[ياسسو]

يووووووووووه بعمل كده كثير ولا بتلهف عليه ولا حاجه
ده انا مره صبغت شعري احمر ناري
وجه ولا خد باله ولما قلت له مش ملاحظ حاجة علي شعري قال لي ماله
قلت له صبغته احمر قال لي امال هو كان لونه ايه الاول

[بوسي]

مستحييييييييييييل
هو في حد كده
على فكره هو ممكن يكون عامل مش واخد باله بس بيموت فيكي

[ياسسو]

في حد بيموت في حد ويخاصمه علي اتفه الاسباب شهر كامل
انتي عارفه انه كان بيحب واحده زملته في الشغل قبل ما يشوفني ولما عرفت بعد كده سألته انت سيبتها وخطبني ليه قالي لاني اشبه اخته
وسمعته بعد كده بينصح واحد صاحبه كان عايز يخطب واحده بيحبها قال له ما تتجوزش اللي بتحبها لانها هتركبك بعد كده اتجوز واحده تكون هي اللي بتحبك علشان تعرف تشكلها زي ما انت عايز

[بوسي]

انا مش هارتاح الا لما نلاقي سوا حل للمشكله دي انتي الله يكون في عونك

[ياسسو]

تعبتك معايا يا بوسي ان شاء الله نكمل بكره

[بوسي]

اه عرفت الشخصيه دي
انتي عارفه انا اخويا ساعات بسمعه يقول الكلمه دي
بس انسب حل انك

[بوسي]

تتجاهليه فترة طويله اوي
ودايما حسسيه انه مش فارق معاكي

[بوسي]

لوعايزه

[بوسي]

تقفلي ممكن نكمل بكره

[ياسسو]

خلاص اوك احسن انا ما نمتش من امبارح

[بوسي]

اوك بااااااااي

[ayoush4]

مرحبا انا عجبني الموضوع كتير وحابة اني اشارك بمشكلتي
انا مشكلتي طريفة شوية
انا لي قريب هو يكون ابن خالي انا ما كنت اعرفوا من قبل لكن التقينا من جديد بعد ما قرر خالو انو يجي يسكن في الضفة لانو كان في غزة على كل حال انا لما شفت اعجبت في كتير لكن حاولت اني ما احبوا لاني كا كنت حابة اني اخسروا ااذا هو ما بحبني
لكن للاسف انا حبيت ومش عارفة اعمل شي هو اكبر مني وانا حاسة انو معجب في او على الاقل عاطيني اهتمام هو رح يسافر هي السنة على السويد يعني كمان كم شهر وانا خايفة كتير اخسر
فارجوكي ساعديني
انا عندي توجيهي (ثانوية عامة)وانا خايفة انشغل في وانسى دراستي

[بوسي]

ayoush4
اولا انا مش شايفة ان التركيز في الدراسه له علاقة بالارتباط
ثانيا السن اللي انتي فيه دلوقتي مش سن ارتباط جاد الا اذا كان ارتباط رسمي لان السن ده مش بيبقى عندك فيه استقرار عقلي اونفسي او عاطفي اللي انا اقصده انك ممكن تاخدي قرار تندمي عليه بعد كده
وهو لو في من ناحيته اي مشاعر ليكي اكيد لازم يكلمك قبل ما يسافر
اما لو ماتكلمش ماتفكريش فيه
واحذري انك يبان عليكي اي مشاعر حب قدامه عشان ده ممكن يفتحله الباب للعب بيكي

[بوسي]

fati_reb
انتي صبرتي معاه 4 سنوات دول مش فترة بسيطة
ومش عيب نقف جنب بعض نحافظ على حبنا وعلى احلى اللحظات
انا طبعا مش محتاجة اسالك اذا كان هو انسان كويس او لا لان وجودك معاه 4 سنين بيعني انه كويس او انك متقبلاه بكل مافيه
ووجود المشاكل بيقبى دليل على صحة العلاقة
بس مش اي مشاكل ومش مشاكل كتير وكبيرة
ساعديه يبني مستقبله ساعديه ينجح في دراسته خليكي بالنسبة ليه حافز وهدف
لكن لو حسيتي انك بقيتي بالنسبة له سهلة وهو حاسس انك بتحبيه وضامن انك مش هاتسيبيه فلازم يكون فيه وقفه
وعلى فكرة انتي لازم تمري معاه بالمرحلة دي
بس انتي ماتدوريش عليها فيه عشان ماتتعبيش نفسك
وبالنسبة لاهلك انتي خايفة يرفضوه ولا خايفة يصممو على شخص تاني؟
اما الظروف دي حاجة مش بادينا ولو بتحبو بعض بجد هاتكونو اقوى من اي ظروف

[ياسسو]

بوسي ازيك

[ياسسو]

انا اخدت قرار مريحني شويه وهو اني ما ازورش اهله لغايه ما اروق علي الاقل علشان يحس بنفس الاحراج اللي بحسه مع اهلي

[بوسي]

هااااااااااي ياسسو
انتي قرارك ده كويس ممكن يبرد نارك شوية بس ممكن يعمل نتيجة عكسية وتتخانقو او يخترعلك مشكلة بسببهم

[rawan432]

موضوع كويس بس تفتكرى يا بوسى انك تقدرى تحلى مشاكلى

[بوسي]

روان
انا مابحلش مشاكل انا بساعد الناس على حل المشاكل بساعدهم يفكروا في المشكلة من انهي زاوية وبكده بنوصل للحلول لان الناس مش اوعيه انا بصب فيها شوية كلام واقتراحات فهماني
وانا اكون سعيدة لو تتكلمي معايا في مشكلتك ونحلها سوا ان شاء الله

[ayoush4]

شكرا كتير الك على النصيحة وانا اكيد رح اعمل فيها
انا كنت مستنية هيك نصيحة