[n.e.h.e.a]

لعب اطفال أوالبنات المستهلكة
بصى لعب الاطفال عموما ممكن تجديدها
لو هى من النوع اللى فيه حشو بتخيطيها لو حصل فيها قطع أول بأول علشان ما يزيدش وممكن لو بتحبى الكروشيه تشغلى لها ملابس أو تخيطى ببواقى القماش اللى عندك وبنتك تغيرلها الملابس هتحب اوى انها تعمل كدة لوحدها.
أما لو عندك عروسة مكسورة رجلها مثلاً إعملى لها فستان يكون منفوش من بواقى التل او الدانتيل يكون اكتر من طبقة وتلصقيها على أى حاجة طبق مثلاً كأنها جالسة والفستان هيبقى كبير ومش هيبين رجلها او ممكن تبقى واقفة عادى وتلصقيها على قطعة فيلين او تستخدميها فى المكرمية.

رجاء :- ياريت كل واحدة تدخل تقييم الموضوع

[ام اربعه واربعين]

انا عندى علب ثلاجه
وهيه بتبقى مربعه او مستطيله ولونها شفاف اعمل بيها ايه

[n.e.h.e.a]

بصى يا قمرعموماً اى حاجة بتبقى صندوق أو علبة أكثر إستخدام ليها إنك تزينيها على ذوقك وتحطى فيها حاجات تكون سهلة البعثرة

1- ممكن تلصقى على العلبة خرز وترتر أو تلصقى عليها شريط ستان من الخارج وتستخدميها تحطى فيها أدوات الخياطة الإبر والخيوط.

2- ممكن تلصقى عليها برى القلم الرصاص و الالوان الخشب بتاعت أولادك أو صدف وقواقع وزلط أشكاله حلوة وتحتفظى بالالوان الخشب والشمع بتاعت أولادك لانها بتكون كتييييير وطولها مختلف فبيصعب عليكى تحطيها فى مقلمة مكتب.

3- ممكن تجيبى شوية قطن أو فايبر بتاع المخدات او سفنج وتلصقى طبقة خفيفة جوة العلبة من تحت والجوانب من برة وجوة بعدين تجيبى قطعة ستان ياريت ذهبية أو أى لون تحبيه وتبطنيها من الداخل والخارج ونفس الطريقة إعملى غطاء العلبة هية مش هتقفل بس ممكن تعملى لها فى الغطاء زى حلقة من القماش الستان وتخيطى زرار(قوقعة مثلاً) فى العلبة نفسها وكدة هتقفل أو باستخدام اللصق اللى بيبقى فى الكوتشى بتاع الاولاد.
بكدة تكونى عملتى علبة للمجوهرات أو الاكسسوارات غير مكلفة أو لأدوات المكياج.

رجاء :- ياريت كل واحدة تدخل تقييم الموضوع

[n.e.h.e.a]

فييييييييييين البيكيا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ام اربعه واربعين]

عندى زجاجات عصير فارغه اعمل بيها ايه

[sasab]

وانا عندي سيديهات بايظه وكياس كتير كل ما اشتري حاجه يدوني كيس وبرطمانات وهدوم ديقه بس بحبها ومش قادره اوزعهاوقزايز البيبسي اللتر ووولما افتكر هبقى اقولك...........

[n.e.h.e.a]

إيه ده كله يا sasab
بصى يا قمر انا عندى فكرة حلوة للسيديهات

1- إنت تجيبى 3 سيديهات وتجيبى شريط ستاان عرضه حوالى 1 سنتيمتر ممكن لون احمر
2-دخلى الشريط الستان فى منتصف 2 من السى دى والصقى طرفين الشريط من ورا يعنى الجزء اللامع من السى دى هو الوجه
أما الخلف تقفلى حلقة شريط الستان
3-بعدين جيبى السى دى الثالث وبنفس الطريقة إوصليه بالسى سد الثانى
بعدين إعملى تعليقة من شريط الستان
= يعنى هتوصلى الثلاثة زى السلسلة ثلاث حلقات فوق بعض فهمتى قصدى

۝
۝
۝

بصى بقى كدة خلاص فاضل بقى إنك هتستعمليهم فى إيه
ممكن تعملى 2 منها يعنى 6 سيديهات وتحطيهم فوق المكتب وتجيبى صور صغيرة ليكى او لاولادك لو متزوجة وتلصقى على كل سىدى صورتين وممكن تحطى عليها لمسة جمالية حسب ذوقك ورد مجفف وفيونكة ستان وتعلقيها ورا الباب
ماتنسوووووووش تقيموا الموضوع

