[نوشا]

السلام عليكم
ازيكوا يااحلى فتكاوات
انا مش هطول عليكم وهقول مشكلتى
انا اتقدملى شاب يخطبنى
ولاول مرة ف حياتى احس بالقبول
بس للاسف هو عنده مشكلتين بالنسبالى كبار جدا
اولا الصلاة
هو بيصلى ويقطع ومش منتظم
ثانيا السجاير
زيه زى اى حد بيشرب سجاير
وللاسف هما بالنسبالى كبار جدا لدرجة انى موافقش عليه خالص
خصوصا انى الحمدلله ملتزمة
ومش بسيب فرض وبصوم دايما اتنين وخميس
والتلات ايام البيض
وكان نفسى ف شخص يكون ملتزم يعينى على الطاعة
طب ايه اللى خلانى مرفضش الشخص ده واريح دماغى من الاول
انه لما كلمنى قاللى انه هو كمان مضايق
ونفسه يكون احسن
بس عايزنى اساعده واقف جمبه
الكلام ده بقاله حوالى 5 شهوروالموضوع واقف بسبب سفر والدى
وهو فاضله شهر ويجى
طبعا هو طلب انه حتى يكلم والدى ف التليفون
بس انا رفضت لانى مش عارفة لسه هوافق عليه ولا لاء
وطبعا انا منعت الاتصال بيا نهائى
لانه مش هيكون له معنى وحرام وكده ربنا مش هيبارك
وهو نفسه مش عايز كده
هو عايز يتقدم رسمى بس المشكلة ف سفر والدى
اللى حصل بقى خلال الخمس شهور ان تحسنه بطىء جدا
وهو بيقولى ان ده عشان انا مش معاه
لو انا واقفة جمبه كان زمانه بقى افضل من كده بكتير
مشكلتى بقى
انى اتعلقت بيه شوية مش عارفة ازاى
وهو كمان بيحمل مشاعر حلوة كتير ليا
وخايفة اكمل معاه على كلامه على امل انه هيتغير
وميحصلش ده
ناس كتير اكدتلى كلامه
وان الست بتكون سبب ف حاجات كتير
ووجودها مع الراجل بيفرق خصوصا لو كان بيحبها
وان ياما رجالة مكانوش ملتزمين قيل الجواز
ودلوقتى الحمدلله بقوا ملتزمين جدا المهم نيته
بس انا برضه خايفة
وبابا خلاص ادامه شهر ويكون هنا
افيدونى يافتكاوات بالله عليكم
وخصوصا لو فى واحدة متجوزة او مخطوبة
او حد عنده تجربة
وجزيت خيرا
معلش انا اسفة للتطويل

اذا اعجبك الموضوع و اردت نشره في المنتديات الاخرى فاستخدمي هذا الرابط:
افيدونى بالله عليكم
http://forums.fatakat.com/thread32942

[شموسة]

السلام عليكم ورحمة الله وبركاته
ازيك يانوشا اهلا بيكى ياقمر معانا
انا بس حابه اشاركك برايى
جميل ان يكون الانسان جمبه حد بيدفعه للاحسن ويساعده انه يتغير لكن فى حاجه
الشاب ده اللى لازم يتغير فيه مش سلوكه ولا اى حاجه هنقول عليها بسيطه انما اللى لازم يتغير فيه حاجه بينه وبين ربنا وهى الصلاه _والسجاير كمان لانها بقت حرام شرعا_انا كنت هوافقك واقول ساعديه لو التغيير ده متعلق بحاجه دنيويه لكن لما يكون متعلق بالصلاه يبقى ده محتاج واعظ وشيخ ودروس وقبل كل ده نيه صالحه وهمه عاليه ودول لو مش موجودين هيبقى لا حياة لمن تنادى
لازم تلاحظى التغيير ده وتغيير واضح وملموس قبل ماترتبطى بيه
تخيلى لو هو دلوقتى مكسوف منك وممكن يغير نفسه بعد كده لما تبقى مراته مش هيتكسف وممكن يقولك انا كده
انا اسفه ممكن اكون قسيت عليه شويه لكن علاقت الانسان بربنا هو بس اللى ممكن يصلحها مش ممكن ابدا اى حد تانى يصلحهالو معنى كده_انه فى كل قرار مهم فى حياته محتاج دعم من الاخرين طيب هو فين شخصيته واسلوبه وقراره
حبيبتى بتمنالك ربنا يوفقك وابقى طمنينا
دا رأييى وممكن يكون غلط _بس انا شايفه كده لانى مريت بنفس الموقف ده تقريبا واخد قرارى وهو(لألألألأ)

