[سولي]

السلام عليكم ورحمة الله وبركاته . عايزه احكيلكم على تجربتى الشخصيه مع النت عموما ومنتدى فتكات خصوصا . انا لما بدأت أتعامل مع النت كنت بمر بمرحله سيئة جدا فى حياتى وكان بداية الموضوع احباط وتضييع وقت يعنى كل أنواع اللخبطة كنت بأمر بها الى ان عرفت حاجه اسمها منتديات وخصوصا منتدى فتكات .انا هاابتدى واحكيلكم ازاى غيرلى حياتى بس عندى سؤال هل هذا الشعور كان عند حد من الفتكوات واللا انا بس|. انا عايزه احكيلكم بس بصراحه خايفه ازهقكم.

[حتة سكرة]

يابنتى تزهقى مين؟؟؟؟
احكى وتوكلى على الله
كلنا هنا اخوااااااااااااااااااااات وبنسمع بعض

[الزوجة الاولى]

لا متخافيش مش هنزهق بس احكى انتى بس
وعلى فكرة انا كمان اتغيرت جدا لما اشتركت فى فتكات

[أم هاشم وعبيد]

وانا كمان احب اسمع
هيا احكيها

[بيلندة]

حبيبة قلبي تزهقي مين
احنا كلنا اخوات في الله احكي وفضفضي

[katkootaya]

كلنا اذان صاغيه

احكي يا قمر

[crazy_tota]

يلاهوووووووووووووووووووووووووووي
نزهق منك دة احلي حاجة في المنتدي دة بجد جو العيلة واللمة الحلوة اللي فية

[nefertety]

المنتدي معمول اساساومن فوايده اننا نفضفض ونتكلم يعني هتشتكي لمن يعني
لواحنا ماسمعناكيش وتبقي ايه فايده المنتدي
انا كمان والله كنت حاسه بفراغ كبيرفي حياتي علي الرغم اني مليش في الكمبيوتر
والنت بس المنتدي شغلي جزء من وقت فراغي
احكي احكي ولا يهمك 000

[سولي]

