.
الأستنسل أو فن تفريغ القوالب ، فن جميل جدا ولو عرفتوه هتلاقوا انكم من خلالة ممكن تنفذوا كتييييييير من الأعمال الفنية ببساطة وسهولة.
نتكلم ببساطة عن خطوات عمل قالب لو اسطنبة رسم للأستنسل كل اللى هنحتاجة
ورق بلاستيكي مثل ورش البلاستيك الخاص بالدوسيهات وان لم يتوفر ممكن استخدام ورق ثقيل شوية يضمن عدم تشربة للألوان _ وعايزين فكرة أفضل انا عن نفسي استخدم ورق الأستيكر .
ثانيا كتر(وهو شئ يشبه السكين مثلا وحامى جدا واسمه كتر )
ثالثا التصميم اللى هنحتاجة
نقوم برسم التصميم على الورق البلاستيكي ثم نقوم بقصة بطرية نظيفة وحذرة حتى لا ينقطع التصميم
تقريبا انتهينا بس نصيحه القطه كونى حذره باستخدام القطر
ولازم يكونى حامى جدا عشان التفريغ ما يشرشرش(يبقى مشرشر ماتضحكوش)
ويبوظ الطباعه ماشى
يتم تثبيت التصميم على أى شىء انتى عايزة ترسمي علية وبأستخدام الألوان المخصصة تبدأى بملأالفراغات اللى فى ورقة الأستنسل بالألوان اللى انتى عايزاها ودلوقتى هوريكم نماذج من استخدامات فن الطباعة بالأستنسل
في الطباعة على القماش وده مفرش سفرة تمت الطباعة علية بألوان القماش المخصصة لذلك بأستخدام وحدة استنسل
في تلوين الأسقف والجدران بالصبغات المخصصة لها باستخدام وحدة استنسل
في الرسم والطباعة على الملابس باستخدام الألوان الخاصة بها
ففي الرسم على الزجاج او السيراميك او حتى على الأبواب الخشبية وقطع الأثاث مثل أبواب الدولاب والكومودينو القديمة وغيرة وغيرة كل حسب الألوان الخاصة بة
في عمل اللوحات الفنية
انا كنت بستخدم قطع من الأسفنج الصغيرة الفها على شكل الزقزوقة اللى بنعملها للأطفال بعد ما البلونة تطق ، كنت استخدمها فى غمسها فى اللون المستخدم وبعد توزيع اللون على قطعة الأسفنج جيدا على جميع جوانبها بدق قطعة الأسفنج على سطح ورقة خارجية لضمان توزيع اللون جيداعلى سطحها وبدقدق الأسفنجه على سطح الأطنبة الخاصة بالتصميم حتى الون التصميم كنت بستخدم تلك الطريقة فى التلوين على العبايات حتى اضمن الحصول على نتيجة رقيقة من اللون من غير بطش ولا درجات متباينة من اللون العملية دى محتاجة مهارة وتدريب شوية اما انت اعزائي يكفيكم انكم تستخدموا فرش التلويت العادية فى الحصول على التصميم المطلوب بتوزيع اللون على سطح الأطنبة بعد لصقها وتثبيتها على السطح المراد تلوينة سواء كان ملابس او جدار او زجاج او طبق خزفي وغيرة وغيرة ..
دى بقى شوية تصميمات هدية منى ممكن تستخدموها في تنفيذ الفكرة.
دي بقى وحدات اصعب شوية التصميم مليان والمسافات ضيقة شوية بتحتاج حرص عند التقطيع وفي حالة حصل قطع الزقي الجزء المقطوع بسوليتيب من اعلى واسفل مواجهين لبعض بحيث تغلقي الجزء المقطوع وتبدئي تقطيعة بالكتر من جديد
منقول
بس مفيد جدا ارجو انه يتثبت
وعشان يتثبت يبقى ارجوكم التقييييم يا بنات ده اذا عاجبكم
اتمنى ان الموضوع يعجبكم تحياتى
.
