تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
.انا يافتكاوات اخصائية اجتماعية واكون سعيدة لو قدرت افيدكم باي شئ
اي حد عنده اي مشكله او استفسار عن اي حاجة يقوللي
واي فتوكه نفسها تفضفض وحد يسمعها انا جاهزة في اي وقت.
فى مشكله انا مرتبطه بانسان مش حاسه انه موجود فى حياتى اساسا انا نفسى اعرف هو ارتبط بيه ليه كل مساله يقولى معرفش كل حاجه انا بتصرف فيها لوحدى وهو مش موجود معى تماما ماذا اتصرف معه كنت مرتبطه قبل ذلك بشخص اخر كان مسيطرجدا وكل حاجه رايه هو وبس وانا مليش اى راى كنت مخطوبه 6 سنوات وانا الان مرتبطه بشخص اخر من 4 شهور وفى الاربع شهور جاء 3 مرات وليس فى اى سبب لبعده عنى بس انا فعلا مش عارفه اتعامل معه ابدا ماذا افعل وكيف اتصرف ارجو افادتى على وجه السرعه لان الامر خطير للغايه .
اهلا بوسي
بجد انا كنت عايزه احكي مع حد
لاني وصلت لدرجه اني بقيت بكلم نفسي
انا ياسيتي مقيمه مع اهلي في السعوديه ومش نزلت مصر في حياتي الا مرتين بس
لان بابا مقيم في السعوديه من 30 سنه مشكلتي انا عمري دلوقتي 24 سنه
وتصوري اتجوزت مرتين
المره الاولي كان عمري 18 سنه اتجوزت راجل بسم الله ماشاء الله دين وادب واخلاق عشت معاه 4 سنين ربنا رزقنا بولدين لكن كل ما كل ولد منهم يوصل 6 شهور يموت وعلشان كدا اهله ضغطوا عليه علشان يتجوز تاني
بس انا قلتله لوعايز تتجوز طلقني ولان هنا في السعوديه حكم القبيله اقوي من اي حاجه طلقني قعدت 6 شهور وتقدم ليا واحد تاني ووافق اهلي
لكن كان اعوذ بالله لا دين ولا ادب ولا اي حاجه عشت معاه اسود ايام حياتي
لحد ما فكرت في يوم اني انتحر وفعلا عملت كده لكن ربنا والحمد ليه ستر
وطلقت المهم ان دلوقتي جوزي الاول عايز يرجعني لان هو بيحبني وانا بحبه
بس المشكله اني مقدرش اعيش مع ضره وخصوصا انها سعوديه وانا مصريه
وخايفه ان محدش يرضي يتجوزني بعد كده لاني متجوزه مرتين
ممكن تساعديني وخصوصا اني لسه صغيره 24 سنه
وشكرا
ليلي الدلوعه
يا حبيبتي الانسان مهما قابل في حياته من مشاكل سواء بسيطه او معقدة لازم يكون قد التحدي الي الحياه وضعته فيه يعني فكرة الانتحار دي مش اسلوب يفكر بيه ناس كبار عاقلين وانا مقدره طبعا ان انتي مشكلة مش سهله ولا بسيطة لكن اصبري لان ده ابتلاء ربنا رزقك بيه ماتتعامليش معاه غير بالصبر والحمد والتقرب الى الله
اما بالنسبة لرجوعك لزوجك الاول فالقرار ده صعب حد ياخده غيرك اوحد يشاركك فيه بس انا ممكن اقربلك المسافات بسؤال تساليه لنفسك هل انتي راجعه عشان عايزاه ولا انتي خايفه من انك تفضلي من غير زواج ؟
اما بالنسبة لوجود زوجة اخرى معاه فاحاولي انك تقنعي نفسك بتناسي الموضوع من الناحيه النفسية والعاطفية بحيث انك تحسسي نفسك انك زي الاول وماتنسيش ان رسولنا الكريم كان متزوج 9 نساء
وارجو ان اكون افدتك
ليلي الدلوعه
انتي لازم تعرفي ان مادام زوجك الاول لسه بيحبك وانتي بتقولي عنه انه متدين يبقى اكيد هايعرف يعاملكم معامله ترضي ربنا
وكمان لازم من الناحيه النفسية والعاطفيه تحسي انك الوحيده في حياة زوجك زي الاول يعني بلاش المنافسات والكلام ده
وعلى ما اظن ان السعوديات متعودين على وجود ضراير لهم فانتي ممكن ماتفرقيش معاها اوي
ولو في اي جديد قوليلي وانا مستنياكي
بوسى ياقمر اهلا بيكى انا بقى ياستى جوزى حنين قوى وكان عنده اهتمام بيا فظيع من يوم ماسافر وبقى عصبى وقاسى تغير كتير قوى هوه نازل كمان شهر انا خايفه مقدرش اتعامل معاه لانى اتعودت منه على حاجات كتير قوى ومن يوم ما سافر وخلافتنا كترت انا عايزاه يرجع معايا زى الاول تفتكرى الغربه غيرته زى مابيقولى انا كمان بعمل حكايه من لا شئ وعصبيه برضه مش عارفه انا محتاره قوى مستنيه ردك
حبيبتي جنة
اولا انتي اتكلمتي في الموضوع بتاعك بسطحيه شويه
ثانيا انتي ماقولتيش ان الشخص ده خطيبك او ده ارتباط غير رسمي لان ده ليه طريقه تعامل وده ليه طريقه تانيه فرجاء منك توضحي اكتر وتوضحي انتي عايزة ايه او عاوزه نوع الاهتمام بيكي يكون شكله ايه
