أى حاجة قديمة مش للبييييييييييييييييع؟؟؟؟!!!!!!

n.e.h.e.a · #**101** 3-9-2008

الحمد لله إن الموضوع عجبك وإستفدتى منه
وكل عام وإنت بخير يا أم وليد

dr_mishmisha · #**102** 3-9-2008

الموضوع جااااااااااااااااااااااااااااااااااااااااامد
و انا من هواة جمع الزبالة و اعمل من الفسيخ شربات زي ما بيقولوا

البيكيا هي العلب الكرتون بتاعت مسحوق الغسيل الاوتوماتيك

ستتحول الى ملف لحفظ المجلات أو الدوسيهات او الاوراق المهمة
ببساطة قصي زي اللي موجود في الصورة بواسطة CUTTER (كتر)

و غلفيها بأي ورق هدايا او قماش الهدايا الجميل و بطنيها من الداخل بواسطة ورق سادة و غراء ابيض او صمغ جامد شويه

و ممكن تزينيها من الخارج بشريط ساتان لو مغلفة بقماش او ممكن شريط لحام(شيكرتون المستخدم في الاعمال الكهربية) الزقيه على الاحرف المقطوعة لإخفائها

ملاحظة :
ازاي انزل صورة في الموضوع من جهازي؟؟

n.e.h.e.a · #**103** 3-9-2008

dr_mishmisha
أعتقد إن مشكلة إدارج الصور إتحلت خلاص لأنك منزلة صورة
وتسلم إيدك على الفكرة الحلوة
ومستنية مشاركتك على الموضوع
مستية تعملى من الفسيخ شربات ياقمر OK

ketty · #**104** 6-9-2008

موضوع رائع فعلا ومفيد جزاكى الله خيرا على افكارك يا نانا وجعله الله فى ميزان حسناتك
انا عجبتنى افكار كتير مع انى بصراحه كنت بشيل البرطمانات والعلب والحاجات دى بس فجأة لاقيت عندى كميه كبيرة حصلتلى خنقة رحت رميت كل حاجه وبقيت برمى اى حاجه مش محتاجاها اول بأول عشان بكره الكركبه
ده ما يمنعش انى لو دورت اكيد هلاقى عشان الكراكيب مبتخلصش

n.e.h.e.a · #**105** 7-9-2008

ketty
تسلمى ياقمر، وجزاكى الله خير

dr_mishmisha · #**106** 11-9-2008

المشاركة الأصلية كتبت بواسطة n.e.h.e.a

أولاً:- جراكن الصابون السايل

- ممكن تقطعى الجزء اللى فوق بس مش جزء كبير يعنى تخلى الإيد بتاعت الجركن
وبعدين جيبى شوية غراء أبيض أو مسدس شمع وإلصقى عليه حبات فاصوليا و أرز و عدس أصفر وبجبة وذرة بشكل متناسق هتديكى شكل حلو ممكن ترسمى شكل وردة بالغراء وتحطى فوقه عدس أصفر هتبقى شكل زهرة عباد الشمس وباقى الجركن الصقى عليه اى لون تانى ارز مثلاً.
وبكدة تقدرى تستخدميها إنك تحطى فيها الملاعق الخشب فى المطبخ.
أو ممكن يبقى أصيص زرع تحطيه فى البلكونة أو قدام الباب بعد ما تضيفى عليه شكل جمالى ممكن تلصقى عليه نشارة الخشب أو قواقع أو أى حاجة حسب ذوقك بنفس الطريقة اللى فاتت

رجاء :- ياريت كل واحدة تدخل تقييم الموضوع

الفكرة حلوة بس احب اضيف انك تدهني عليها (فلوت) بعد ما تلزقي حبوب البقول علشان ما تسوسش (تصاب بالسوس) او ممكن الغراء الشفاف
و تسلم ايدك يا جميل

n.e.h.e.a · #**107** 11-9-2008

يعنى إيه فلوت؟؟ وبنجيبوا منين؟؟؟

samar-y · #**108** 11-9-2008

الموضوع هايل ومفيد جدا والافكار حلوة اوي

n.e.h.e.a · #**109** 14-9-2008

ميرسى ليكى يا سمر

dr_mishmisha · #**110** 22-9-2008

الفلوت هو دهان شفاف يعطي لمعة و في نفس الوقت طبقة حماية ، يستخدم في دهان الاخشاب
و ممكن تشتريه من محلات البويات

