[فوفو الهلالي]

السلام عليكم حببتى بوسى انا عندى مشكلة فى حياتى بس مش حقولها دلوقتى علشان انتى مش قاعدة فى اقرب فرصة سوف اكلمك

[nefrtlove]

هاى بوسي
موضوعك جميل احب اشارك
مشكلتى انى حاسة بالوحدة في حياتى
خطيبي مش محسسنى بوجوده في حياتى ولا اسرتى اكيد
حاسة انى بعدت عن اصدقائي
من ساعة ماسبت شغلى الاولانى
حاسة بوحدة فظيعة
قولى لى
ايه الحل عوزة اقتل الوحدة دى جوايا
شكرا بوسييييييي

[ياسسو]

الاخت بوسي
عندي مشكله تعباني وعايزة رايك كتبتها في موضوع رابطه
http://forums.fatakat.com/showthread...942#post389942

[بوسي]

ياسسو
انتي متزوجه من12 سنة ولسة اهلك بيتدخلوا في خلافتك مع زوجك
ليه ناقصك ايه عشان ماتحليش مشاكلك بنفسك
وبعدين واجب وفرض عليكي انك تخدمي والدته مع انها كانت سايقه فيها شوية بس ايامها خلاص عدت وانتي وهي علاقتكم ببعض بقت احسن
انتي لو عايزه تقفلي الموضوع ده مع زوجك من غير كلام كتير ممكن تغيري مسار المشكله خالص يعني بدل ماتعاتبيه في المشكلة اللي والدتك اتدخلت فيها او تعاتبيه على مقاطعته لاهلك اتكلمي معاه وقوليله انك شايفه ان اي تتدخلات في مشاكلكم بتكبرها وبعد كده ان شاء الله ماحدش هايعرف عننا حاجه
وانتي بكده مش هاتبقي اتنازلتي انتي هاتكوني كده انسانه عندها تفكير منطقي ومش عايزه مشاكل
وانا مقدرة اكيد اان مقاطعته لاهلك عامله ليكي احراج كبير
فانتي لما تتكلمي معاه قوليله انا عايزاك انت تحدد نمط العلاقه بينك وبين اهلي شكلها ايه
هو هايحس من الكلمة دي انك رديتي كرامته لان هو ممكن يكون ماثر فيه الموقف بتاع والدتك ومش عايز يتكلم
ولو الكلام ماجابش نتيجه سيبيه عشان لوفضلتي تتكلمي او اتعصبتي قدامه المشكله هاتكبر
وقوليلي عملتي ايه
وربنا يهدي سرك

[ياسسو]

ياسسو
انتي متزوجه من12 سنة ولسة اهلك بيتدخلوا في خلافتك مع زوجك
ليه ناقصك ايه عشان ماتحليش مشاكلك بنفسك
اول مرة اهلي يتدخلو في حياتي هي المرة اللي حصلت من كام شهر يعني كل السنين اللي فاتت دي ما كانوش يعرفو عني حاجة وكل الكلام اللي انا كتبته ده هما ما يعرفوش عنه حاجة لغاية دلوقتي - والمرة دي هما عرفوا لاني سيبت البيت "لاول مرة" بعد مشكله حصلت مع زوجي بعد ما فاض بيه من مشاكل كانت بتحصل معاه في ال 6 سنين التانيه كنت بتحمل لغايه ما لقتني من غير ما احس بفتح باب الشقة وبنزل - وطبعا لما رحت لهم كان لازم يعرفو ايه اللي حصل
وهو اتصل باختي وقالها تبلغنا انه هيطلقني علشان سيبت البيت ومشيت
ولما بابا اتصل بيه ماما قالت لبابا وهو بيكلمه قول له هو عايز ايه بالضبط هو بيعمل كده ليه يجي يكلمنا وكانت بتقول الكلام ده بصوت عالي وبعصبيه وهو سمعها في التليفون - ده كل اللي حصل منها
وبعدين واجب وفرض عليكي انك تخدمي والدته
في دي بقي انا مختلفه معاكي لا شرع ولا دين بيقول كده وانا سمعت الكلام ده من شيوخ كثير ان فرض علي الزوجة خدمة الزوج والاولاد اما بالنسبه لوالدة الزوج لو عملت لها خدمة فده يبقي من باب التطوع وليس الفرض - وبعدين اللي كنت فيه ده كان استعباد مش خدمه
مع انها كانت سايقه فيها شوية
كل ده وشويه يعني كان لازم اموت علشان تبقي زودتها قوي
بس ايامها خلاص عدت
صحيح ايامها عدت لكن انا ما لقتش اي تقدير للي عملته لغايه دلوقتي
فانتي لما تتكلمي معاه قوليله انا عايزاك انت تحدد نمط العلاقه بينك وبين اهلي شكلها ايه
هو هايحس من الكلمة دي انك رديتي كرامته لان هو ممكن يكون ماثر فيه الموقف بتاع والدتك ومش عايز يتكلم
بعد كل اللي كتبته في مشكلتي شايفه ان هو اللي محتاج رد لكرامته امال انا ابقي محتاجه ايه عمليه زرع كرامه
ولو الكلام ماجابش نتيجه سيبيه عشان لوفضلتي تتكلمي او اتعصبتي قدامه المشكله هاتكبر
انا ما بقدرش اتعصب قدامه لانه ممكن ياكلني
وقوليلي عملتي ايه
وربنا يهدي سرك