[نوشا]

مرسيه ليكى ياشموسة على ردك عليا
واهتمامك بمشكلتى
وانا كمان معاكى ف نفس الراى
بالاضافة لانى شايفة انه لو اتغير عشانى
ممكن مع اى مشكلة يرجع تانى
لكن لو اتغير عشان نفسه عمره مهيرجع لكده تانى
بس هو بصراحة فى ميزة انه صريح جدا
يعنى مدى التغير مش بعرفه من حد
بعرفه منه هونفسه
ولما قولتله وجهة نظرى
قاللى انا لو عايز ارضيكى ممكن اشتغلك واقولك انى بصلى
ومش هتعرفى انى بشرب سجاير هو انتى هتشوفينى
لانه بيشتغل فى مكان تانى
بس انا فعلا مش عايز كده
انا عايز التزم وابقى احسن بس اقفى جمبى
وعلى فكرة
هو غير الموضوع ده مش شخص ضعيف ولا حاجة
بالعكس هو راجل جدا ودماغه كبيرة
وتصرفاته راجل مش طفل ولا حاجة
عموما ياقمر
مشكورة على اهتمامك
وانا فرحانة انى كسبت اخت ليا
واللى فيه الخير يقدمه ربنا

[fatma eid]

تكلمي معه وافهميه ان الالتزام لازم في الصلاة وهدخ

[نوشا]

انا اكيد اتكلمت
بس الهادى هو الله
ربنا يهديه هو وشباب المسلمين اجمعين
اميـــــــــــــــــــــــــــــــــــــــــــــــ ـــن

[أميرتى يمنى]

السلام عليكم يا أختى نوشا
أنا عايزة أقولك أن ما فيش مشكلة ولا حاجة أنتى بتقولى أنه فيه صفات حلوة كتير
وأنه راجل كويس جدا طب يعنى هو معدنه كويس لكن من ناحيه الصلاة والسجاير فدا حال كل الشباب دلوقتى ودى حاجه سهلة وتتحل بهدوء وبراحة مش بالشد والجذب لا بالين والهدوء كل حاجه بتمشى وبتتحقق ويمكن تكسبى ثواب هدايته على أيدك
بصى يا أختى أنا جوزى كان كده كان مش منتظم خالص فى الصلاة ولكن الحمد الله
فضلت وراه لحد ما أنتظم وبقى كويس مشيت معاه واحده واحده وبراحه عشان ما يزهقيش لحد ما الحمد الله بقى هو اللى بيقوم يصلى لوحده
بس أهم حاجه أنك مش كل ما تقعدى تتكلمى معاه ما تتكلميش غير فى الموضوع ده لا
عشان يرضى يسمع منك ويقتنع بيكى وبكلامك
وأدعيله ربنا يهديه هو جميع شباب المسلمين
معليش أنا أسفة طولت عليكى بس حبيت أعرفك أن شاء الله دى مشكله سهل حلها لما فعلا هاتقفى جنبه وتساعديه على تخطى هذه المحنه الكبيرة
وربنا معاكم ويعملكم اللى فيه الخير يارب
وابقى طمنينى عليكى وربنا يوفقك

[nefertety]

