[منامنيو]

.

بسم الله الرحمن الرحيم
طبعا فى كتير مننا قرأ قصة وردة لبنان عن شرف البنت
وقراءتى للقصة دى لفتت نظرى لحاجات كتير
والكلام اللى هاقوله ده لوجه الله وعشان كل اب وام يخلوا بالهم من ولادهم
الموضوع هوه ان فى اسباب تانية ممكن لا قدر الله تؤدى الى خسارة كبيرة للبنت
مثل الخلوة بالاقارب ويا ريت متسغربوش
انا عارفة انكم من الطبيعى انكم بتثقوا فى اقاربكم
بس ارجوكم اسمعوا كلامى واعملوا بيه على الاقل
من باب الحذر
انا مر ادامى قصة حقيقية لبنات اتعرضوا لاعتداءات جنسية من اقاربهم
الخال - وابن الخالة وكمان صديق الاب
لان الناس دى من الطبيعى ان البيت مفتوحلهم بثقة
البنت الاولى كان عندها ست سنين وفى يوم صحت على آلام شديدة ولقت خالها جنبها ... وطبعا هيا ما كانتش فاهمة اللى بيحصل
وطبعا هيا مقالتش لحد والصدمة الكبيرة انها اكتشفت ان اختها هيا كمان اتعرضت لنفس الموقف ولما اتخطبت قالت لخالتها وراحت لدكتورة عشان تتطمن
والحمد لله ربنا لطف ..
والموقف التانى كان من ابن الخالة لطفلة عمرها 9 سنين كان بيستغلها
استغلال سىء جدا
انا فعلا اتصدمت صدمة كبيرة جدا وقولت فى نفسى لازم احذركم لوجه الله
والمواقف دى لفتت نظرى للمشكلة الخطيرة دى
واوعوا حد يقول ان الخال ده او القريب اكيد هما
فى الاساس ناس مش كويسين
ابدا دى عيلة محترمة جدا بس طبعا محدش ممكن يصدق او يخطر بباله ان ده ممكن يحصل من اشخاص المفروض انهم يخافوا على اعراض بناتهم
وعموما محدش يعرف ايه فى خبايا الناس
فارجوكم تخلوا بالكم من ولادكم
احنا فى زمن الغرائب اللى ممكن يحصل فيه كل حاجة
وعافانا الله واياكم ....

.

[منامنيو]

اللهم بلغت ... اللهم فاشهد

انا فى انتظار رودودكم ومشاركتكم فى الموضوع

" سبحانك اللهم وبحمدك ... استغفرك واتوب اليك "

[أم الطيب]

ربنا يبارك فيك يا منامنيو..
الموضوع بجد مش هزار وبيحصل كتييييييييييييييييييييييييييير.
ومش بعيد عننا.. حوالينا بس احنا اللي مغمضين ومش عايزين نشوف.
ربنا يستر بنات المسلمين ويهدي شباب المسلمين.

[sydj]

والله عندك حق ،واحنا حقيقة بحاجة الى من يتكلم صراحة عن هذه المواضيع ليتفطن الاهل الى هذا الخطر المحدق بالبنات والاولاد على حد سواء .ربنا ينجينا من البلاء ويهدي الضالين ،برحمته.

[منامنيو]

ايه يا جماعة فين الردود

[وفاء ام صغنونة]

الله يباركلك يا منامينو موضوع مهم فعلا
وعايزة اوضح كمان ان الخطر صحيح علي البنت
بس دلوقتي بقي الولد كمان بيتعرض للاعتدائات دي
مش بس البنت
ربنا يحفظنا ويحفظ اولادنا ويحميهم من كل سوء

[nahla mahmoud]

كلام صحيح
الاسلم نبهنا علي التفرقة بين الخوات في المضاحع(السرير)
وهذا دليل قاطع علي ان الامر ليس ببسيط
وممكن ان يحدث بشكل غير مقصود او عن قصد
الافضل انا الانتباه لابناءنا
بنت او ولد
وشكرا لطرح الموضوع يا اختي الفاضلة

[man0000l]

تسلم ايديك يامنامينووجزاكى الله خيرا على موضوعك
وفعلا احنا محتاجين حد يصحينا من اللى احنا فيه ونوعى بناتنا اكتر من كده
وربنا يسامحك علشان وجعتيلى قلبى انا بناتى اتنين بيدرسوا فى مصر لوحدهم
ربنا يسترها عليهم وعلى بنات المسلميييييييين.

