[n.e.h.e.a]

davidmn
الظاهر إنه فيه مشكلة فى أول مشاركة ليكى
ياريت بعد ما تحليها تعاودى الإشتراك معانا

[fishs]

الموضوع ده جميل جدا ورائع يانوجة انا اول مرة اشوفه مع انه من فترة طويلة لكن كويس اني لقيته لان انا كل البيكيا دي عندي منها واستفدت كتير من افكاركم ليه وهاحاول اجرب واللي ينفع معايا هاقولك عايه بس يارب تطلع حلوة ومن ضمن البيكيا ماقلتيش عليها حاجة برطمانات المربى والصلصة ياريت بدل مانرميهم بلاقي حاجة ليهم مفيدةلان عندي منهم كتير جداوتسلم ايديكي وايد كل فتوكة ساهمت بفكرة

[زوزو الهلالي]

بجد بجد موضوع رائع تسلمي حبيبتي على فكرته وتسلمي على افكارك الجميلة الرائعة
كان عندي جركن كبير بتاع زيت عربيات لقيت الجيران راميينه قمت اخدته بعد ان استأذنتهم وقطعت رقبته وطليته بالبوية البيضاء على كام مرة علشان اللون يتقل وبعدين عجنت اسمنت ابيض وجبس ووضعتهم داخله وزرعت في الوسط اسطوانة طويلة بيرميها محل تصوير المستندات تحت بيتنا وفي داخلها سلك كهرباء طويل شوية وتركتها تجف وبعدين جيبت زرع صناعي عبارة عن بوكيهات خضراء كلها متناسقة وفي الاسفل بوكيهات من الزرع اللي اصلا بينزل على الجدران وغطيتها كلها الاسطوانة والقاعدة بحيث ميبنش تحت الزرع ايه ولا الجركن اصلا باين ولا الاسطوانة وعملت في اول السلك داخل الشجرة دويل ولمبة وفي اخر السلك فيشة وفي النهاية بقت شجرة كثيفة وبداخلها نور بيزيد جمالها
نسيت اقولكم الزرع كله كان معلق في بيت النور في السقف عندي وحبيت اغير الديكور وشيلته وغسلته واستفدت بيه
نسيت ايضا انا اللي بيضت وغيرت الديكور بنفسي وعملتها مفجأة لزوجي عند رجوعه من العمرة لقاني انا كمان كنت عاملة عمرة بس شكل تاني هههههه

[fati miss algeria]

بارك الله فيك يا اختي

[امانى حسن]

بسم الله الرحمن الرحيم موضوع من اروع اروع المواضيع التى تابعتها فى الموقع انا قيمتةممتاز جدا

[n.e.h.e.a]

أنا آسفة جداً
كان نفسى أرد على كل فتوكة واحدة واحدة
بس انا تعبانة اوى النهاردة ومش مركزة أرد خااااااااااااااالص
بس أوعدكوا هأرد عليكوا بكرة إن شاء الله يا أحلى فتكوات فى الدنيا

[om adam]

شكرا يا نانا على الأفكار الرائعة واسفة على تأخيرى بالرد على رسالتك .انا عجبتنى اوى الأفكار وخصوصا فكرة لصق قواقع لتغيير شكل الصابو بس ممكن نضع ايه كمان غير القواقع .يا ريت يا نانا يكون عندك حل للشنطة الى لسة شرياها من اسبوعان هى لونها بيج فاتح خرجت بيها كام مرة لاقيتها عليها علامات غامقه افتكرتها تراب او اتوسخت حاولت انظفها بماء ما فبش فايده هى جلدها مكرمش كده وغاليه مش عارفة عملت ليه كده

[n.e.h.e.a]

بجد بجد موضوع روعة
انتى فعلا فتوكة ممتازة
اما عن صندوق البكيا بتاعى فيه
بواقى اقمشة -طرح -اكياس بلاستيك كتيييييييييييييييير

أنا لقيت الفكرة الجنان دى فى قسم الأعمال اليدوية بتاعنا كتبته "مشمشة2006"

منقوووووووووووووووول للإفادة،،،

[fati miss algeria]

فكرة هايلة...
بارك الله فيكم....انتي يا نانا ومشمشة

[n.e.h.e.a]

fishs

أنا آسفة جداً على التأخير
بس أنا عاوزة أقولك أن دى والله ثالث مرة أكتب الرد على موضوعك لوحده وبأبقى خلاص بأعمل إعتمدى المشاركة وبعدين النت يفصل فتضيع كل حاجة كتبتها مش إنت بس دى فيه فتكوات تانية زى ام آدم و زوزو وتانييين كتير بأبقى خلاص كتبت الرد والنت يفصل علشان كدة بقالى إسبوع مش عارفة أشارك فى المنتدى خالص غير كام مشاركة قصيرة
المهم إن شاء الله هأرد عليكوا النهاردة بس يارب النت يشتغل حلو