قريب قوي من فكرة مقوي الاظافر
بالمناسبة ممكن تستعملي مقوي الاظافر في دهان الاكسسوار ذو اللون الذهبي علشان يقعد أطول فترة ممكنة بلونه الاصلي قبل ما يسود

n.e.h.e.a · #**111** 22-9-2008

ميرسى ليكى يا د. مشمشة

n.e.h.e.a · #**112** 9-10-2008

إيه يا فتكوات
إنتوا نسيتوا موضوعى وألا إيه
محدش عنده أى بيكيا وألا إيه؟؟!!!!!!!!!

n.e.h.e.a · #**113** 9-10-2008

المشاركة الأصلية كتبت بواسطة om adam

شكرا يا نانا على الأفكار الرائعة واسفة على تأخيرى بالرد على رسالتك .انا عجبتنى اوى الأفكار وخصوصا فكرة لصق قواقع لتغيير شكل الصابو بس ممكن نضع ايه كمان غير القواقع .يا ريت يا نانا يكون عندك حل للشنطة الى لسة شرياها من اسبوعان هى لونها بيج فاتح خرجت بيها كام مرة لاقيتها عليها علامات غامقه افتكرتها تراب او اتوسخت حاولت انظفها بماء ما فبش فايده هى جلدها مكرمش كده وغاليه مش عارفة عملت ليه كده

أولاً انا آسفة يا ام آدم لأنى كنت نسيت أرد عليكى من كتر الأسئلة اللى كانت موجودة فى الفترة وأنا إكتشفت صدفة إنى للأسف ماردتش عليكى

أول حاجة ياريت لو الشنطة دى جايباها من محل ليه سُمعتًه وإنت إستخدمتيها كويس حاولى ترجعى للمحل وتبدليها أو تستردى فلوسك انا حصل مع صحبتى قبل كدة ورجعتها بعد أكثر من شهر لانها كانت غالية والجلد بتاعها طلع مش كويس فمن حقها تسترد الفلوس

لو منفعش، مش عارفة يمكن لوكانت قماش كان الموضوع هيبقى سهل أوى إنك تضيفى أى تطريز أو أشكال وإكسسوارات

اما الجلد فى جلد ينفع تطرزيه وفيه أنواع صعب تطرزيها لأنه بيتقطع لو دخًلتى فيه الإبرة

أنت ممكن تجيبى إبرة تطريز رفيعة وتجربى فى الجزء الداخلى اللى جنب السوستة لو لقيتى الجلد بيتقطع أو بيقشر يبقى بلاش تطريز

nehalnone · #**114** 10-10-2008

موضوع تحفه بجد ياريت كل الموضيع بالحلاوه دى

موجة شقية · #**115** 10-10-2008

علب الكريم

ممكن تقصي قطعة اسفنج على قد العلبة

وتغرقيها اسيتون
وتعملى فتحة بالمقص في وسط السفنجة

ولما تيجي تشيلي المانيكير هتحطى صباعك وتلفيه داخل الاسفنجة هيتشال المانيكير بسهولة

موجة شقية · #**116** 10-10-2008

علب الكريم

ممكن تقصي قطعة اسفنج على قد العلبة

وتغرقيها اسيتون
وتعملى فتحة بالمقص في وسط السفنجة

ولما تيجي تشيلي المانيكير هتحطى صباعك وتلفيه داخل الاسفنجة هيتشال المانيكير بسهولة

فتوكة 1 · #**117** 11-10-2008

أفكارك كتير حلوة
بس أنا مش قادرة أقرا كل حاجة دلوقتي
حبقي ادخل تاني

حبيبه ستار · #**118** 11-10-2008

موضوع رائع جدددددددددددددددددددددددددددددددا

باحثه عن السعاده · #**119** 11-10-2008

موضوع جميل جدا
ياريت يستمر في التميز