[loucci]

المقادير:http://tbn0.google.com/images?q=tbn:...0e0a762db2.bmp

نصف كيلو لحم الخروف مقطعة أجزاء صغيرة
كيلو و نصف طماطم حمراء مطحونة في الخلاط
كوبين من الحمص المنقوع
ثلاث ملاعق كبيرة من العدس
حفنة تملئ راحة اليدين معا من الك***ة و الكرفس مفرومين ناعماً
بصلة مفرومة
كاس من الشعيرية الرقيقة
علبة صغيرة من مركز الطماطم
ملعقتين سمن
ملح
ملعقة صغيرة ابزار( فلفل أسود )
ملعقة كبيرة زنجبيل
عودين من القرفة
كاس زيت
لتر من الماء الساخن
دقيق ابيض لتركيز الحساء

:

- في طنجرة الضغط نضع اللحم المقطع , نضيف الحمص و الطماطم المطحونة و الك***ة و الكرفس و البصل و العدس و الزيت و نتبل بالملح و الابزار و الزنجبيل و الماء ثم نقفل الطنجرة لمدة نصف ساعة ابتداء من سماع صفارة طنجرة الضغط.
- بعد دلك نهيئ الدقيق الابيض مع قليل من الماء البارد حتى نكون سائلا كثيفا خالي من حبيبات الدقيق ثم نضيف هدا الخليط الى الطنجرة مع التحريك المستمر بملعقة خشبية سيصبح الحساء ثقيلا نوعا ما بفضل الدقيق و التحريك المستمر لمدة خمسة دقائق على النار.
- و في اخر المطاف نضيف السمن و مركز الطماطم و القرفة و الشعيرية و نستمر في التحريك و الطهي لمدة عشرة دقائق تكون الحريرة حاهزة للاكل.

[loucci]

بسم الله الرحمن الرحيم

عندى لكم بعض الوصفات للبشرة هى وصفات بسيطة ارجو ان تعجبكم و انا جربت كل هذه الوصفات


ووجدتها كلها مفيدة .

وقررت ان اشاركها مع الحبايب


1- لصنفرة الوجه وتفتيحه :

- 50جرام عدس اصفر مطحون + 25 جرام حلبة مطحونة + 25 جرام فول مطحون

نأخذ ملعقة ونضع عليها ماء او ماء الورد ثم نضع الماسك على البشرة حتى يجف ثم ندعك

البشرة به وهذا الماسك مرة واحدة بالاسبوع . ( هذا الماسك يشبه ماسك الترمس المطحون )

- ماسك الردة وطريقته مثل الماسك السابق ومن الممكن استبدال الماء بالعسل .

2- ماسكات لصفاء وجمال البشرة :

- ماسك الزبادى + العسل

- ماسك الخميرة المذابة فى قليل من الماء او ماء الورد ( مفيد للبشرة ) يزيل الحبوب والبثور من البشرة .

- ملعقة زيت الزيتون + بعض من قطرات الليمون لتفتيح البشرة من الافضل وضع هذه الوصفة على الجسم

بواسطة القطن وهى مفيدة للجسم كله وليس الوجه فقط والافضل وضعها قبل النوم والاستحمام فى

الصباح وسوف تلاحظون الفرق فى النعومة وبياض البشرة .

- زيت جنين القمح وهو مفيد فى ازالة الحبوب والبثور من الوجه كما انه مفيد فى حالات الحكة فى
الجسم .

[موجة شقية]

loucci
شكرا على مشاركتك انا لسة مجربة شوربة الحريرة من قريب وعجبتنى شكرا على الطريقة وعلى الوصفات

انا امبارح عملت كبسة وكوسة بالبشاميل ولحمة وسلطة وسلطة زبادى

النهاردة شيش طاووق

[أموونة]

ممكن اعرف بتعملوا ازاي شوربة الشعرية ومعلش لو فيها رخامة عايزة اعرف طريقة حلوة للكوسة بالبشاميل

[رودينا اسلام محمد احمد]

فكرتك جميلة جدا انا النهاردة حعما سبيط مقلى وسبيط طاجين و رز احمر و سلطة طحينة

[هبه مجدى]

انا حقول اهوه انا بقى طبخت باميه بالصلصه وباميه (ويكه) لوفى صعايده فى المنتدى حيعرفوها وارز بالشعريه وفراخ وباذنجان مخلل امممممممممممممممممممممممممم

[loucci]

ما فيش حد جرب الحريرة انا زعلت

[موجة شقية]

اموونة

شوربة الشعرية سهلة جدا

هتجيبى شعرية وتحمريها على النار لحد ما تبقى دهبي في سمنة او زيت
وتحطى عليها شوربة الفراخ او اللحم وتظبطى الملح والفلفل ولما تغل وطي عليها النار لحد ما تستوي وبالهنا والشفا
انا بعملها كدة لو حد عنده طريقة تانية يقول

الكوسة بالبشاميل

هتجيبي الكوسة تغسليها وتنجريها يعنى تقشير خفيف
وتقطعيها بالطول شرائح معقولة مش رفيعة ولا تخينة

وتحمريها تحمير خفيف في الزيت يعني مش لازم تستوي
او بدل التحمير ممكن تسلقيها نص سلقة بس مش اوى عشان ما تتهريش