[شرين عمر]

هو فعلنا موضوع مهم اوى وبيحصل مع الاسف

[nahla mahmoud]

اضافة لما سبق احترسوا من ترك الاطفال في مكان مغلق عليهم او نومهم مع اولا العم او اوالد الخال
ممكن يكونوا بيلعبوا ولكن راقبوهم باستمرار والافضل ان يكون اللعب امام اعينكم

[منامنيو]

شكرا لكل اخت ردت على الموضوع
وسامحينى يا manooooI
انا قصدى خير وربنا ان شاء الله هيحفظلك بناتك من كل سوء
هما وكل بنات المسلمين

[dora]

[um_tareq]

شكرا يا قمر على خوفك

الموضوع فعلا لازمه توعيه

ندير بالنا كمان من الحضانات

قبل 4 اشهر جابت نشوى على دبي قصة طفل مغربي كان يتعرض للاغتصاب من حارس الحضانة هوه و اطفال تانيين كانو يتأخرو بالحضانه مع الحارس لحاله لحتى ييجو أهاليهم

طبعا الطفل كان عمره 3 سنين و ما كان فاهم شي ابدا

أمه اكتشفت هالشي من خوفه من الحضانه و من سوائل تكون موجوده على ملابسه الداخليه

حاولو لا تتأخرو عن اولادكم بالحضانة او بالمدرسة لا تتركوهم مع اغراب

[جيهان عبدالله على ربع]

فعلا عندك حق كلام حقيقى وبيحصل كتير
ربنا يستر بناتنا وبنات المسلمين جميعا
ويهدى شباب المسلمين
جزاك الله خيرا

[منامنيو]

اللهم ارحمنا واعفوا عنا واحفظنا يا كريم

انا مش عارفة اقول ايه

انا كتبت الموضوع ده للتنبيه

بس ما كنتش اعرف ان المصيبة دى منتشرة كده

لقيت رسالة جات لى على الخاص شيبتنى وبكتنى

وانا لغاية دلوقتى باعيط

ربنا ينتقم من اى شاب يعتدى على اعراض الناس

فما بالنا ودول اطفال ابرياء

ادعوا معايه من كل قلبكم ان ربنا ينتقم من كل معتدى خصوصا اذا كان قريب او جار

اللهم احفظنا واعف عنا وارحمنا يا ارحم الراحمين

[rehab]

فعلا الواحد لازم يخلي باله ع البنت والولد زي بعض
والله يا منامينو أنا ليا جارة متخلفه عقليه أخوها أغتصبها كتيييييييير ولما حملت هرب ودلوقتي خلفت كمان وولا فاهمه حاجة يا عيني
ربنا يستر علي بناتنا يارب

[أشرقت]

السلام عليكم ورحمة الله وبركاته

جزاكي الله كل خير اختي منامنيو
فعلاً بيحصل ... زمن العجائب ... ومن علامات القيامه
اللهم احفظنا ... يجب علينا الاهتمام برعيتنا ..
ولانترك بيتنا مفتوح بدون حرص

ولكن لى ملحوظه ايه رأيكم لو دعينا ليهم مش عليهم ...
عشان لو دعينا عليهم هيذيدوا شقاء ويذيد الفساد بمن حولهم .. لعل الله يهديهم وينصلح المجتمع ويكون لنا الخير والثواب فى هدايتهم ...
اللهم احفظ بنات المسلمين ... وشباب المسلمين ... واحبس عنهم الشياطين ..
آآآآآآآآآآآمييييييييييين يارب العالمين .

[منامنيو]

آآآآآآآآمين يا اخت اشرقت
ربنا يهدينا كلنا المطيع منا ربنا يزيده طاعة وقرب من ربنا
والعاصى ربنا يهديه
بس انا بادعى عليهم من حرقتى والمى بسبب استهتارهم باعراض الناس
ومش اى ناس
ربنا يرحمنا

[nana_ay]

جزاكى الله خيرا على تنبيهنا وبعدين يا جماعه هو حصل ايه فى الدنيا طبعا الانصراف عن الدين يخرب الدنيا ربنا يستر على اولادنا وبناتنا ويهديهم
ومره ثانيه جزاكى الله خيرا

[كنده]

معاكي حق انا القصص دي شفتها بعنيا والنهايه بتكون دمار البنت
والمجرم يعدي منها وهو مبسسسسسسسسسسسسسسوط