[fati miss algeria]

thnx a lot darling.
sometimes i feel that he is sure of my love but.this makes me very upset.but mostly,he is very kind.i feel him a real man.perhaps because i love him or because he is indeed real man.well,.thank u very much for ur reply.

[the moon light]

بجد تعبت من الحياه كلها حاسه بوحدة رهيبه حاسه ان مفيش حد فاهمنى ولا حاسه بنفسى حاسه انى عالطول حزينه ومخنوقه من كل حاجه انا لسه مخطوبه خطيبى بسافر بشوفه كل فييين وفيييين الوضع ده مضايقنى هتقولولى وافقتى ليه عليه ؟ عشان هو انسان كويس وحسيت بقبول ناحيته وده غريب لانى رفضت ناس كتيير كنت حاسه انى مش هلاقى حد اقول هو ده دلوقتى بعانى لأنى حاسه اننا مختلفين عن بعض فخايفه انى مقدرش اتأقلم معاه
مشكلتى الاخرى اختى الوحيهد لسه متزوجه قريب كانت هى كل حياتى مش بعمل حاجه من غيرها بنخرج مع بعض مش بحب انزل اشترى حاجه لوحدتى من يوم زواجها وانا بعيط كتير لانى بجد بقيت لوحدى فى البيت مفيش حد فاهمنى وبحاول اقرب منهم واتكلم معاهم وادخلهم فى حياتى بس فى اختلاف كبير فى وجهات النظر انا بجد مخنووووووووقه ومشعارفه اعمل ايه ساعدونى

[nefrtlove]

حبيبتى بوسي
كلمتك ومارديتيش عليا

هاى بوسي
موضوعك جميل احب اشارك
مشكلتى انى حاسة بالوحدة في حياتى
خطيبي مش محسسنى بوجوده في حياتى ولا اسرتى اكيد
حاسة انى بعدت عن اصدقائي
من ساعة ماسبت شغلى الاولانى
حاسة بوحدة فظيعة
قولى لى
ايه الحل عوزة اقتل الوحدة دى جوايا
شكرا بوسييييييي

[انتكة]

بصى يابوسى انا موضوعى كبير وممكن يعطلك لو معندكيش مانع ممكن تسمعينى ممكن تردى عليا قبل ما احكهولك اوك

[ميرفت ام احمد]

اسمعى حبيبتى صلى عالنبى كدة واهدى انا اصغر منك بشوية انا متجوزة من 5سنين وعايشة مع جوزى هنا فى السعودية وطبعا اى حياة زوجية مبتخلاش من المشاحنات والخناقات السنة الاولى لو كنت قعداها فى مصر كان زمانى اتطلقت من زمان بسبب تتدخل الاهل فى الكبيرة والصغيرة واقدر اقوللك انى والحمد لله بالرغم من اننا مبنبطلش خناق على كل حاجة الا اننا سعداء جدا ايه السبب قولتيلى ايه السبب لاننا لو حد فينا زعل من التانى مبيخودش جنب ويقول لا احرق دمى لوحدى ولما اهدى ابقى اكلمه لا بنحرق دم بعض وبنرجع نتصالح ونتصافى والموضوع ينتهى بلا راجعةلان الحياة الزوجية دى مشاركة وقاسمة فى الحلوة والمرة ولان اقصر طريق لحل اى مشكلة هى مواجهتا وحكاية انك تسيبى البيت دى فكرة مش حكيمة بالمرة لانك بكدة اديتيله فرصة يغلطك عرفيه انك زعلانة بمجرد انك تباتى مثلا مع بناتك او انك تتناسى مواعيد اكله بس متبينيش انك قاصدة كدة قال يعنى من كتر زعللك منه نسيتيه وصدقينى هتدعيللى مش المثل بيقوللك جوزك على ماتعوديه هو اتعود منك على انك بتفوتيله وبتدلعيه خليه بقى يشوف اخر سكة البطران خليكى فى بيتك وخدى موقف وواجهيه باللى حصل منك زمان واللى بيحصل منه هو دلوقتى واهم حاجة متدخليش حد بينكم ودى حتحللكو كووووووول مشاكلكو

