[smsmah]

السلام عليكم
انا حلمت اني كنت ماشيه ف شارع عندنا ف البلد وكان شكلي حلوه وكنت فرحانه بشكلي فقام واحد شاتم علي ابويا اتضايقت وكملت مشي وقلت مردش عليه عشان الناس كلها بصتلي وكده
المهم جيت اعدي ف الشارع التاني بصيت لقيت وحده قريبتي وقعدت تقلي انها كانت هتعمل فرح ابنها بس عرفت انها هتدعي الناس ومش هيجو وانا بكلمها بصيت ف الشارع اللي هعدي منه
لقيته كله طين وميه ومينفعش اعدي فيه قلت انا هروح البيت ازاي دلوقتي انا هرجع تاني بصيت ورايا ف الشارع اللي كنت لسه معديه فيه لقيت فيه طين كمان وطين كتير اوي ومينفعش ارجع قلت خلاص هكمل ويحصل اللي يحصل بقي
كملت ومشيت ف الشارع بصيت لقيت فيه حتت ناشفه وينفع اعدي فيها ومكنتش شيفاها قعدت امشي من غير متوسخ من اي حاجه ولقيت جمبي بنات عمي وقعدنا نتكلم وفجاه لقيت حفره قدامي كنت هقع لاما هموت او رجلي تتكسر بس لحقوني وموقعتش فيها وبعدها بشويه تاني كنت هقع بس ربنا ستر ولقيت ابن عمي برضه وسندت عليه واما وصلت البيت لقيت فيه ترزي ف الدور اللي فوق احنا بيتنا دورين قعدت اتفق معاه يفصلي هدوم وكانت امي بتكلم ابن خالتي وهو نازل علي السلم كانها كانت بتشد معاه وهو نزل فبصيت لقيت امي شايله بنوته زي القمر حلوه اوي اوي بجد راحت قالتلي خدي البنت دي قلتلها مين دي قالتلي خدي بس خدتها منها وقعدت الاعبها انا والترزي ده لحد مصحيت
الترزي للعلم كان حد اعرفه
لو سمحتو ممكن تفسرولي الحلم ده

اذا اعجبك الموضوع و اردت نشره في المنتديات الاخرى فاستخدمي هذا الرابط:
ضـــــــــــــــــــــــــــــروري
http://forums.fatakat.com/thread33058

[ايتاب]

الترزى فى الحلم معناه زواج والمشى فى الشارع معناه سفر
اما باقى الحلم يدل على القلق على مستقبلك ولكن الله يبشرك بالخير

[smsmah]

شكرا ليكي ايتاب
يارب يكون خير ان شاء الله
بس مفيش حد عبرني برد غيرك
شكــــــــــــــــــــــــــــرا

[نوءه]

مين ده اللى يقدر ميعبرش سمسمه القمر اللى من بلد الشيخ رفاعه الطهطاوى ،حقك علينا يا قمر وعلى كلٍ الحلم ده معناه حاجات كتير أوى يا سمسم :1ـ الطين دليل المشاكل والحمد لله ممشتيش فيه 2ـ الحفره برضك مشكله لكن بنات عمك وقفو جنبك فيها وعدت والحمد لله 3ـ البنت الصغيره دنيا حلوه من نصيبك إن شاء الله واللى يأكد الكلام ده رؤية الترزى والذى يدل على عاقد الأنكحه (المأذون) مبارك مقدماً إن شاء الله ياقمر ومتزعليش مننا تانى .

[smsmah]

يعني الترزي ف الحلم تفسيره ايه بالظبط