بصي حبيبتي حلو انة يكون صريح ودي اكيد ميزة وموضوع السجاير انا مش معتبراه مشكله اوي لانها تعود وبسبب الضغوط اهه بيشربها
لكن المشكله اللي بجد هي الصلاه ودي مافيهاش تهاون لان دا مش حقك دا حق ربنا
انا معاكي انك لازم تقفي جنبه بس دا ممكن في السجاير يعني تمنعيها عنه مره تهدي
اعصابه مره تقفي جنبه في ازمه ماليه اما الصلاه دي محتاجه جهاد نفسى ولان دا حق
ربنا ومفيش فيه كلام المفروض انه مايتحججش بالارتباط بييكى الاول
كلميه وقوليله انك محترمه صراحته جدا ومقدراه اوي وشرياه اوي وعايزه تكملي معاه
بس الصلاه محتاجه صبر اوي وانه لازم يصلي علشان خاطر ربنا وبس مش علشان يرضيكي يا اما كدا يا اما الارتباط ملوش لزمه وانصحك تشوفي باباه ومامته واخواته
ملتزمين في الصلاه ولا لا واكيد خدي راي اللي حوليكي اكيد هيفدوكي
وربنا معاكي 000

[ام سيف الدين]

بصراحة يا نوشا انتى مكبراها حبتين
يعنى الالتزام فى الصلاه تقدرى عليه بصى اللى مبيلتزمش فى الصلاه عايز اللى يفكرو و بعد كدة حيتعود و يروح يصلى مجرد يسمع الاذان يعنى اصلا هو فيه الخير و البذرة الكويسة بس عايز اللى ينميها و يحافظ عليها
و بعد كدة موضوع السجاير دى تيجى واحدة واحدة يعنى النهاردة يخففها
بعد كدة يشرب يوم و يوم لا
بعد كدة يبطلها خالص
يعنى الموضوع مش كارثة
هو مش فىه مصيبة عشان ترفضية
و بعد الاساس فى الجواز هو القبول و دة حصل الحمد لله يبقى متكبرهاش و تعرضيها و توفقى
ولا عايزانا نتحايل عليكى
ممكن انظم مظاهرة عشان تتحايل عليكى توفقى
و ربنا يتمملك على خير

[أم الطيب]

انا بس عايزة اقولك ان واحدة قريبتي كان خطيبها بيشرب سجاير ووعدها وفعلا اول ما اتجوزوا ساب السجاير خالص وبعد فترة رجع لها تاني وحاولت معاه مرارا وتكرارا ومفيش فايدة.

[جيهان عبدالله على ربع]

انا من راي ام سيف الدين
وياريت نطبق كلام ربنا في الموضوع اللي زي دة
قال تعالي ( وادعوا الي سبيل ربك بالحكمة والموعظة الحسنة ) صدق الله العظيم
مش نسيب الموضوع برمته زي ما نكون خايفين نتحمل المسئولية
طالما هما العيبين دول فقط وزي ما انتي بتقولي وكمان هو مش منقطع تماما عن الصلاة لا هو في الاساس بيصلي لكن ممكن الشيطان يغلبه زي ما اي حد بيغلبه الشيطان فالمفروض نقف جنبه وندعمة في حربه ضد نفسه والشيطان
ولا نسيبه يولع لوحدة
مفيش شباب للجواز اليومين دول وطالما حصل قبول وهو شخص محترم
توكلي علي الله ونبطل نتبطر علي نعمة ربنا
في مثل بالبلدي خطبوها اتعززت وفاتوها اتندمت
انا اسفة لكن انا حبيت افوقك بس فكري كويس

[mahou]

أولا ....أحب أطمنك ...إنها مش مشكله ....
بالنسبه للصلاه ...انتى ممكن تاخدى واحد ملتزم ..وبعد كده يقطع ...
أنا زوجى كان مشكلتى معاه ..عدم التزامه بالصلاه .....
مع إنه كان بقوم الليل قبل الخطوبه ....وكان يقطع ف الصلاه بعد كده ....
والحمد لله هو من نفسه ربنا هداه .. وبقوم يصلى لوحده ....عليك بالدعاء ....
أما السجاير .. برضه زوجى ....كان بيشربها من وهو ف المدرسه ...
تقريبا عشر سنين .. الحمد لله ....بطلها من نفسه ....
هو لازم يكون عنده إراده ف كده ....حاولى معاه وربنا يتمم على خير ...
والأهم من كده ..هو صريح معاكى وديه ميزة ....
و إن شاء الله خير.....