رتبي افكارك كده وردي عليا يا حبيبتي
ماشي ياقمر
نوشا
شوفي ياحبيبتي ما فيش في الدنيا حد بيتغير بين يوم و ليلة وفي كلمة انا عايزه اقولها ومش عايزاكي تزعلي مني
انتي انانية في تفكيرك .......................... اوعي تزعلي احنا اخوات في الله
طبعا الكمال لله وحده والواحد مهما كانت عاقته بربه جيده بيحب يحسنها ويخليها اقوى وانتي نفسك قولتي انك عايزة واحد يعينك ويساعدك في تقربك والتزامك بربنا
اشمعنى انتي تعوزي اللي يقربك من ربنا وهو لا
هو دلوقتي يا حبيبتي اللي محتاجلك تاخدي بيده
شوفي انتي لو اي واحدة مش هاقول صاحبتك نقول غريبة عنك وطلبت منك تساعديها انها تتخلص من عاده بتغضب ربنا زي التدخين مش هاتساعديها لوجه الله حتى ........ صلاة الاستخارة اهم من راي مليون بني ادم
وانا مش من حقي اقولك اذا كنتي توافقي ولا لأ
بس هاطلب منك طلب عايزين زغاريت قريب وبيبسي والله يوفقك ويرجع بابا بالسلامه
ونشوفك احلى عروسه يارب
جالاكسي
الاول يارب يردلك زوجك سالم ان شاء الله
وبعدين البعيد عن العين بعيد عن القلب يمكن البعد بينكم اثر شويه على علاقتكم ببعض المهم لما يرجع هايكون عامل ازاي
وبعدين اقعدي مع نفسك وراجعي كل سلوكياتك من بعد ماهو سافر زي علاقتك باهله مثلا وحاولي انك تخلي اعصابك هادية عشان تقدري تفكري كويس
واول ما يرجع حاولي انك تمسكي نفسك على ما يمر اسبوع كده وفي الاسبوع ده لاحظي كل علاقاته مع الناس كلها شكلها ايه وماتتكلميش لحد مايعدي الاسبوع وحتى ماتساليهوش مالك اعملي مش واخده بالك وبعدين لو حبيتي تتكلمي معاه اتكلمي حبيتي تستني شويه كمان استني لحد ماتيجي فرصه كويسه اوي واقعدي رتبي الكلام كده ومن غير نكد ولا عياط اتكلمي باستغراب من تصرفاته عشان ما يمسكش عليكي اي غلطه........ولو في اي حاجة جديدة قوليلي عليها بسرعه
ونصيحه مني كده بيني وبينك شغلي قران كتيييييير لحد ما يجي عشان العين
وربنا يهدي الحال بينكم
بجد ياحلى بوسى ف الدنيا كلها انتى اكتر من هايلة انتى بجد خلتينى اخد بالى من نقطة مكنتش واخدة بالى منها خالص ومعرفتش ارد فيها على كل التفكاوات ان انا نفسى قلت عايزة واحد يعينى على الطاعة يعنى مش عيب ابدا انه هو كمان يحتاج ده بس والله انا مش انانية لانى لما كلمته عن الالتزام مكنتش عارفة هوافق عليه او لاء وكان نفسى يلتزم بغض النظر عن ارتباطنا وقولتله انا اتمنى انى اشوفك احسن الناس ودليل انى مش انانية انه كان نفسى الالتزام ده يكون ف الفترة دى عشان انا مش معاه عشان لو حصل وانا موافقتش هيستمر ف التزامه لانى كده كده من الاساس مكنتش جمبه اما لو حصل وانا جمبه فده معناه لنى لو سبته ممكن يضعف ويرجع الى ماكان تانى بس بجد انتى هايلة والله عنيا دمعت من ردك بس انا عمرى ماازعل منك انتى اختى وحبيبتى ف الله ومرسيه كتير ليكى ياقمر بس عايزة اعرف عندك كام سنة
نوشا
انا في غاااااااااااااااااااااااااااااااية الاسف لاني قولتلك ان انتي انانيه انا ماكنتش افتكر ان الكلمة دي ممكن توصل للدموع انا كنت اقصد انبهك بس وبكرر اعتذاري
السلام عليكم ورحمة الله وبركاته ...... ازيك يا بوسى عامله ايه ربنا يجزيكى خير
( من فرج عن اخيه كربة من كرب الدنيا ........)
ربنا يجعله فى ميزان حسناتك يارب ويجازيكى خير وانشاء الله لو قابلتنى اى مشكله اكيد حكيلك وربنا يكرمك اختى الفاضله وياريت مكنش طولت عليكى احبك فى الله
حبيبتى بوسي والله ما زعلت منك خالص على كلمة انانية لانك لسه مش عارفانى انا بس حبيت اوضحلك الامور ودموعى نزلت لانك فعلا فوقتيني انه حتى انا مش عاجبنى وضعى وعايزة اللى يعينى على الطاعة وازاى بستنكر عليه ده ارجوكى مش عايزة اعتذار احنا اخوات ف الله ومفيش بينا الكلام ده ولا انتى عايزانى اصالحك بقى بالبيبسى ههههههههههههههههههههههههه وبرضه انتى مقلتيش عندك كام سنة
