[بوسي]

شموسة
ياريت توضحي اكتر طبيعة الكلام اللي بيقوله بيجرحك ازاي يعني

[جنه محمد محمود]

السلام عليكم
انا دلوقتى مش عارفه اعمل ايه انا موضوعى مش سطحى بس انا مخطوبه بشخص طيب جدا بس هو مش عارف يتعامل معايا خالص لسه كنت معاه من يومين قال لى كل شى قسمه ونصيب قولتله يعنى انت عاوز نسيب بعض قالى مش عارف وكل كلمه يقولى مش عارف انا فعلا مش عارفه اتعامل معاه خالص وانا بحبه قوى قوى
ماذا افعل معاه عشان يحبنى ويقرب منى ارجو الرد السريع انا حاسه انه مش بيحبنى مش عارفه اعمل ايه .

[بوسي]

جنة
انا مقولتش ان موضوعك سطحي انا قولت انك اتكلمتي بسطحية يعني اختصرتي شويه
بس انا شايفة ان لازم يكون في وقفة مع خطيبك ده في راجل كل مايتكلم يقول مش عارف ................ ماينفعش كده

[الاميره]

حبيبتي بوسي جزاكي الله كل خير عننا كلنا انا فعلا محتاجةاتكلم معاكي جدا وكتير اوي بس للاسف مشكلتي صعبة ومش هقدر اكلمك فيها الا علي الخاص فياريت تساعديني ارجوكي وازاي اعرف اوصلك انا مستنية رد ولكي مني جزيل الشكر

[سمسومة]

بوسى ياقمر انا مش عارفة ابداء ازاى بس باختصار انا مش عارفة اكمل مع جوزى ولا لآ هو من جوة انسان طيب وحاسة انة بيحبنى بس هو مش بيبين حبة دة غير لما يحصل مشكلة احس بعدها انة بيحبنى بس هو مليان مشاكل ومش بيعمل حاجة علشان يصلح من نفسة رغم اننا لما كنا مخطوبين كان انسان تانى متدين محترم عندة عائلة بتحبة نفسة يكمل كل حاجة نقصاة من شكل واخر سنة دراسة ودة كلة كان نفسة يكملة معايا بس بعد الجواز كل دة اتغير وولا حاجة اتعملت واى حاجة اطلبها منة ما بتحصلش غير بالزق والخناق لحد ماتكبر المشكلةفى الاخر يبين انة راضى لحد ما الموضوع يهدء وترجع ريما لعادتها القديمة بجد مش عارفة اعمل اية معاة افيدينى افادك الله

[sadrose]

بوسى انا قلتلك على مشكلتى وانتى ماردتيش عليا فيها

[halahabiba]

أنا كنت كتبت مشكلتى فى المنتدى يا ريت تقوليلى رأيك
مستنية أعرفه

[جميزة]

اولا بشكر بوسي انا عاوزة راي كل البنات اللي هنا دي مشكلة اخويا
مع خطيبته العناااااااد هي عندية جدا جدا رغم انها مطيعة لاهلها يعني لما اخوها الكبير ولا امها تقولها على حاجة تنفذها من غير كلام اما لما اخويايكلمها اتقوله اقنعني وناقشني وبيقعد يقنع فيهاوناقشها وفي الاخر بتعمل اللي هي عاوزاه طب يعمل ايه يعاملها زي ما اخوها وامها بيعاملوها وكمان مش بتبين حبها ليه ولا اهتمام خالص

انا مش عارفه اقولله ايه هو عاوز رايي

[ماجي2008]

انتى انسانة فى منتهل الذكاء ما شاء الله انا بحيك يا اختى بوسي

[جنه محمد محمود]

انا بشكرك يابوسى على ردك بس انا فعلا مش عارفه اتعامل معه خالص مش عارفه اعمل ايه اسيبه ولا اكمل معاه انا مش عارفه احدد ارجوكى ارشدينى كيف اتعامل معاه وكيف اتصرف لكى يحبنى ويخاف عليه واكون كل حاجه فى حياه .

[توكل]

سلام الله عليكم أحبتي في الله
عندي مشكلة واريد أيساعدني أحد.والله انالدموع تنهار على خدي وطعم النوم أدقه مند شهورانني لاأريد التحدث لمن حولي خصوصا وأنا في بلاد غربة هل من أحد هنا يساعدني؟

[بوسي]

جنة
الحب وعلاقات الارتباط مش وصفات وتصرفات حاولي تعرفي انتي عايزة اية من الشخص ده وتحددي قرار في الموضوع ده لوحدك وبعدين لو نجحتي في الكلام ده هتلاقي نفسك شايفاه بعين تانية ساعتها ممكن تساعديه انه ياخد قرار لنفسه سواء بان كان يقرب او لا
لكن لا تسيبي نفسك متعلقة في حبال دايبة ولا تخسفي بنفسك في الارض
وانتي تريدي وهو يريد والله يفعل ما يريد

[بوسي]

الاميرة
انا مستنياكي حبيبتي

[بوسي]

سمسومة
من غيييييير زعل ...... طريقتك في الكلام ماعجبتنيش
مافيش حاجة اسمها مش عارفة اكمل مع جوزي او لا
امال مين اللي يعرف؟؟؟؟؟؟؟
وبعدين واضح من كلامك انك بتحبية وعااادي وشئ وارد ان يكون في مشاكل
ومش ممكن يكون اللي انتي بتطلبيه منه وبيعمله بالزق يكون هو مش عايزه او مش مقتنع بيه وبيعمله غصب عنه عشان يراضيكي
حاولي تصنعي لغة حوار مناسبة ليه هو مش ليكي انتي عشان تقدري تقنعيه ويبقى الاقناع بدل الزق
وربنا يهدي سرك

[بوسي]

توكل
ياريت تتكلمي عشان اقدر اساعدك انا مستنياكي

[بوسي]

halahabiba
انا هاسالك سؤال لو انتي كنتي متزوجة من العريس ده دلوقتي وحصلتله المشاكل دي كنتي هاتنفصلي عنه ولا تقفي جنبه وبعدين مين عارف مش يمكن لما تتجوزوا المشاكل دي تخلص عشان انتي نيتك سليمه او تفضل موجودة ويكون اختبار من ربنا ليكو فاصبري على المشاكل كل شئ له نهاية بامر الله
استخيري ربنا واتوكلي على الله ......ومتنسنيش في البيبسي

[بوسي]

مشكوره يا ماجي 2008على مشاركتك بالكلام الجميل ده

[جميزة]

يا استاذة بوسي حضرتك ماردتيش عليا
طب اي حد من الاخوات تقولي رايها

انا عملت موضوع على المشكلة دي ممكن تقروه http://forums.fatakat.com/thread36242

[ماجي2008]

اصل انا يا بوسي قصة مش عاوزه اوجع دماغك بس بقول ليكي ذكية عشان عرفتي تقربي ليكى الناس وتساعديهم فى حل مشاكلهم ودية حاجة كويس وجزاك الله خير على كده " لولا دفع الناس بعضهم ببعض لفسدت الارض

[سمسومة]

شكرا ليكى يا بوسى ياقمر بس بجد انا مش بدلع ومشاكل جوزى اكتر من كدة ووصلنا كذة مرة للطلاق بس كان بيعرف يضحك عاليا ويصالحنى انا واهلى وانا كنت بصدق او عايزة اصدق لانى بحبة وحسة انة من جواة حاجة كويسة