[sadrose]

بصى يانوشا اول حاجة اللى فهمتة من كلامك انك درستى الشخص دة فترة وفهمتية واكيد انتى عارفة امتى بيكون صادق معاكى اولا موضوع السجاير دة ماتعتبرهاش مشكلة قوى انا اللى اعرفة ان اللى بيشرب الجاير صعب يسيبها علطول حاولى انتى معاة بالتدريج لكن اهم حاجة الصلااااااااااااااااااااااااااااااة اوعى تبدأى خطوة فى حياتك الا اذا كان الانسان دة بيصلى بصى شجعية يصوم معاكى وشجعية يصلى فى الجامع واكيد لو حصل نصيب واتجوزتوا وشافك بتصلى وبتصومى هيصلى ويصوم ويمكن يكون بعد كدة احسن منك كمان ماتزعليش معلش طولت بس فكرى كويس قوى على فكرة انا من المنصورة بردة

[nana_ay]

بصى يا نوشا انا هقولك على تجربتى وهى تشبه تجربتك قليلا
زوجى عندما تقدم لخطبتى كان بيحبنى جدا جدا وكان يشرب السجائر ومش بيصلى الا الجمعه وفى رمضان فقط المهم وعدنى تكرارا انه هيبطل سجائر لكن طبعا لضغط الحياه عليه مثل الجواز وتجهزاته وووووووووووالى اخره فهيبطل بعد الزواج وحتى الان لم يقلع عنها بل زادت وخاصه ان شغله يعتمدعلى التفكير وشدة الاعصاب وبخصوص الصلاه جربت معه كل الطرق من شده ولين ومسايسه وبعض الاقارب الصالحين دون معرفته وللاسف لا يصلى لكن الغلط من الاول ان نحن لم ناخذ بالنا ان كل اخواته وابيه بنفس الطريقه بمعنى ان لازم تنظرى الاول لاهله وحاجه تانيه ان كانت شخصيتك قويه من الممكن التاثير عليه فى الموضوعين دول يبقى خير وبركه وانتى عارفه ان الشخصيات بتختلف بمعنى ان شخصيه زوجى غير شخصيه المتقدم لكى انا حاسه بكى لانى ايام خطوبتى وزواجى كنت غير ملتزمه فماكنتش حاسه بالموضوع دة لكن الحمد لله مع التزامى حسيت بالفرق والموعاناه
وبعدين فينك من صلاه الاستخاره اسفه على التطويل وربنا يهديكى الى ما فيه الخير

[toto s]

عنجد يا بنات كيف ممكن نقنع شخص بالصلاه

[جين صبرى]

والله أنا مكملتش قراءة مشكلتك للآخر وعادة بقرأ مشاركات الأخوات بس المره دى لأ عارفه ليه ... عشان قرأت عبارة تحسنه بطىء وعلل السبب أنك مش بجواره

مش عارفه أتضايقت جدا .. أصل الهدايه بتبقى عزيمه من داخل الأنسان ودعاء
والله يهدى من يشاء يعنى مثلا ينفع أن حد يشهر أسلامه مثلا عشان يرتبط بالشخص اللى يحبه ولا عشان هو مؤمن بأن الدين الأسلامى هو دين الحق

يعنى ماينفعش أنى أتقرب الى الله وبجوارى حد بيساعدنى لو مش موجود يبقى عزيمتى تقل..سبب غريب

مافيش واسطه بين العبد وربه

تعلقك بيه ده عشان أنتى فتاه نقيه وأكيد هو حس بكده وبيحاول يؤثر عليكى من الناحيه دى لأن أى أنسان يتمنى فتاه مثلك

