[هلوس]

فكرة حلوة تسلم الايادى

[n.e.h.e.a]

تسلميللى يا هلوس
ياريت كل اللى يدخل يقيم الموضوع

[توتا توتا]

شكرا علي اهتمامك وافكار جميله وشنطه الجينز روعه

[القطه]

برافو عليكى يا حبيبتى فكره رائعه
وفعلا جديده جديده برافوا عليكى
انا فعلا عندى نفس مشكله جراكن الصابون
واستفدت من افكارك ميرسى
اما علب الكريم بتنفع انى لما اعمل تركيبه احطها فيها
وعلب الكانز كمان ميرسى ليكى يا حبيبتى فعلا رائع وجديد

[القطه]

اسفه نسيت اقيم الموضوع قلت لازم ارجع
وانا قيمت الموضوع طبعا ولانه عاجبنى
فقلت ممتاز اوووووووووووى
كان نفسى يكون فى 50 اوووووووووى
لانه زى ماقلت جديد ومبتكر مشكوره
على افكارك الجميله يا حبيبتى

[n.e.h.e.a]

اما علب الكريم بتنفع انى لما اعمل تركيبه احطها فيها

أولاً :- أنا والله مش عارفة أرد عليكى بإيه على ذوقك دة، وعلى فكرة أنا بأمووووووووووووووووووت فى القطط علشان كدة أنا بأحب إسمك أوى.
ثانياً :- أنا عاوزاكى توضحى معنى الجملة اللى فوق علشان أنا مش فاهماها أوى علشان الكل يستفيد
* تركيبات زى إيه يعنى يا قمر؟؟

[n.e.h.e.a]

انا عندي الكرتون اللي بيجي فيه البيض

بنوتة شقية أنا لقيت شوية صور لاستخدام كرتون البيض فحبيت أدعم الموضوع

منقــــــول (والبركة فى سوسو)

http://images.google.com/url?q=http:...emmB3-OGqCCKPw

[القطه]

أولاً :- أنا والله مش عارفة أرد عليكى بإيه على ذوقك دة، وعلى فكرة أنا بأمووووووووووووووووووت فى القطط علشان كدة أنا بأحب إسمك أوى.
ثانياً :- أنا عاوزاكى توضحى معنى الجملة اللى فوق علشان أنا مش فاهماها أوى علشان الكل يستفيد
* تركيبات زى إيه يعنى يا قمر؟؟

بصى يا ستى يلى ماعرفش اسمك وكله حرووووف
ههههههههه هاقولك
احنا هنا مش بعض البنات بيقولوا خلطات ووصفات للتجميل
والتفتيح وما الى ذلك انا لما العلب عندى بتفضى بحفظ فيها الخلطات دى
او الوصفات دى واستعملها
وكمان علب الشامبو والشاور جل لما بتخلص مش برميها الا لو مكسوره
لو سليمه بشيلها وساعات او احيانا اجيب علب شاور جل او شامبوا حجم عائلى
اقوم افرغ منها فى زجاجات الشامبو الصغيره عشان تبقى سهله الاستخدام
ومتبقاش تقيله على الاولاد وعلينا فى الاستحمام
بس ايه رايك دامت محبتنا فى الله

[n.e.h.e.a]

تسلميللى يا قطة
أنا ممكن تقوليلى نانا أو نوجا بلاش الاسم اللى كله حرووووووف

[قطرة مطر]

بسم الله الرحمن الرحيم
عجبنى موضوعك قوى قوى لان لو احنا خدنا بالنا ان المجتمع العربى مجتمع مستهلك من الدرجة الاولى وانا عندى بعض الافكار اتمنى انها تفيد اى فتكوته
اولا : علب الجيل او الكريم البلاستيك
تجيبى اى جيل خاص بتنظيف الحمام وتحطيه فى علب الجيل هذه وقبلها تخرميها بالدبوس اخرام كثيرة وبعدين تحطيها فى السيفون هاتريحك جدا لان الجيل مش هايسمح للاوساخ انها تلصق فى الحمام ابدا المهم ان يكون الجيل ثقيل حتى لا يتصرف كله فى الحمام مرة واحدة

ثانيا: الايشربات
ممكن تستخدميها كمفارش لو اضفتى ليها كنار زى الى موجود فى الستائر او انكتخيطى حتى لو على ايدك ايشاربين مع بعض يكون الوانهم متناسقة وتعمليهم مفرش وانت واختيلرك للموديل مكشكش او تقصى كل واحد من النصف على شكل مثلث ويكون عندك مفرشين
او ممكن تعمليهم كيس للخداديات الصغيرة مع اضافة بعض الخرز الملون
ممكن لو عندك اولاد تعمليلهم منها غطاء للمقلمة او المكتب بعض اضافة الوان ورسومات اطفال بس ده للايشاربات السادة

ثالثا
علب الكنز
ممكن حصالة للاولاد مع بعض الرسومات
ممكن مقلمة جميلة برسومات جميلة
ممكن تكون علبة تحفظى فيها مكعبات مرقة الدجاج فى الثلاجة
معلش مضرة اقوم لان ابنى يبكى وان شاء الله لى عودة وباقى الافكار

[om adam]

جزاكى الله خيرا يا نانا ..أنتى عبقرية
فكرتك مفيدة جدا وكمان طلعت افكار أخوتنا وحبايبنا كلهم وشجعتهم ..
أتمنى أن موضوعك يتثبت نظرا لأفادته وكمان مجهودك الخاص
أنا بقه عندى أعزكم الله سابوهات وشوزات قديمة

[n.e.h.e.a]

