[dr.anog]

ناس كتير طلبت منى طريقة التقشير الكيميائى قلت احطها فى موضوع عام عشان كتير يستفيدوا.... ده خلاصة خبرتى مع الحبوب من سن 13 و شغلى طبعا و روشتات الدكاترة اللى صرفتها
اشترى من الصيدلية الحاجات دى
من اليمين
- بيتاديرم كريم (مش المرهم) الانبوبة ب 2.5جنية >>للحساسية
- يونى تون فور (unitone-4 ) العادى ب من 46 جنية>>للتفتيح
- ليوكوسيد-ار ( Lucocid-R ) ب 4.5 جنية >>للتقشير
دى ارخص بدايل موجودة فى حاجات تانية بتقوم بنفس المفعول بس اغلى و الدكاترة بيكتبوها مجاملة للشركات مش اكتر

[dr.anog]

قبل اى حاجة لازم تكون البشرة خالية من اى حبوب او دمامل و ده يكون باستخدام الفيوسيدين كريم و ماسك العسل و اللمون يوم بعد يوم اللهم بلغت اللهم فاشهد......
اولا: الكريمات تتحط على الوش بليل مرة مساءا اكرر مساءا فقط
تانيا:لازم و ضرورى تغسلى الصبح وشك و لازم تحطى صن بلوك
تالتا: المزيج ده يوضع فى الظلام يعنى اخرك اضاءة شاشة الكومبيوتر او التى فى
رابعا: اول ليلة سيبيه على وشك ربع ساعة و الليلة اللى بعدها زودى كمان ربع ساعة و اللى بعدها كمان ربع و هكذا لحد ما تسيبيه طول وقت النوم
اللى تحس بلسعان جامد تكتفى انها تحطه ربع ساعة بس لمدة اسبوع و الاسبوع التانى تزود ربع ساعة لحد ما البشرة تتعود

الطريقة :
فى كف ايدك تحطى من اليونى تون حاجة بسيطة مش كتير و بعدها الليوكوسيد اكتر شوية
و زيهم الاتنين بيتا ديرم(بنفس كميتهم مع بعض ) و تخلطيهم باصبعك و تبتدى تدهنى الاجزاء اللى فيها البقع فقط لا غير و ابعدى عن اى حبوب ....من تانى مرة هتلاحظى ان لون وشك بشكل عام بيتحسن
الخلطة دى اكتشفت ان دكاترة التجميل فى مستشفيلت التجميل بيحطوها فى عبوات فاضية عليها اسم المستشفى و تلاقى الجلسة اقل حاجة 100 جنية و تلاقيهم اربع جلسات فى الشهر يعنى 400 جنية
مع ان الحسبة اللى فوق تساوى 63 جنية و تكفيكى شهركامل
انا قلت افيدكم لان الكريمات دى خلصتنى من اكبر كابوس فى حياتى البقع اللى كانت مالية وشى
و بردو استمرى على ماسك العسل و اللمون اختراااااع مفيش منه
واللى تحس ان اللسعة جامدة ومش تقدر تستحملها (مع ان بشرتى حساسة و عادى اتحملتها ) تركن الليوكسيد و تكتفى مؤقتا بالاتنين الباقيين ....اهم حاجة لو خلص منك البيتا ديرم لازم تجيبيه و ما تحطيهمش خالص لغاية ما تشتريه
ربنا يوفق و اتمنى تحكولى على النتيجة

[soche]

تسلم ايدك يا قمر علي الموضوع الهايل دة

[HBEBT HBEBY]

موضوعك حلو وجربته قبل كدة بسالليكو سيد والبيتاديرم بس التفتيح لاء
بس انا سمعت من دكتور فالتى فى ان التقشير الكيمائى بيعمل تجاعيد للبشرة وعفكرة الليكوسيد ار بيعمل حرقاااااااااااااااان جامد جدا اخر حاجه فى بداله كريم اسمه تريتو سبوت ممكن يبقه اخف من الليكو سيد دة للناس اللى بشرتها حساسة بس بصراحه مرجحش التقشير الكيمائى التقشير الكريستالى احلى واامن وانضف ولكى جزيل الشكر

[dr.anog]

تسلم ايدك يا قمر علي الموضوع الهايل دة

العفو على ايه ...شكرا لمرورك

موضوعك حلو وجربته قبل كدة بسالليكو سيد والبيتاديرم بس التفتيح لاء
بس انا سمعت من دكتور فالتى فى ان التقشير الكيمائى بيعمل تجاعيد للبشرة وعفكرة الليكوسيد ار بيعمل حرقاااااااااااااااان جامد جدا اخر حاجه فى بداله كريم اسمه تريتو سبوت ممكن يبقه اخف من الليكو سيد دة للناس اللى بشرتها حساسة بس بصراحه مرجحش التقشير الكيمائى التقشير الكريستالى احلى واامن وانضف ولكى جزيل الشكر

بصى يا كوكو التجاعيد ممكن تكون من حاجات تانية كتير
واللى عندهم بقع من الحبوب دى ماساة انا عشتها عايزين يخلصوا منها اما التقشير الكريستالى انتى عارفه اد ايه مكلف و مش مضمون و كمان فين المكان اللى نروحه و نطمن انهم عندهم ضمير
اما بالنسبة للحرقان من الليوكوسيد فالبيتا ديرم محطوط مخصوص عشان كدا
و التدرج فى مدة الاستعمال بيقلل الحكاية دى كتير
شكرا لمرورك

[الدولفين]

موضوع رائع الف شكر ليكى

[ملكه زمانى**]

مشكووووووووووووووره على مجهودك

[tamtam89]

مشكوووووووووووورة ع الموضوع

[ليالى باكيه]

يا جماعه ليكوسيد ر دا بهدلى وشى ما حدش يشتريه والله العظيم بهدلى وشى وا

[dr.anog]

موضوع رائع الف شكر ليكى

و شكرا لمرورك

مشكووووووووووووووره على مجهودك

العفو وشكرا لمرورك

مشكوووووووووووورة ع الموضوع

العفو و شكرا لمرورك

يا جماعه ليكوسيد ر دا بهدلى وشى ما حدش يشتريه والله العظيم بهدلى وشى وا

اكيد يا نحمده ما استخدمتهوش صح
و الطريقة اللى كاتباها هى اللى تضمن ان الموضوع يكون بسيط و البيتا ديرم بيقلل الاثر
و انا قلت ان اللى ما تستحملوش تكتفى باليونى تون مع البيتا ديرم
شكرا لمرورك