والله أختى أرتبطت بشاب مهندس ومن عائله كريمه ومحترمه وفى الخطوبه أشترى كل الحلويات من القاهره كنا وقتهابالأسكندريه ولبسها دهب هو ووالدته الكلام ده من عشر سنين وجاب لها موبايل لما كان تكلفته وقتها 4000 جنيه وبنى لها شقه ولنفس
سببك تركته التدخين وعدم المواظبه عالصلاه .. سبته بعد 3 سنين خطوبه وهى تحاول معاه وكان فمنتهى الكرم والأدب وحاول أنه يصالحها بعربيه جديده
بس هى رفضت .. وهى الآن تزوجت من سنتين من زوج تحبه وترضاه
أخدتى بالك من فرق السنين ..مش مهم بس هى طلبت من الله الزوج الصالح وربنا أكرمها به من 3 سنين مع أنها والله وقتها كانت طفله عالتفكير ده وعادى أنها تخضع
لأى أغراء مادى

مش عارفه .. طولت عليكى .. آسفه
بس أنتى لاتملكى الا الدعاء والصلاه .. صلاة الأستخاره طبعا مهمه
وتقولى يارب أن كان فيه خير قربه منى
وأن كان فيه شر أبعده عنى
وربنا يهديكى أن شاء الله الى الطريق الصواب

[شموسة]

انا متابعه الاخوات وردودهم
صحيح ان الشيطان عمره ماهيسيب البنى ادم فى حاله لكن لما تكون المصيبه فى الصلاة .... تبقى جامده وصعبه اوى
للاسف بعض الاخوات بيتكلموا عن تضييع الصلوات كانها حاجه الى حد ما عاديه وهتتصلح بسهوله... وكمان السجاير كانها حاجه عاديه جدا ليه؟ هى مش حرام شرعا دا غير اللى بتسببه من شخير وريحه وحشه مش هتحس بيها غير بعدين
ومين قال انه مافيش شباب اليومين دول مع احترامى لراى المهندسه جيهان الدنيا مليانه ناس ملتزمين بس احنا نصبر وماحدش هياخد نصيبنا
ونشوى(نوشا) فعلا فكرى كويس وشجعيه بس من بعيد يعنى ماتقربيش الا لما تتاكدى انه بقى كويس

[الزوجة الاولى]

حبيبتى عليكى بصلاة الاستخارة
ومش هقول اكتر من الاخوات قالوه بس فعلا لازم تشوفى بيئته
اهله بيصلوا ولالا لو مافيش التزام فى البيت ولااهله يبقى بلاش هتتعبى معاه
ثم الصلاة مش للانسان ده لربنا السجاير ماشى ممكن يبطلها علشانك بس الصلاة ده
لربنا مش للعبد

[نوشا]

بجد انا متشكرة اوى يااحلى فتكاوات ف الدنيا
على انك اهتميتوا بمشكلتى
وهرد عليكوا واحدة واحدة
بالنسبة لكلامك يااميرتى يمنى
انا نفسى يتحقق اللى انت بتقوليه ده
وعلى الاساس ده انا مستمرة ف الموضوع
بس ده ميمنعش ان جوايا خوف
لانه ممكن جدا ميحصلش
وربنا يهديه ويوفقه هو وشباب المسلمين

[نوشا]

مرسيه ليكى كتير ياحلىnefertety
رايك بجد عاجبنى
لان كل اللى انتى قلتيه جوايا وقلته قبل كده
وكان رده عليا
انه لو عايز يرضينى
كان قاللى انه بيصلى وانه بطل السجاير
لانى كده كده مش هعرف لان شغله ف بلد تانية
قاللى انا صريح معاكى واللى انتى عايزاه
انا بتمناه بس اصبرى عليا وخدينى واحدة واحدة
اما مسالة التزام اخواته
فده مش مقياس خالص
لانى اعرف ناس كتير محترمين وملتزمين واولادهم مش كده
والعكس صحيح موجود
مرسيه ياقمر على اهتمامك
وان شاء الله هطمنك واقولك عملت ايه

[نوشا]

حبيبتى يام سيف الدين
انتى شكلك عايزة تخلصى منى
وتزحلقينى واتجوز وخلاص