[إيمان عابدة الرحمن]

يا جماعة معلش سامحوني

أنا أعرف الهاف أتوماتيك والفول أتوماتيك

بس ده أول مرة أسمع عن الفوق أتوماتيك

يعني ممكن حد يفيدني ويقولي فيها إيه زيادة؟؟؟؟؟

[LOlO]

حبيبتى أنا عندى توشيبا العربى الفوق ماتيك 8 كيلو وهى حلوه جدا وبتنضف الغسيل كويس جدا ولا فى كرمشه ولا حاجه بس المشكله الوحيده ان مفيهاش سخان يعنى الغسيل الأبيض لازم يتنقع بره الأول وفيها برامج مختلفه للغسيل زى الأتوماتيك بالظبط فيها مثلا برنامج للغسيل التقيل وبرنامج للحراير والستاير وبرنامج للنقع لمدة ساعه ومدة دورة الغسيل كامله شامله الشطف والعسر 45 دقيقة وممكن تستعملى مسحوق عادى أو أتوماتيك أما بالنسبه للسعر فى نوعين من الغساله النوع الأول: بطرمبه والنوع ده لازم له وصلة صرف زى الغساله الأتوماتيك بالظبط وسعره 1450 جنيه النوع الثانى: من غير طرمبه والنوع ده بيكون الصرف بتاعه عن طريق خرطوم أرضى زى اللى موجود فى الغسالات العادية بالظبط وسعره 1250 جنيه وده كل شئ عن الغسالة الفوق ماتيك ولو عندك أى استفسار أبعتيلى وأنا تحت أمرك

شكراا جداا علي اهتمامك
بس انا عندي سؤال ليكي هل البرنامج شامل كل حاجه ولا يعني بتخلص غسيل اروح ادوس علي الشطف وبعد ما تخلص ادوس علي العصر ولا هو البرنامج زي الاتوماتيك احط الغسيل وانسي واطلعه علي النشير بس

[LOlO]

الفوق اتوماتيك توشيبا العربى المستورده اللى10 كيلو حلوه وفيها سخان ودورة الغسيل أقل من الفول أتوماتيك0

توكلى على الله وهاتيها وده عن تجربه والله0

شكرا علي اهتمامك
بس هي توشيبا المستورده دي موجوده في فروع توشيبا.

[safynazma]

الفوق اوتاماتيك حسب معرفتي بابها من فوق وبتوزن الغسيل الاول وتحددلك كمية المسحوق اللي تحطيها وعلى اساس كطمية الغسيل هي بتظبط كمية الماء وزمن الغسيل مع نفسها وممكن تظبطي البرنامج زي ما انتي عايزة يعني نقع اوغسل اضافي او شطف اضافي ده اللي اعرفة

[ريحانة بدر]

شكراا جداا علي اهتمامك
بس انا عندي سؤال ليكي هل البرنامج شامل كل حاجه ولا يعني بتخلص غسيل اروح ادوس علي الشطف وبعد ما تخلص ادوس علي العصر ولا هو البرنامج زي الاتوماتيك احط الغسيل وانسي واطلعه علي النشير بس

لا يا حبيبتي بتحطي الغسيل وتنسيه وتطلعيه على النشر زي التوماتيك
وهي مفهاش سخان صحيح لكن بيتوصلها سخن وساقع عادي
انا عندي يونيفرسال بس منصحكيش بيها توشيبا اكيد احلى

[reeba]

السلام عليكم

أنا عندى غسالات كتير وكلهم فيهم مشاكل.... ومن ضمن الغسالات دى غسالة فوق أتوماتيك توشيبا 8 كيلو , هيه صحيح مريحه بس مبتنضفش الغسيل , وكمان مبتاخدش هدوم كتير ومبتخدش ميه سخنه, بس بغسل فيها هدوم الخروج والستائر

انصحكيا أختى انك تجيبى واحده هاف توشيبا 7 كيلو مثلا بصراحه كل اللى جابوها شكروا فيها , وان شاء الله هجيبها, وتجيبى واحده بقى فوق اتوماتيك بس طبعا أكيد التوشيبا أحسن , بس بلاش 8 كيلو لانها بجد مبتاخدش كمية هدوم كبيرة , بتاخد حاجه بسيطة قوى وأثناء الغسيل بتلف ببطء يعنى مبتنضفش , اللى جرب العشرة أو ال 12 يقولك

وبالتوفيق

[LOlO]

شكراا لاهتمامكم جميعا بس هو في 12 كيلو انا شوفت علي موقع توشيبا 10 بس طيب لو في ممكن تدلوني فين
وبالنسبه للاخوات اللي مجربينها ممكن تقولولي هيا بتنضف ولا واستهلاكها للميه والصابون والكهرباء ازاي

[LOlO]

انتم فين يا بنات خلاص دي كل حاجه تعرافوها عن الغساله ياريت لوحد يعرف حاجه يقولي علي طول
وجزاكم الله كل خير

[LOlO]

ياجماعه حد مجرب توشيبا ال10 كيلو او توشيبا ال12 كيلو فوق اتوماتيك
وياريت تردوا عليا بسرع علشان عاوزه اشتريها

[مونيتا]

والله لازم اخد من شركه توشيبا عموله على ترويجى لغسالتها كل شويه ادخل ولاقى وحده بتسال عن الغساله ديه وتلاقنى على طول اقول اشعار عليها لانها فعلا تتحتاج تتكلم عليها من الاخر تحفه ولسه وحده صحبتى شريها من كتر ما انا بتكلم عليها وعمله فيها شويه تعديلات زى الشلالات الى جوه والفلتر بتاع الشوائب بدل مهو قماش بقى بلاستك سعه المياه اناكانت عندى 52 لتر بقيت 71 لتر اما بقى على موضوع السخان اه هو فعلا عيب فيها انها مفيهاش سخان بس لها وصلت سخان بمعنى انك تعمللها وصله من سخان المطبخ او الحمام ده لو الموضوع قريب منك لو مش هيحتاج تكسير او تكاليف وكفايه كلام عشان لو فضلت اتكلت عليها مش هخلص بجد حكاييييييييييييييييه