[شيمـــــــــــاء]

المقادير:
1- نصف كيلو كنافه
2- علبه لبن مكثف
3- كوب سمن بلدى
الطريقه:
توضع الكنافه فى الفريزر لمده 10 ساعات ثم نخرجها ونفرمها و تحمر ف السمن حتى يصبح لونها ذهبى ثم نوضع عليها اللبن المكثف وهى ساخنه مع التقليب السريع ثم نفرغها فى قوالب الثلج الخاصه بالفريزر(وهى ساخنه)ثم نضغطها فى القالب ونقلبها فى الطبق ثم توضع بالثلاجه لمده ساعه و بالهنا والشفا....جربوها وادعولى

اذا اعجبك الموضوع و اردت نشره في المنتديات الاخرى فاستخدمي هذا الرابط:
مكعبات الكنافه
http://forums.fatakat.com/thread32892

[ام سعيد]

مشكووورة بس إنتى جربتيها الطريقة ده

[ريتا ميشيل]

الطريقه دى متجربه ولا ايه
وعندى سؤال هى بتتفرم وهى متلجه ولا نستناها لما تفك شويه

[شيمـــــــــــاء]

انا جربتها كتير وكل اللى بيدوقها بتعجبة قوى
توضع الكنافه بالفريزر لسهوله تفتيتها

[ريتا ميشيل]

يعنى يا شيمو يا عسل انا احطها قد ايه فى الفريزر وبعدين اطحنها فى الكبه ولا افركها فى يدى وهى متلجه ولا اسبها شويه

[شيمـــــــــــاء]

خليها فى الفريزر لغاية متجمد وبعدين تفتتيها بايدك او بالكبة مفيش مشكلة المهم تكون متفتفتة علشان تعرفى تحمريها فى السمن وتضغط فى القوالب

[منمن]

امال فين السكر ولاهى مش محلاه
عموما تسلم ايدك

[شيمـــــــــــاء]

لو قريتى الطريقة يامنمن هتعرفى ان بعد التحمير فى السمن هتحطى اللبن المكثف ودة سكرة كفاية قوى وياريت تجربيها انا متاكدة انها هتعجبك وبالهنا والشفا

[ريتا ميشيل]

بما انك مجرباها ايه رايك تنفع اعملها فى عيد ميلاد بنتى

[منمن]

اوكيه جزاكى الله خير وان شاء الله هجربها طب ممكن نضع معها مكسرات

[مدام ديدى]

تسلم ايديكى وعنيكى تحفه بجد اسمحيلى ارد بدالك
اكيد ممكن تحطى عليها مكسرات وممكن برضو تضعيها فى كاسات وتجمليها بالكريمه او القشطه او الكريم شانطى

[مرمريكا]

باين عليها لذية قوى
وسهلة كمان
تسلم ايدك

[شمسه]

السلام عليكم,هذه أول مشاركة لي ،وأنا مسرورة إني انضميت لكم، حبيت أقدم إضافة بسيطة وهي (أنا أعمل هذه الوصفة ولكنني أضع بدل الكنافة شعرية باكستانية بعد ماأفتتها بيدي صغيرا صغيرا , وأحمصها بقليل من الزبد,ثم أضع الحليب المحلى والمكسرات ,وأضعها في قوالب صغيرة جدا مثل مكعبات الثلج ,وهي لذي\ة جدا وبسيطة

[مهندسة ماجدة محمود]

انا عارفة طريقة شمسة وفعلا جميلة جدا وكمان ممكن تتعمل بالكنافة الشعرمش بالكنافة البلدى واضعها فى مكعبات بلاستيك صغيرة على شكل قلوب ولعب اطفال بيكون شكلها جميل جدا ومش ممكن تصدقى انها مش جاهزة من عند الحلوانى

[شيمـــــــــــاء]

متشكرة قوى على مروركو فى وصفتى ومعلش اتاخرت عليكو فى الرد تقدرى تجربيها ياريتا فى عيد الميلاد بس محتاجة كمية كبيرة وكل سنة وبنوتك طيبة وبالنسبة للمكسرات يا منمن لازم تكون مفرومة كويس وتضغطيها جامد فى القوالب ويارب تجربوها وتعجبكم

[شيمـــــــــــاء]

انا مبسوطة انها عجبتك يامدام ديدى وبشكرك يا شمسة انت ومرمريكا والمهندسة ماجدة على مروركو

[زهرة مصر]

طريقة سهلة ورائعة جدا شكرررررررررايا قمر

[أم لوجى و ملك]

متاكده يا شيماء من الطريقه دى

[شيمـــــــــــاء]

جربيها و هاتعرفى
او اسالى صديقاتنا فى المنتدى

[Hanan Fouad]