ثانيا: الايشربات
ممكن تستخدميها كمفارش لو اضفتى ليها كنار زى الى موجود فى الستائر او انكتخيطى حتى لو على ايدك ايشاربين مع بعض يكون الوانهم متناسقة وتعمليهم مفرش وانت واختيلرك للموديل مكشكش او تقصى كل واحد من النصف على شكل مثلث ويكون عندك مفرشين
او ممكن تعمليهم كيس للخداديات الصغيرة مع اضافة بعض الخرز الملون
ممكن لو عندك اولاد تعمليلهم منها غطاء للمقلمة او المكتب بعض اضافة الوان ورسومات اطفال بس ده للايشاربات السادة

أول حاجة شكراً على ذوقك المتناهى ياقمر
وشكراً على أفكارك الرائعة ويسعدنى دايماً إنك تضيفى لمساتك وأفكارك الحلوة دى على موضوعى ومستنية منك افكار جديدة وتشاركى معايا لو عندك أى ردود على الفتكوات اللى عندها حاجات غير مستغلة
وميرسى ليكى على فكرة الايشاربات لأنى كنت بجد نسيت أرد عليها
كمان ممكن لو الايشاب خفيف قوى ممكن تخيطى طبقة من قماش سادة على الظهر وتحطى فى المنتصف الاسفنج اللى بيبقى رفيع قوى زى اللى بيبقى فى تجليد كتاب أو ألبوم صور
او وزعى طبقة فايبر خفيفة جداً جداً وتخيطى عليها بالطول والعرض مائل أو لو مرسوم على الايشارب ورود مثلاً خيطى على الشكل أو الرسم اللى عليه علشان تثبتيها وتعطى شكل مجسم للرسمة اللى عليها.
لو حد مفهمش قصدى يسأل عن اللى عاوزه
وماتنسوش تقيموا الموضوع دة غير الاستفتاء يا جماعة.

[n.e.h.e.a]

أم آدم
جزاكى الله خيراً
أما بالنسبة للصابوهات
1- ممكن لو الجلد (الوجه)بحالته وإنت بتحبيه ومش عاوزة ترميه ممكن توديه لمحل تصليح الشوز ممكن يركب نعل بالشكل والارتفاع اللى انت عاوزاه لوتكلفته أوفر كتير من إنك تشترى جديد أما لوغالى بلاش.
2- ممكن تجيبى الجلد(الوجه) وتفكيه عن النعل ولمعيه كويس وتستخدميه فى عمل ميدالية مثلاً (إزاى بقى؟؟؟؟) هأقولك
- قصى الجلد على هيئة قلب صغير وقصى واحد كمان نفس الشكل
- إثقبى حوالين الشكل ثقوب صغيرة قوى ماشى!
هاتى بقى حتة جلد وإعمليها زى شريط رفيع يعنى حتة مستطيلة رفيعة وطويلة ومرريها فى الثقوب دى كأنك بتخيطى مخدة(القلبين فوق بعض) وقبل ما تقفلى للاخر هاتى شوية فايبر وإحشيها وإعملى حلقة من الجلد خيطيه من القاعدة العريضة بتاعة القلب -علشان هتحطى فيها حلقة معدن اللى فيها المفاتيح- وكملى قفلها.
هتدى شكل حلو قوى بعدين لوعندك المسدس اللى بيحرق الجلد إكتبى عليها حرفين أو إسمك وإسم جوزك كل واحد من وجه(معايا وألا توهتك؟)
لو مفيش المسدس قصى الحرف من الجلد وخيطى كل حرف على ناحية بس قبل ما تخيطى القلبين خالص مع بعض.
3- أما بقى لو الصابوه قماش او خيش وزهقتى من شكله وبس فقومى بتطريزه بالخرز ويا سلام لو قواقع بقى وروحى صيفى بيه على طول ينفع للبلاج.

ما تنسوووووووووووش تقيموا الموضوع والاستفتاء كمان

[fati miss algeria]

السلام عليكم....اولا شكرا جزيلا على الموضوع المميز...
و انا ح اشارك معاكم....انا مافهمتش طريقة السيديهات...و انا عندي ورود جافة
قديمة...كانت هدايا من عند صديقاتي و اريد الاحتفاظ بيها...اتمنى اللي عندها فكرة تقولي عليها...

[n.e.h.e.a]

fati_reb
أنا أسفة جداً إنى إتأخرت فى الرد عليكى النت كان ممل عندى قوى وبيقطع
بصى ياقمر بالنسبة للورد المجفف دة ملوش عندى غير حل واحد يخليكى تحافظى عليه:-
خدى الورد دة ووديه لأى واحد بتاع براويز كويس يحطه فى تابلوه شيك بسيط قوى (يفضل اللى بيبقى كله زجاج من غيرإطار خشب او إطار سيمبل أوى) بعد ما ينسقه بطريقة حلوة وأنت واقفة معاه علشان تحطى لمستك (ممكن إنت تحطيه بطريقتك) وتحطى كام عود إستيك(دولسى) بالطول والعرض أو شوية قش بطريقة عشوائية كأنك ترسمى فازة أو أى قاعدة للورد دة وبكدة هيديكى تابلوه حلو أوى والخلفية إعمليها من الستان أو القطيفة الإسود هيبقى تحفة.
أما السيديهات هأبقى احاول أوضحها أكتر

[fati miss algeria]

ربي يخليك حبيبتي...افكارك هااااايلة فعلا...
انا افضل اعملها وحدي...
مشكورة اختي و جازاك الله كل خير

[emyemz]

فكرة جميلة اوى وانا كمان عندى كلمن ماء مخروم ومش عارفة اعمل بية اية ياريت تساعدونى

[n.e.h.e.a]

emyemz
معلش ياقمر ممكن تقوليلى الكولمان دة أد إيه كبير قوى وألا صغير كام لتر أو حجم أد إيه ممكن تمثليه إرتفاع وعرضه أد إيه مثلاًً