[سولي]

السلام عليكم ورحمة الله وبركاته اولا انا مش عايزه الفتكوات القدامى واللى بيتمتعوا بجميع الالقاب يزعلوا منى انا قبل ان ادخل منتدى فتكات كنت اشعر بالوحده ولما دخلت شعرت بالوحدة اكثر بل بالغربه كمان .لكن انا قررت ان اخرج من هذا الشعور السلبى واحاول مره اخرى

[katkootaya]

ليه بس يا قمر مالك ؟؟ ايه اللي حصل ؟؟؟

[منامنيو]

ما تزعليش
كل حاجة بتيجى بالتدريج
ولازم تصبرى شوية
صدقينى مش هتلاقى اجمل من صحبة المنتدى

[nefertety]

مفيش حد بيتعرف في يوم وليله واحده واحده هتتعرفي وصدقيني بموضوعاتك
هتتحبي اكتر وتقدري تثبتي وجودك بس اهم حاجه لازم تكوني واثقه انك هتوصلي ولازم توصلي وما تفقديش الامل ابدا وخلي املك في ربنا كبير والله عمره ماهيخيب املك ابدا 000

[رانيا الدلوعه]

بصي يا قلبي انا كنت زيك في الاول بس بمجرد ما اشتركت في الشات بقي ليا احلي صحبات في الدنيا

[جيهان عبدالله على ربع]

تعالي قسم الشات هتلاقي اكبر موضوعين
هما الفتوكات الاون لاين ودة كبير جدا بس في مجموعة رائعة من الفتكوات
وفي شات صباح الخير يا فتكوات تعالي واندمجي مع الناس

[marwa142]

ليه كده ياحبيبتى ده انتى لسه مابقلكيش كتير عايزة تعملى صحبة ادخلى المنتدى الاسلامى موضوع اللى بتدور على الصحبة الصالحة تيجى معايا واضمنك الصحبة بأذن الله

[سولي]

ربنا يخليكوا ليا ومايحرمنيش منكم ابدا بس فعلا انا كنت محتاجلكوا اوى فى بداية دخولى المنتدى . وعايزة أقولكم على حاجة المنتدى غيرنى جدا والحمد لله للأحسن ومن غير مبالغه كان نقطة تحول كبيره فى حياتى . وانا بصراحه قلت أفضفض واقول على اللى مضايقنى.

[رانيه]

اهلا بيك وسط اخواتك

[ام ايفان]

ليه ياسولي؟زعلانة من ايه؟احنا كلنا اخواتك
قلوبنا مفتوحة للكل..يارب تنبسطي معانا

[غاده الصايغ]

عارفه يا سولي انا اول مدخلت المنتدي معرفتش نفس لحد دخلت اشارك الاول في الموضوعات و نزلت موضوع وماشاء الله لقيت الناس بتتفاعل معايا عادي كانهم عرفني
وفجأه وعيت لنفسي ودخلت وعرفتهم بيا
ادخلي وشاركي ونزلي موضوعات لان دي هي وسيله التعارف الفعاله
عاوزه اقولك ان بجد والله العظيم انك مش هتلاقي في حياتك بيت بيجمع الحب من القلب زي هنا
لانك هتلاقي نفسك حبيتي ناس وناس حبتك وممكن يكونوا همه في بلد وانتي في بلد
كفيا اني اقوللك اننا كلنا بنحب بعض في الله
سعداء بيكي في بيت الحب والخير

[سولي]

غدغود ربنا يخليكى على اهتمامك .جايز انا علشان لما دحلت المنتدى اصلا كانت حالتى النفسيه وجشة قوى وعلشان كدة اتعاملت مع الموضوع بحساسيه شويه

[سولي]

كتكوتاتيه -رانيا-منامنيو-نيفرتارى-الداعيه لله-ام ايفان كل اللى اهتموا وردوا عليا ربنا مايحرمنيش منكم . وبجد انا لولا انى حبيتكم اوى من غير ماشوفكم مكنتش زعلت بس الحمد لله حصل خير. وربنا يبارك لكم فى حياتكم ويسعدكم دنيا وآخره.

[ام اسلام2]

ولا يهمك يا سولى علشان الناس يعرفوكى لازم تتفاعلى مع بنات المنتدى
عن طريق تنزيلك للمواضيع ذا فائدة انا كنت ذيك كدة بس الحمدلله دلوقتى يعنى بعضهم صارو يعرفونى والحمد للة بس انا بعرفهم كلهم لانى بحبهم كلهم

[الزوجة الاولى]

ليه حبيبتى حاسه كده دول الفتكوات زى العسل انا حبتهم اول مادخلت
وحاسه انى مع اخواتى وصديقاتى ولما اكون مضايقه ادخل فتكات على طول
وبنسى كل حاجه مضيقانى
بالعكس انا لما بدخل اى منتدى تانى مبحسش بالراحه زى فتكات

[بيلندة]

حبيبة قلبي مع الصحبة الصالحة
اكيد رح تتغير بالمرة
بارك الله فيك

[crazy_tota]

سولي يا حبيبتي لية عندك احساس الوحدة دة ما انا زيك دخلت المنتدي ومكنتش اعرف حد دلوقت بعرف ناس كتير فية واللي مش ببقي عرفاهم معرفة شخصية علي الاقل ببقي عارفة اسماميهم ومعلومات مش بطالة عنهم وبيتهيالي ان فية ناس كمان عددهم مش بطال يعرفوني
افرضي نفسك واظهري شخصيتك اظهري اجمل جانب في شخصيتك لينا وحتلاقي الكل عاوز يتعرف عليكي
وبعدين بيقولوا قدم السبت تلاقي الحد قدامك
ولا اية عموما انا واحدة من الناس يشرفني انك تكوني صديقتي ومتاكدة ان كل فتوكة هنا حتفرح لما تكوني صديقتها
ولا اية يا فتوكات

[سولي]

موش عارفه أقولكم ايه انا بصراحه حاسه كأنى أول يوم اشترك فى المنتدى وفرحانه بيكوا اوى ربنا يخليكوا ليا .

[toto s]

شوفي يا سولي انا كنت زيك في البدايه بس الحمدلله اسا تغير الوضع
صدقيني مع الوقت بتبطلي تحسي بهيك
وبعدين مفيهاش اشي لو انت اللي بادرتي بالاشي
يعني لو عاجبتك اي فتوكه ابعثيلها على الخاص وحاولي انك تتعرفي عليها اكتر
لو حبيتي تكلميني او تكلمي اي وحده احنا بنرحب

[سولي]

توتو متشكره على ردك الرقيق . توتو سؤال كيف حال فلسطين؟يعنى زى مابنشوفها فى القنوات الاخباريه واللا الواقع مختلف؟