[n.e.h.e.a]

الموضوع ده جميل جدا ورائع يانوجة انا اول مرة اشوفه مع انه من فترة طويلة لكن كويس اني لقيته لان انا كل البيكيا دي عندي منها واستفدت كتير من افكاركم ليه وهاحاول اجرب واللي ينفع معايا هاقولك عايه بس يارب تطلع حلوة ومن ضمن البيكيا ماقلتيش عليها حاجة برطمانات المربى والصلصة ياريت بدل مانرميهم بلاقي حاجة ليهم مفيدةلان عندي منهم كتير جدا وتسلم ايديكي وايد كل فتوكة ساهمت بفكرة

للمرة الرابعة هأحاول أرد عليكى بصى احسن حاجة إنك تستخدميها لحفظ التوابل والشاى والسكر.....

الأدوات:- هاتى برطمانات + ألوان للرسم على الزجاج كفاية لونين وأنبوبة لرسم الشكل + سبرتو وقطن تنظيف الأذن للتنظيف

هاتى ورقة وإرسمى عليها شكل بسيط ممكن ورود وإعمليها شكل إسطوانة أو قرطاس علشان تدخل فى البرطمان بسهولة




ياللا بقى حددى الشكل على البرطمان بالأنبوب بتاع التحديد وبعدين
لونى بالأحمر والأخضر مثلاً ونظفى الزيادات بالسبرتو



منقووووووووووووول

[n.e.h.e.a]

بجد بجد موضوع رائع تسلمي حبيبتي على فكرته وتسلمي على افكارك الجميلة الرائعة
كان عندي جركن كبير بتاع زيت عربيات لقيت الجيران راميينه قمت اخدته بعد ان استأذنتهم وقطعت رقبته وطليته بالبوية البيضاء على كام مرة علشان اللون يتقل وبعدين عجنت اسمنت ابيض وجبس ووضعتهم داخله وزرعت في الوسط اسطوانة طويلة بيرميها محل تصوير المستندات تحت بيتنا وفي داخلها سلك كهرباء طويل شوية وتركتها تجف وبعدين جيبت زرع صناعي عبارة عن بوكيهات خضراء كلها متناسقة وفي الاسفل بوكيهات من الزرع اللي اصلا بينزل على الجدران وغطيتها كلها الاسطوانة والقاعدة بحيث ميبنش تحت الزرع ايه ولا الجركن اصلا باين ولا الاسطوانة وعملت في اول السلك داخل الشجرة دويل ولمبة وفي اخر السلك فيشة وفي النهاية بقت شجرة كثيفة وبداخلها نور بيزيد جمالها
نسيت اقولكم الزرع كله كان معلق في بيت النور في السقف عندي وحبيت اغير الديكور وشيلته وغسلته واستفدت بيه
نسيت ايضا انا اللي بيضت وغيرت الديكور بنفسي وعملتها مفجأة لزوجي عند رجوعه من العمرة لقاني انا كمان كنت عاملة عمرة بس شكل تاني هههههه

أولاً:- تسلم إيديكى على الفكرة الهايلة دى كمان ممكن للى عاوز ينفذها يستبدل اسطوانة بتاعة محل تصوير المستندات بماسورة بلاستيك ممكن تجيبيها من محل الأدوات الصحية.
تانى حاجة :- بأشكرك على ذوقك وتسلميلى ومستنية دايماً افكارك الهايلة فى موضوعى.

[n.e.h.e.a]

بارك الله فيك يا اختي

جزاكى الله خير وتسلمى

[n.e.h.e.a]

بسم الله الرحمن الرحيم موضوع من اروع اروع المواضيع التى تابعتها فى الموقع انا قيمتةممتاز جدا

ربنا يخليكى وتسلمى ياقمر

[مدام سمر]

موضوعك جميييييييييل

[n.e.h.e.a]

فكرة هايلة...
بارك الله فيكم....انتي يا نانا ومشمشة

تسلمى يا قمر

[n.e.h.e.a]

موضوعك جميييييييييل

مشكورة يا سمر

[دودش طة]

انا عندى كرتونة ثلاجة وبوتاجاز والفير الابيض بتاعها اعمل فيهم اية