[n.e.h.e.a]

زمااااااااااان فى الافلام القديمة كنا بنسمع..........................
بيكيااااا.... اى حاجة قديمة للبيع.....روبابيكياااااا
بس إحنا عاوزين كل واحدة عندها بيكيا تجيبها ونحطها فى الصندوق والفتكوات الشاطرين يدخلوا ويدعبسوا فى صندوق البيكيا الموجود ويقولولنا افكارهم وإزاى ما نرميش حاجة خالص ونجدد بيتنا ونضيف لمسة جمالية بالحاجات اللى ممكن نكون شايفنها ملهاش أى فايدة
رجاء :- ياريت كل واحدة تدخل تقييم الموضوع علشان يتثبت ويستفيد منه الجميع علشان انا شايفة إنه لو تفاعلت معاها الفتكوات هيكون مفيد وشامل.
ها ياللا نشوف أول بيكيا هتجينا من مين
انا هأبدأ معاكوا:-
فرش الاسنان القديمة - علب كريم الشعر والجل
أنا مش بلاقى إستخدام ليها وساعات بيبقى شكلها حلو
واللى عندها بيكيا تانية تحطها فى الصندوق وإحنا هندور لها على إستخدام

[yostina]

فكرتك جميلة ياعزيزتىومفيدة ايضا
انا عندى بيكبا وهى جراكن الصابون السائل

[n.e.h.e.a]

كدة صندوق البيكيا بقى فيه
(جراكن الصابون السايل - فرش أسنان قديمة - علب كريم وجل الشعر )
ولسة مفيش حد دعبس وألا طلًع لينا أفكار جديدة
وعلى فكرة ممكن نأخذ حاجة من برة الصندوق تساعدنا مش لازم كله من جوة الصندوق

[عاشقة أمل بوشوشة]

مشكوووووورة على الموضووع

[أم الطيب]

موضوعك جميييييييييل..
وفرش الأسنان ممكن تنظفي بيها ذهبك يعني اي حلي ذهب اغسليه بالفرشاة والصابون وبعدين اشطفيه بالماء هتلاقيه بيلمع كأنه جديد..
وكمان ممكن تنظفي بيها جلدة باب الثلاجة لانها فيها ثنيات.

[n.e.h.e.a]

تسلمى يا أم الطيب
فييييييييييييييييييين البيكيا بتاعت الفتكوات
مفيش بيكيا خاااااااااااااااااااااااااااااااااااااااااااالص كدة؟؟؟
أنا زعلانة من الفتكوات اللى مجابوش البيكيا بتاعتهم وحطوها فى الصندوق

[firemoon]

عندي علي زيت كارتون اعمل بيها ايه؟

[moheyeldin]

انا عندى لعب البنات المستهلكه

[n.e.h.e.a]

أنا بس عاوزة أسأل firemoon
يعنى إيه؟؟ -عندي علي زيت كارتون-
الظاهر إن فيه غلطة فى الكتابة ياريت تردى عليا يا قمر
أما moheyeldin ياريت تقولى إيه نوع لعب البنات عرايس يعنى أو دباديب يا قمر وألا فيه حاجة تانية كمان علشان اعرف أقولك افكار
رجاء:- ياريت كل اللى يدخل يقييم الموضوع

[مدام ياسر]

ازيكم كلكلم يا قمرات وشكرا يا قمر على الموضوع الحلو دة
بالنسبة لعلب الكريم والجل ممكن تستخدميها تشيلى فيها الخرز والترتر لو بتشتغلى اشغال يدوية بالبيت او ممكن تستخدميها تشيلى فيها بنس الشعر او دبابيس اوابر الخياطة والحاجات الصغيرة اللى ممكن تضيع فى الشقة وانتى مش واخدة بالك

ولعب الاطفال لو دباديب ممكن تفكى القطن بتاعها وتجيبى قماش جديد حلو وتعمليها من تانى على شكل دبدوب مثلا او اى لعبة تانية وتكون شكلها جديد وحلوة

[مدام ياسر]

انا هقولكم على فكرة تانية اخواتى بتعملها وانا كنت بعملها من وانا لسة صغيرة

عارفين الكانزات (الحاجة الساقعة ) ممكن بدل ما ترميها تفتحيها من فوق وتنظفيها وتغلفيها بسوليفان جميل وتحطيها على المكتب مثلا وفيها الاقلام بتكون طريقة سهلة انك تلاقى القلم اللى انتى عاوزاه وبتكون شكلها حلو اصل انا علطول بضيع الاقلام ههههههههههههههههه

[مدام ياسر]

بالنسبة لعلب الزيت الكارتون او اى حاجة تجيبيها تبقا ليها علبة كرتون ممكن بدل ما ترميها تغلفيها وتعمليها زى صندوق تحطى فيه المجلات او لعب الاطفال او اسطوانات الdvd وممكن تغلفيها على شكل ادراج وتلصقيها ببعضها وتحطيها بجنب وتشيلى فيها الشرابات مطبقة

وممكن كمان تعملى من الكرتونة نفسها لعب للطفال بالرسم عليها وتقصيها وتجمعى اجزاء اللعبة من الكرتون وتلصقيها ببعض وتبقا لعبة جديدة لاطفالك مش مكلفة اى حاجة

[مدام ياسر]

هقولك على فكرة جميلة اوى اطفالك هيحبوها اوى كمان
قشر البرتقال ارسمى عليها بالسكينة رسمه عروسة واعملى عنيها وبؤها بالقرنفل او اى رسمة يحبها طفلك وحدديها بالقرنفل
وكمان قشر اليوسفى قشريه على شكل زجزاج نصفين وافتحيه من فوق دايرة صغيرة شوية وحطى فيه شمعة وحطيها على مكتب مثلا او على السفرة صدقينى بتدى ريحة جامدة جدااااااا وخصوصا لو شمع فواح بتكون ريحته مع الريحة اللى فى قشر اليوسفى جميلة اووووووووووووى

[n.e.h.e.a]

إيه النشاط دة يا مدام ياسر تسلمى يا قمر بس إنتى ماقيمتيش الموضوع ليه؟
وياريت لو تعرفى إزاى الموضوع بيتثبت ياريت تقوليلى يا قمر
يابختك إنك قاعدة فى إسكندرية دى أحب بلد ليا ونفسى أعيش فيها على طول قدام البحر وبس كمان إستحالة أصيف غير فيها تيجى نبدل؟!!!!

[n.e.h.e.a]

إنتوا مش مهتمين بموضوعى ليه
يعنى أرمى نفسى من فوق السجادة

[ام حنين117]

متزعليش ياn.e.h.e.a الموضوع ممتاز جدا.وانا عندى زجاجات مياه معدنيه وبرطمنات زجاج كثيره احجام مختلفه ولعب اطفال بلاستك(قطط بدون رجل مثلا)وايشاربات لا استخدمها

[n.e.h.e.a]

أنا آسفة جداً لكل الفتكوات إنى ما رديتش عليهم لايام اللى فاتت
أصل النت كان فيه عطل عندى بس أنا هأرد أن شاء الله عليكوا

[n.e.h.e.a]

أنا هأبدا الاول بفرز كل اللى فى الصندوق
كدة صندوق البيكيا بقى فيه
(جراكن الصابون السايل - فرش أسنان قديمة - علب كريم وجل الشعر- لعب اطفال بلاستيك(قطط بدون رجل مثلا)وايشاربات- زجاجات مياه معدنيه - برطمنات زجاج - لعب البنات المستهلكه - كانزات (الحاجة الساقعة ) علب كرتون )

[n.e.h.e.a]