وبعدين تجهزي لحمة مفرومة وبشاميل

والبشاميل بعمله بطريقة حلوة وخفيفة جدا وهى انك تجيبي
3 كوب حليب
1/2 كوب دقيق
مكعب ماجى( ممكن الاستغناء عنه)
ملح
فلفل

تضربيهم في الخلاط وبعدين في حلة على النار مع معلقة زبدة او من غير حتى مش هتفرق

ولما يتخن تشيليه على طول وتستعمليه

تحطى طبقة كوسة وطبقة لحمة مفرومة وطبقة كوسة والبشامبيل فوقها وتدخل الفرن ساعة تقريبا

وممكن من غير لحمة بالكوسة والبشاميل بس

وبالهنا والشفا

loucci

ماتزعليش انا قلت لك انى ناوية اجربها لانى كلتها وعجبتنى هابقى اقوللك على النتيجة

[توتة مرمر]

بامية ويكا يا جمالها يا هبة

انا طبخت ...............هاكل عند ماما النهاردة

[أموونة]

ربنا يخليكي يا موجة
اما انا كان عندي عزومة امبارح وطبخت محشي كرنب وبذنجان وفلفل ولسان عصفور وبامية ولحمة والحمد لله الاكل كان حلو

[nan]

انا النهاردة عملت لوبيا وفراخ ورز واستمرو على الموضوع دة كل يوم بدوخ اطبخ ايه النهاردة ادينا بناخد افكار من بعض شكرا ليكى يا موجة موضوعك جميل

[rodi4882]

يا سيدي يا سيدي
ايه الحاجات الحلوة دي

انا عملت النهاردة كوسة و بطاطس و خرشوف محشي عصاج و لحمة بانيه
يجننوا

من فضلوكو اللي يعرف البصارة يقولي بتتعمل ازاي بس بمعيار الكوب المتوسط عشان هنا مفيش كيلو

[أم الكتاكيت]

أنابقي عملت النهاردة مكرونة بالبشاميل وسلاطة

[موجة شقية]

امونة

تسلم ايدك على العزومة الحلوة وبالهنا والشفا

nan
الموضوع منور بيكي وانا كتبته برضه عشان ناخد من بعض افكار

[موجة شقية]

يا سيدي يا سيدي
ايه الحاجات الحلوة دي

انا عملت النهاردة كوسة و بطاطس و خرشوف محشي عصاج و لحمة بانيه
يجننوا

من فضلوكو اللي يعرف البصارة يقولي بتتعمل ازاي بس بمعيار الكوب المتوسط عشان هنا مفيش كيلو

rodi
اتفضلي طريقة البصارة كنت مسيفاها عندى ونقلتها لك

البصارة (دون)المقاديرنص كيلو فول مدشوش
3 حزمةبقدونس_ حزمة كسبرة خضراء
1 بصلة كبيرة او بصلتين متوسطين
1 رأس ثومملح، فلفل أسودكمون، نعناع ناشفللتقلية :ثوم، كسبرة ناشفة ، عصير ليمونتين ،زيتالطريقةنغسل الخضرة كويس و نخرطها بالسكينةنسلقالفول والبقدونس والك***ة مع البصل والثوم مع بعض فى ماء حتى يستوي تماماً ويتهري.وممكن تسوى فى حلة الضغط ( البرستو )وممكن لو عازت ماء نضيف لهانستنى لماتبرد شوية ونضربها فى الخلاط ونرجعها على النار تانى .نحط لها بقى الملحوالفلفل الأسود والكمون والنعناع ونسيبها لحد ماتغلىنكون عملنا التقليةنضع الزيت على النار حوالى 3 معالق ثم اضع الثوم المهروس لحد ما يصفر ثم اضعالك***ة الناعمة الناشفة. بعد ماتجهز خدى منها شوية و حطيها فى البصارة قبل ماتغرفيها فى الاطباق مع تقليبة ثم اضع عصير ليمونة كبيرة او ليمونتين و اطفى النارعلى طول .بعد مانغرف البصارة فى الاطباق نضع باقى مقدار التقلية على وش الاطباقطبق وبالهناء والشفاء،

** النص كيلو يعني 500 جرام يعني تقريبا كوبيتين ونص

جربي وقولى لنا

[الغنمه]

انا اليوم عملت ملوخيه

[emyemz]

انا عملت النهرضة صنية كبيبة فى الفرن مع مكرونة اسبكتى بس طلعت خطيييييييييييييييييييييييييرة:icon_far ao:

[emyemz]

انا بقى عملت النهردة صنية كبيبة فى الفرن مع مكرونة اسبكتى

[rodi4882]

الف شكر يا ست الكل علي الوصفة
تسلم ايدك اصلي نفسي فبها اوي

كمان سؤال من فصلك
هيه المفروض يكون سمكها ازاي عشان ماتكونش تقيلة

الاكل النهاردة كان سمك بربون مقلي و رز و سلطة كانوا عايزينكو يا بنات

[موني 10]

ماما النهارده عملت مكرونه وفراخ بانيه
على فكرة الموضوع حلو قوى كثير الواحد بيحتار يعمل ايه على الغذا
وبفكرتك تكون هناك اقتراحات كثيرة
شكرا لك