه في منتديات اخري وفي منتدي عامل نظام جميل جدا وهو
ان يحددو لكل عضو موضوعين فقط في الاسبوع ولا زياده عنهم ولو كان عند العضو مواضيع كتيره يضع كل اسبوع اثنين علشان الناس تلحق تقرا كل المواضيع
ونقدر نستفاد من كل المواضيع
ايه رايكو في هذا الاقتراح ياريت اعرف رايكو من خلال ردودكم
وجزاكم الله خيرا

[أم روان]

انا عاندى اقتراح احلى يا ام ميداء ان كل عضوه يكون ليها موضوع واحد فى اليوم
ده بتعملو منتديات كتير
ايه رايك
ويكون عندها وقت تشارك باقى الاعضاء

[ام حمادة]

انا موافقه جدا على الاقل الاقى الاسره كلها تقرا مواضيعى

لان حاسه ان مفيش اهتمام او مفيش وقت للكم الهائل من المواضيع

[ام ميداء]

اقتراح جميل بس انا ليه اقتراح تاني وياريت تولو رايكم فيه وبعدين الاداره تاخد بالراي الاصلح


ياجماعه انا مشتركه في منتديات اخري وفي منتدي عامل نظام جميل جدا وهو
ان يحددو لكل عضو موضوعين فقط في الاسبوع ولا زياده عنهم ولو كان عند العضو مواضيع كتيره يضع كل اسبوع اثنين علشان الناس تلحق تقرا كل المواضيع
ونقدر نستفاد من كل المواضيع
ايه رايكو في هذا الاقتراح ياريت اعرف رايكو من خلال ردودكم
وجزاكم الله خيرا

اقتراح معقول جدا وانا اؤيده

[ام ميداء]

انا عاندى اقتراح احلى يا ام ميداء ان كل عضوه يكون ليها موضوع واحد فى اليوم

ده بتعملو منتديات كتير
ايه رايك

ويكون عندها وقت تشارك باقى الاعضاء

اقتراح سديد اوافقك يا ام روان

[ام ميداء]

وانا معاكي ياام ميادة
بس ياريت الاداره توافق

طب حتى اى مشرفة توافق او تعترض