[n.e.h.e.a]

زجاجات عصير فارغه او البرطمانات الفارغة
ياتر ى قصدك على الزجاجات اللى بتبقى شبه دى؟؟

قصى استيكر(ممكن تستخدمى القص واللصق بتاع أولادك عارفاه او لصق ورق) بشكل منحنى كما فى الصوره أو ممكن تعملى قلوووب او نجوم أو دوائر



الصقيه على الزجاجه



باستخدام الروله لونى الزجاجه بلون ابيض



اتركيها تجف وانزعى الاستيكر






منقوووووووووول


بصى بقى ممكن تحطى فيها ورد مجفف أو خرز ألوان فوق بعض أو عدس وأرز وبقوليات فوق بعض هتدى شكل حلو اوى وتحطيها فى اى مكان حسب محتويات الزجاجة.


ماتنسووووووووووووش تقيموا الموضوع فوق على الشمال

[n.e.h.e.a]

بصووووووووووووووووووا بقى اللى هلاقيها بتتفسح فى طرقات المنتدى ومش راضية تدخل وتشارك فى موضوعى هأقبض عليها بالقوة وأحطها فى صندوق البيكيا لغاية ماحد ييجى ويحررها
إنتوا أحرار وذنبكوا على جنبكوا وقد أعذر من أنذر
هاهاهاهاهاهاهاى

[rehabasem]

انا بقى عندى الاطباق الفوم بمختلف مقاستها

[00star]

انا عندى علب لبن اطفال المعدنية

[توتا توتا]

انا عندي ازايز الشامبوا
غير كده انا نفسي كل وصفه بصورتها

[n.e.h.e.a]

بصى ياتوتا توتا فى حاجات مش بأقدر أدعمها بالصور علشان بتبقى تصورى انا
بس أوعدك هأحاول لو اقدر أدور لها عن صور وأحطها

[ام اربعه واربعين]

طيب الون الزجاجات ده ازاى وبإيه

[n.e.h.e.a]

بصى ياقمر
أنا مش هأكدب عليكى انا مش عارفة إيه هوة نوع الالوان؟
لان الموضوع منقوووووووول
بس انا هأحاول أسال وأرد عليكى

[ام اربعه واربعين]

مفيش مشكله
وانا هنتظر ردك عليا

[بنوته شقيه@@]

انا عندي الكرتون اللي بيجي فيه البيض

وعندي احزمه كتير ما ابغاها

وبس

[n.e.h.e.a]

بنوتة شقية:
بصى أنا مش عارفة عندك فى السعودية كرتون اللى بيجى فيه البيض شكله إيه؟
زى عندنا و ألا مختلف؟!
على العموم لو كان الكرتون دة كبير زى عندنا فى مصر قصى الزيادة يعنى يبقى مكان 9بيضات 3بالطول و3بالعرض علشان يبقى شكلها مربع.
بعد كدة تلونيه بألوان مائية من برة وجوة ممكن لون بنى غامق
هاتى شوية قش لو مفيش يبقى فايبر أو قطن وحطيه فوقه كأنه عش عصافير
لوعندك عصفور لعبة مستهلك أو أى لعبة مستهلكة أرنب صفير إلصقيه فوقه وحطيه ديكور فى مطبخك
أو ممكن تجيبى 9 كور بينج بونج مش محتاجاها ولونيها بالوان جذابة وارسمى عليها وجوه ضاحكة وإلصقيها فى الكرتونة وحطيها ديكور هتدى شكل حلو أوى فى المطبخ.

-أما الاحزمة لو كان من الخرز خدى الخرز دة وفكيه واستفيدى بيه فى إستخدامه فى أى حاجة تانية أو تعملى منه عقود واكسسوارات أو تجددى بيه أى بديهات أو تجددى ملابسك بالتطريز.
-أما لو كان جلد أو قماش حاولى تجددى من شكله بتغير الاكسسوارات اللى فيه واستبدالها باكسسورات جديدة تجدد شكلها
أو ممكن لو عندك بنطلون جينز قديم تعملى شنطة وتحطى الحزام دة زى كدة او تعمليه يد للشنطة كمان

ياريت تكون الافكار عجبتك

[بنوته شقيه@@]

n.e.h.e.a

والله افكار تجنن ماشاء الله عليكي

يعطيك الف عافيه يارب...واعتقد الا كرتون البيض عندنا زي عندكم ..لانه فهمت عليكي لما شرحتيلي

يسلمووووووو
وما ننحرم من افكارك يا عسوووله