[ضحي *]

أذيكم يا فتكاوات وحشتوني جدا عندي موضوع غريب القصة دي حصلت لوحده جارتنا هي متجوزه من حوالي سنتين بعد قصة حب طويلة وبعد الجواز بيوم واحد بس أبتدا يمد أيده عليها بالضرب ولآتفه الأسباب وهي في شهر العسل وبعد ما يضربها يصالحها ويوعدها أنه ما يعملشي كده تاني ولما رجعت مصر كان فاضل علي رمضان يومين وقالت أنه أكيد حيحترم نفسه في الشهر الكريم ده ولكن برضه بدأ يضربها حتي وهما صايمين وبصراحة البنت دي بنت ناس أوي وبباها راجل مستشار وليه أسمه وفي يوم كانوا معزومين في بيت بباها قالت له أنها حتشتكي لبباها منه أخذ كلامها بأستهانه وقال لها عوزه تقولي قولي أنا مبخافشي ولما قالت لبباها أتخانق معاه وقال له أن بنتي حتفضل في بيتي لحد ما تريح أعصابها وفات يوم والتاني ومرحشي يأخذها حماتها أتصلت وحاولت تعرف منها أيه الحكاية وقالت لها أنه ميصحش تسيبي البيت وده بيتك وده جوزك الي بيحبك يعني حننت قلبها عليه وبعدين قالت أنا حروح بيتي أنا محدش طردني منه وحاولت تقنع أبوها بكده فعلا رجعت وجوزها كان فرحان بيها أوي ولكن مبطلشي ضرب أشتكت لأخوه الكبير لأنه في مقام أبوه لأنه يتيم زعق معاه وأتعدل شويه وبعدين رجع يضرب تاني ضرب مبرح لدرجة أنه كان يحصفي لها عنها ده غير الزراق الي في جسمها والمشكلة أنها بتحبه ومش عوزة تطلق علشان كلام الناس وكانت ديما بتحاول معاه يتعدل شويه ربعدين يرجع تاني قالت يمكن لما نخلف يتعدل وأكتشفت في أول جوازهم أنه عنده نوع من أنواع العقم صبرت معاه ولفت معاه علي الدكاترة وبعدين عملو طفل أنبيب والعملية ناجحت وهي حامل في أخر السادس دلوقتي وبصينا لقناها جيه أمبارح عند مامتها الساعة واحدة الظهر في عز الحر ركبت تاكسي وسابت البيت له لآنه ضربها ضرب جامد وأنا شفت أديه شكلها مخيف وبتقول أنه ضربها علي ظهرها وطبعا كان ممكن يسقطها وسبب المشكلة أنه بقاله 3 أيام بيرجع متأخر جدا وهي بتستناه والدكتورة كتبلها دواء يتاخد 3 مرات من تعبها بتنام قبل ما تأخذ القرص الثالث أتخانق معاها وقال لها أنتي عوزه البيبي يطلع مشوه وله تسقطي أنتي غبية أنتي وأنتي ردة عليه وقالت له أنا أسفة دول 3 أيام ميعملوش حاجة وكلمته بهدوء ولكن هو زودها سابت له الحجرة وقاعدة في حته تانيه كل شويه ينده عليها يقولها أنتي زعلانه مني تقول له لا وتحاول تعدي الموضوع وتبعد عنه دخلها في أوضه تانيه وقال لها أنتي زعلانه من نفسك طبعا قالت له أنا مقصرتش في حاجة علشان أزعل من نفسي وحاولت تخرج من الأوضه راح ضربها علي وشها راحت منفجرة فيه ومسكت أديه وقالت له أيدك متتمدش عليا تاني راح قال لها أنتي بتعلي صوتك طب ونزل ضرب فيها قالت له أنا حسيب البيت ومشيه قال لها في 60 داهيه خرجت وجت علي مامتها كلمها علي الموبيل قالت له وهي بتزعق أنا عند ماما ووصلت ومش ححكي لحد علي حاجة رد عليها قال لها ليه متحكي بأستهزاء قالت له أنا مش قدره أتكلم مع حد وأفلت في وشه وهو بيحاول يكلمها من إمبارح وهي مش بترد عليه قالت لمامتها وأخوها وأختها وليه علشان أحنا أصحاب من زمان ولسه مقلتشي لبباها أي حاجة هو فاهم أنه مسافر في شغل أنا من خلال معرفتي بيها والكلام الي حكته هي بتعترف أنها ساعات كانت بتبقي غلطانه ولكن هل الضرب هو الحل ؟ بصراحة معرفتش أقول لها أيه وهي دلوقتي منهارة جدا أختها بتقول لها أطلقي ولكن هي خايفة من الطلاق وخايفه علي أبنها الي في بطنها يطلع يلاقي أبوه بعيد عنه أو يطلع يلاقي أبوه بيضرب أمه أنا طولت عليكم بس لو تشوفوا منظرها أكيد حتصعب عليكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
جوزها ضربها وهي حامل تعمل أيه؟؟؟؟؟؟
http://forums.fatakat.com/thread32850

[rawan432]

ممكن تكون بتغلط فيه
بس مهما يكون الامر
مافيش راجل محترم يمد ايده على واحده ست
ده ضعيف الشخصية
كان لازم تبقى حازمة من الاول هى اتاخرت كتير
بس لازم يقف عند حده
وهى كمان تعرف ازاى تتعامل معاه مش تتعود ع الضرب باسم الحب
الطلاق مش حل