[بوسي]

the moon light
انا اللي شايفاه انك لسة طالبة بالجامعة يعني ممكن اكيد ليكي اصدقاء كتير اخرجي معاهم روحوا نادي او اقرب مركز شباب ليكي لو في اعتراض ع النوادي اندمجي في اي حاجة انتي بتحبيها ماتستسلميش للياس والكسل اخرجي دوري ع الاصحاب اتفقوا على ممارسة اعمال يدوية بتحبوها
اما بالنسبة لخطيبك فلازم لازم يكون بينكم كلام باي طريقة اتكلمو ع النت حتى لو انتي ماعندكيش ملل ولا خنقة من فراغك فعلاقتك مع الشخص ده هتكون لها اهمية في المستقبل لازم تفهموا بعض كويس اوي
ولو علاقتكم اتحسنت هتلاقي اوتوماتيك خطيبك حل محل كل الناس في حياتك حتى اختك اللي اتجوزت احكيله كل حاجة وهو كمان يحكيلك خليكوا زي الاصحاب
ولو في اي حاجة تاني كلميني وانا مستنياكي

[بوسي]

انتكه
انا مستنية اسمعك ماتتاخريش في الرد عليا

[بوسي]

nefrtlove
اولا حاولي تفضلي على علاقة باصحابك في الشغل الاولاني لو ده يريحك
او كوني صداقات جديدة في الشغل التاني وبعدين ياما ناس بنقول عليهم دمهم تقيل واول مانعمل علاقة معاهم بنلاقيهم كويسين القصد دوري على اصحاب في الشغل الجديد
ثانيا خطيبك ده لو سمحتي تتكلمي عنه شوية بالتفصيل عايزة اعرف تاخيره عنك ده ظروف ولا هو مقصر معاكي
انا مستنية ردك

[بوسي]

ميرفت ام احمد
مشكووووووورة على مشاركتك وكلامك عجبني جدا
بس انتي لو تقصدي ياسسو فكل واحد ظروفه مختلفة عن التاني اللي اقصده ان انتي اتكلمتي في نقطة مش اساسية في مشكلتها
هي مشكلتها مش خناقات ومشاكل بينها وبين زوجها المشكلة ان هو راسم لنفسه معاها شخصية وحشه وهي عودته على انها متقبلاه فهو سايق فيها فاحن حاجة تركنه ع الرف يومين لحد مايحس بقيمتها ده هو حتى مابيسمحلهاش تعاتبه
ومشكورة مرة اخرى والله يهني زوجك بيكي

[sadrose]

صباح الخير يابوسى انا مشكلتى بدأت من يوم ماخطيبى سافر بقيت عصبية بدرجة غير عادية وصوتى بيعلى حاسة انى مش عارفة اعيش من غيرة مشكلتى الاكبر انى طيبة قوى وبتفهم عكس كدة كل اللى حواليا بيترجموا تصرفاتى حسب دماغهم ودة اللى بيقتلنى ان نيتى تبقى حاجة وتتفهم حاجة تانية وعارفة اية كمان انى بثق فى الناس بسرعة قوى وبدى الامان لاى حد وبتجرح بسرعة منهم واكتشف انى اخترت غلط وجوايا احساس خانقنى قوى انا عمرى مابكرة حد بس اهل خطيبى بجد بكرهم قوى مش من غير سبب لا فى اسباب كتير بس حاولت اعدى وكل مرة تحصل مواقف اصعب وبعمل خناقة على اتفة الاسباب عندى كلام كتير بس مش عايزة اطول عليكى

[شموسة]

بوسى ايه الجمال ده
ماشاء الله لاقوة الا بالله ربنا يزيدك عقل
انا بعتلك علىالخاص ياريت تردى عليا لو وصلتك الرساله

[the moon light]

ميرسى قوووووى بوسى على اهتمامك وردك فعلا انا محتاجه اخرج واندمج مع اصحابى واشغل نفسى ميرسى ياقمر

[بنوته شيك]

موضوعك حلو اوى

وعلى فكره بشبه موضوعى خالص
بس مش مشكله ربنا معاكى ياقمر

[بوسي]

امهات المؤمنين
انا ياحبيبتي مستنياكي عشان اسمع مشكلتك ونحلها سوا ان شاء الله

[بوسي]

شموسة
مفيش حاجة وصلتني ع الخاص ابعتي تاني وانا مستنياكي
او اعرضي مشكلتك هنا لو ده مايضايقكيش

[بوسي]

يافتكوات لو سمحتوا محدش يسالني ان كنت اساعده او لا او ان كنت فاضيه اسمعه او لا انا هنا تحت امر الجميع بلا استثناء
احبكم في الله

[بوسي]

انتكة
انتي فين انا مستنياكي

[شموسة]

صبااااااااااااااااااااح الخير يابوسى

[بوسي]

صباح النور ياشموسة

[شموسة]

ها الرساله وصلت انا لسه باعتالك على الخاص اصل مااعرفش اتكلم كده على الملأ وياريت لو وصلت تردى عليا على الخاص برضه
تسلمى ياقمر