الحقيقه ان جوهر مشكلتي مش مسأله انه يروح عند اهلي ولا لأ "لانهم مش زعلانين قوي من الحكايه دي لانهم ما يعرفوش ايه اللي كان بيحصل لي مع امه ولا يعرفو انها بعد ما كانت تغلط فيه كان بيخليني اروح اصالحها"
مشكلتي المبدأ نفسه اللي اتعامل بيه معايا حسه اني اتخدعت فيه واني كنت بالنسبه له ولاحاجه تعبي الجسماني والنفسي ما كانش بيهز شعره فيه - لكن اول ما سمع الكلمتين اللي ماما قالتهم القيامة قامت بالنسبه له
انا دلوقتي مشكلتي اني مش قادرة اعاتبة ولا اتكلم معاه ولا ابص في وشه حتي ولا حتي قادره اتصل بأهله في التليفون كل شويه زي ما كنت بعمل حسه اني كرهته وكرهتهم

[ياسسو]

مستنياكي

[بوسي]

ياسو انا هنا

[ياسسو]

اوك في حاجة عايزة تفهميها اكثر من كلامي

[ام حمادة]

[بوسي]

ياسسو انا هنا

[ياسسو]

اوك انا معاكي عايزة اعرف انتي رايك ايه

[بوسي]

انا عايزة افهم ايه كلمة لواتكلمك اواتعصبت ياكلني يعني ايه
اي انسان ممكن يتعصب والواجب ان احنا نشيل بعض وخصوصا الزوج وزجته

[ياسسو]

يا ستي انا لو رديت عليه وانا مكشره بس يزعق لي جامد ويقول لي انتي ازاي تكلميني ووشك كده وممكن يخاصمني فيها شهر ولو قلت له مانت اللي بتزعق لي من الاول يقول لي ماتقارنيش نفسك بيه
وكان دايما يقول لي الكلمه دي زمان لما كنت اشتكي من اقامتي عند امه بالشهور في الوقت اللي كنت بقعد ساعات بالشهر ما اشوفش ماما ولا اخواتي
كان يقول لي ما تقارنيش نفسك بيه
مش معني اني بقعد هنا كثير يبقي لازم انتي تروحي عند مامتك كل شويه
ومش لازم علشان بتعامليني كويس يبقي لازم انا كمان اعاملك بنفس الطريق

[بوسي]

يبقى هو اللي انسان غريب طيب هو في حد بيقومه عليكي ولا هو كده من الاول

[ياسسو]

لا هو كده من الاول ابوه حتي بيقول لي انا مش عارف انتي مستحملاه ازاي

[بوسي]

حقيقي شخصيته غريبه انا ماكنتش فاكره ان هو سبب المشاكل انا فاكراه بيحبك بس مامته سبب المشاكل

[بوسي]

انتي ممكن تحملي الماسنجر من على الياهو اقولك ازاي

[ياسسو]

لا هو باختصار طريقة التعامل بيننا ما تحسيش انها بين زوج وزوجه تحسي انها بين مدير وموظفه عنده
يعني مثلا لما كنت قاعده عند مامته وصادف مثلا اني عندي صداع شديد ومحتاجه كوباية شاي
كنت اقدر اطلب من ابوه عادي انه يعمل لي الشاي واتكسف او لا اجرؤ اني اطلبها منه
لكن دلوقتي الوضع ده اتحسن شويه لكن لسه ما وصلش لدرجة التعامل اللي بشوفها بين الازواج
تقري تقولي انها اصبحت زي مدير ورئيس مجلس ادارة ههههه

[بوسي]

طب دلعيه شويه يعني سوقي فيها كده
يعني مثلا البسي حاجه شيك واعملي ميك اب وماتقعديش معاه شوفيه هايعمل ايه يعني خليه في عز ماهو ملهوف عليكي متجاهلاه

[بوسي]

خليه يعرفها ويفهمها لوحده انه ماكنش يطول واحده زيك