[القمر الاسكندراني]

الضرب مينفعش لازم يتربا شويا تقعد عند اهلها مثلا لحد ماتولد هو هيتجنن بس متقولش انها قاعده عشان تولد لا قاعده عشان اسلوبه مينفعش ده رأيي واكيد في اراء تانيه

[ام كوكو]

فعلا انا من رأي مجروحه من اغلي حبيب اللي فهمته من كلامك انها هي اللي كانت بترجعله من نفسها كل مره من غير مهو اللي يروحلها ويصالحها فهو اكيد استسهل العمليه وبيقول اخرها ايه يعني هتزعلها يوم ولا يومين وبعدين هترجع لاه لازم صاحبتك تاخد موقف وتبينله اه هي دي القشه التي قسمت ضهر البعير وتقف في وشه هي وكل اهلها محدش منهم يبينله انه متعاطف معاه وانهم كلهم ضده عشان يخاف ويحس انه ممكن فعلا يفقدها للابد وهو اللي يروحلها ويتحايل عليها وبرده متسامحوش من اول مره لاه خليه يتحايل عليها مره واتنين وعشره عشان يعرف ان الموضوع مش سهل زي متعود عليه وحتي كمان لما ترجعله متبقاش فرحانه علي اخرها ومتلهفه له لاه تحسسه انها راجعه غصب عنها عشان اللي في بطنها بس وانه لو فكر بس انه يمد ايده عليها هتبقي خلاص دي الضربه القاضيه وهتكون اخر الحياه بينهم يمكن يرتدع ويفكر الف مره قبل ميمد ايده عليها تاني
ربنا يهديهولها ويصلحهولها ويارب يتمم لها الحمل علي خير وتقوم هي والبيبي بالف سلامه

[toto s]

في كتير رجاله هيك الضرب بدمها متعوده على هيك
الله يعينها ويصبرها

[ام سيف الدين]

و الله المفروض يتربى لانه مشتراش جارية يعذبها
هى لازم تقلب الدنيا علية و تتقل شوية عشان تعرف توقفوا عند حدوا لان بالشكل دا مينفعش
و بعدين انتم جايين تقولوا طلاق دلوقت بعد ما عملت اطفال انابيب يعنى خلفة مع سبق الترصد
يبقى طلاق لا بس لازم حل رادع له و لامثالة

[nefertety]

والله مشكله كبيره جدا خصوصا مع وجود طفل والمشكله ديه متكرره كتيروفي اللي بيصبر ومنهم اللي بينسحب
بس نصحتي علشان هي حامل تحاول تستحمل شويه وطبعا لازم يكون هناك
حكم من اهله وحكم من اهلها علشان يعرف ان الحكايه مش سايبه وتحكي علي كل
حاجه ومتروحش علي طول تتقل كتيرعلشان يحس بقيمتها وقيمه اللي في بطنها
ولما ترجعله طبعا بعد عذاب ما تتنازلش لحظه عن كرامتها لانها اغلي شئ
ويارب يسهلهالها ويكملها علي خير 0000

[shimo_shiko]

شوفي يا أختي العزيزة
مش ممكن الرجل يضرب من غير سبب
و لو فرضنا إنه عصبي و بيتلكك يا ستي ... هي تحاول تتجنب شره و ما تقف أمامه وقت العصبية إلي أن يهدأ و بعدها تكلمه بهدوء و معاتبة بلطف و حنية و دلال
و بدون إتهام أو شد .
يا جماعة الرجل طفل ممكن تملكيه .

[حتة سكرة]

اخواتى قالو كل اللى ممكن يتقال
بس ضيفى علية كمان انة حتى معملش حساب انها حاااااامل
فى ابنة وبرضة ضربها ؟؟؟؟ دة راجل بيستهبل ومعندوش عزيز
اللى يضرب واحدة حامل يبقى عندة استعداد يضرب علطول
هى فعلا لازم تتقل شوية ويكون فية قاعدة زى قاعدة عرب كدة
ويجيبو اخوة وبابابها يقولة انت المسؤل امامى عن اى حاجة تحصل
يعنى من الاخر يدبس اخوة فى المصيبة دى
يمكن يعمل حساب ان اخوة هو اللى هيكون شكلة وحش ويتحرج
مع الراجل
وهى اياك والف اياك انها تتساهل معاة تانى
خليها تبنى كرامتها من اول وجديد
وربنا يهدية

[جالاكسى2006]

بصى ياقمر الراجل اللى بيضرب عمره ماهيبطل ضرب غير لما ربنا يهديه انا رايي انها تفضل عند مامتها لحد ماتولد وابوها يقوله مش هاتشوف البيبى غير لما نعمل قعدة رجاله كبيره ويكون فيها ناس كبيره من العيلتين ويتعهد انه معدش يمد ايده عليها ولو حصل تانى يبقى الطلاق فورا وماتقولش ابنى الافضل انه يتربى من غير اب على انه يطلع يشوف ابوه بيضرب امه ويعمل كده ف مراته وتبقى المصيبه بقت اتنين والولد فى كلتا الحالتين هايتعب ربنا يهديه يارب يارب