[RORO]

السلام عليكم ورحمة الله
اهلا بيكم يا فتوكات حبيت ادردش معاكم شويه انا حاسه اني مخنوقه وخصوصا ان خطيبي اللي هو زوجي لان مكتوب كتابنا بعيد عني ومسافر لبلد تانيه انا عشت عمري احلم بالحب وخصوصا اني رومانسيه جدا كنت باحلم دايما اني اعيش الحب احب واتحب وبعد الكليه لقيت اني السنين دي كلها عدت من غير ما يدق قلبي لحد وخلال الاجازه وخصوصا اني خلاص اتخرجت بدا العرسان يتقدمو بس اوعو تفتكرو اني محدش اتقدملي غير بعد الكليه ههههههههه لا كان بيتقدملي في الدراسه بس بابا كان بيرفض بحجة انه مش عاوز حاجه تعطلني وفجاه ظهر خطيبي اللي حسيت اول ما شفته اني نسيت كل السنين اللي عدت وان عمري ابتدي من لحظة ماشفته ورغم انه زواج تقليدي الا اني حبيته جدا المشكله ان انا دلوقت حاسه بوحده في بعده اعمل ايه يا فتوكات علشان كده انا بافضفض معاكم ومعلش انا وجعتلكم راسكم ومشكووووره لكل اللي هيهتم

اذا اعجبك الموضوع و اردت نشره في المنتديات الاخرى فاستخدمي هذا الرابط:
ممكن اتكلم معاكم شويه................
http://forums.fatakat.com/thread33309

[shimo_shiko]

أهلا بيكي يا رورو .... عامله إيه يا جميل
أنا كمان مكتوب كتابي عقبالي و غقبالك الليلة الكبيرة ليلة الزفاف .
و ربنا يرجعلك زوجك بالسلامة .
و يوفقكم .... و إتكلمي يا قمر إيه اللي مضايقك و إحنا كلنا إخواتك .

[برتقال سكرى]

ربنا يرجعه بالسلامة
ويارب يتمم فرحتكم بخير
ويخليكم لبعض

[RORO]

علي فكره ياجماعه انا اللي هاسافر له مش هو اللي هييجي ومشكوووريييين علي مروركم يا احلي فتوكات بحبكم والله

[ملك الروح]

ازيك يا رورو على فكرة انا مخطوبة زيك بس لسة كتب الكتاب
ربنا يوفقكم مع بعض
وربنا يجمعكم على خير

[sh_moh]

والله يا حبيبتى انا كمان بنفس مشكلتك مخطوبة وخطيبى بيسافر ومش بشوفه غير كل فترة بس معلش استحملى علشان هو مشافر علشانك وياسس العش الجميل الى يجمعكم بيه على خير وعقبالى انا كمان يرجعهولى بالسلامة
بس خليكة قريبة منه تليفونات بقى علشان هو كمان مش يبقى مضايق من وحده وربنا يرجعهولك بالسلامة

[سحورةبنوتةمصرية]

رورو اشغلى وقتك بحفظ القرأن الكريم او بدراسة او كورسات او اعمال يدوية
انا فى نفس ظروفك بس انا مش كتبا كتابى وكمان هنتجوز هنا الاول وبعدين ابقى اسافرمعه معلشى مش عايزة ادخل فى خصوصياتك بس لازم يأسس لكى شقة هنا اولا قبل سفرك معه والله الموفق بأذن الله

[سحورةبنوتةمصرية]

وكمان الاهم من كل دة انك تحسسية انك معاة خطوة بخطوة وتطمنى علية دايما وتعودية على اتصال يوميا بينكم حتى لو برسالة تمنها خمسين قرش
لأن الغربة وحشة جدا
وطبعا النت كل يومين علشان تطمنى علية خليكى ذكية فى تعاملك معة
الرجل كطفل الصغير يحب الاهتمام بة دائما ويكون رقم واحد فى اولوياتك وحياتك

[راهيف]

إزيكم جميعا
و كأنك يا رورو بتكلمى عنى تقريبا نفس الحال مكتوب كتابى وخطيبى مسافر بس الفرق انى لسه بدرس فاضل سنه وخلص بس صدقينى حسه بمشاعرك جدا وحسه بنفس الفراغ

[totaabcd]

معلش يا جميل ربنا يقرب البعيد ويجمعكم على خير
انا حاسة بيكى اوى لأنى كنت فى نفس الموقف بس الحمد لله اتجوزنا من6 شهور وانا دلوقتى فى قطر معاه بس الغربة صعبة اوى بعيد عن كل اهلك واصحابك وشغلك
يعنى بعيد عنه تعبانة ومعاه تعبانة ومش عارفة الواحد هيستريح امتى