ربنا يخليكو ليا وميحرمنيش منكم . انا هأقولكم على سر خطييييييييييير انا عندى ست أخوات بنات وبحبهم وبيحبونى أوى بس موش عارفه ليه ممكم أقولكم على حاجات مأقدرش أقولها لهم . أوى وده المهم علاقتى بجوزى اتغيرت الحمد لله للأفضل بس الحكايه ان أنا وقت مابدأت أدخل النت قبلها وبشعور الانثى حسيت ان فى الموضوع واحده بترسم على جوزى على فكرة وده المهم جوزى راجل ماشاء الله عليه ربنا يخليه ليا زى الفل أخلاق وتدين وفى منتهى الذوق والشياكة وده اللى بيطمع ستات كتير فيه لانه رقيق ومؤدب جدا . المهم انا فى هذا الفتره كنت متلخبطة جدا انا طبعا وبمنتهى الانفعال واجهته وواجهتها والحمد لله لحقت الموضوع من الأول وانا فى هذا الموضوع ليا ملحوظه وهو ان فى ستات كتير بتقول كلام نظريا حلو وجميل ولكن عمليا ماينفعش يعنى أعمل نفسى ماعرفتش يعنى اكون بتحرق من جوه ومابينش يعنى اسيبه لما يرجع لوحده فى ستات كتيير مزاج عندها تبص للراجل المستقر وزى ماتكون مستخسراه فى مراته وولاده المهم كانت تجربه بالنسبة لى قاسيه جدا وبصراحه من غير زعل كنت كل ماأقرا حاجه فى المنتدى الاقى كلام ناس رايقه دلعى جوزك قوليلوا كلمه حلوه انا ماكدبش عليكوا كنت مقهوره انه موش بيقولى كلام من اللى الستات كلها بتحب تسمعه مع انى من غير مبالغه الحمد لله وموش غرور والله الحمد لله مره اخرى عندى حاجات كتيره حلوه كواحدة ست تاس كتير بلاش أقول بتحسدى ولكن استخدم كلمه فصحى تغبطنى عليه موش احلى برضه من كلما حسد المهم كنت دايما منتظره هو يقولى كلام حلو بصراحه ممكن يكون غرور منى ولكن لما قعدت مع نفسى وقلت وليه للأ طيب ماأعمل زى البنات الفتكوات مابيقولوا أتعامل معاه على انه طفل ومحتاج الدلع ومحتاج يسمع كلام حلو وكفايه ان انا موجوده فى البيت طول النهار وماعليش الضغوط اللى عليه فى شغله وبصراحه انا عايزه أقولكم الحمد لله فى البدايه كنت اقوم بهذا الدور المطلوب منى أداء واجب واقول لنفسى طيب انا هاخسر ايه الحمد لله مخسرتش اولا لاقيت تفسى فعلا اى كلمه حلوه اقولها بتطلع من قلبى كنت طوال اليوم عامله له احاطه بشتى الطرق التى تتناسب مع طريقه شغله من تليفون لرساله على الموبايل الى رساله على الخاص بدون مايكون فيه ملل او خنقه بمعنى اصح المهم المفاجأه فى الموضوع انه هو كمان اتعود انه يسمعنى كلام جميل كنت محرومه منه وفعلا انا حاسه انه من قلبه بصراحه بصراحه بجد التجربه خير برهان .بس اعولى ربنا يكفيه شر المرض ويخليه لينا ويبارك لكم فى أزواجكم والى مش متجوزه يوعدها بزوج صالح يراعى ربنا فيه . ودى تجربتى معزوجى فى ظل وجودى وسطيكم. ربنا مايحرمنيش منكم فى حاجات تانيه كتير هابقى أقولكم عليها علشان أنا حاسه انى أثقلت عليكم . وعندى اقتراح ان واحده مرت بنفس الظروف تحكيلنا علشان نستفيد لان بصراحه الموضوعات المنقوله بحسها كاننا قاعدين فى برنامج تليفزيونى بنقول كلام جميل قوى لكن ملهوش اى علاقه بالواقع.ربنا يصلح حالنا جميعا

[nehad]

ربنا يخليكوا لبعض يارب
بس انا غيري حياتي بظروف مختلفه
انا لو كنت لوحدي كان زماني يا اتجننت او انتحرت من زماااااااااااااااااااااااااااااان
لاني مريت بظروف صعبه قوي بسبب مرضي ولسه فيها حتي الان
ولا مسانده الفتكوات الجدعه اوي كان زماني ضعت

[nehad]

[toto s]

عنجد خبريه حلوه
وهاي اول برهان انو النصايح اخدت مفعول كبير
مشكوره حبيبتي

[سولي]

الف سلامه عليكى يانهود وربنا يتم شفاكى ان شاء الله على خير ياحبيبتى. وان شاءالله فى ميزان حسناتك.

[Raniam_2010]

أنا برضه ياسولى استفدت كتيييييييير من فتكات
اتعرفت على بنات زى العسل
عرفت ازاى اتعامل مع الناس كل حسب شخصيته وطريقته
ربنا يشفيكى يانهاد ويعافيكى من كل سوء ياقمر

[سولي]

نهاد صباح الخير ياحبيبة قلبى . نهاد ياريت لو فى اى حاجه اقدر اساعدك فيها . انا موش عارفة وسائل الاتصال ازاى ببعض غير الخاص . انا على العموم ساكنه فى المعادى وتقريبا موجوده فى البيت طول النهار مافيش وراى اى حاجه غير شغل البيت العادى يعنى بجد انا تحت امرك فى اى وقت وبرضه ولا يهمك لو انتى موش ساكنه قريب منى انا معى سياره واقدر اجيلك فى اى مكان بس اؤمر انت ياجميل وربنا يعافيك ويشيل عنك ان شاء الله انت ومرضانا جميعا آميييييييين

[سولي]

الزوجه الأولى طب ايه رأيك ماتحكى انتى كمان ازاى النت غير حياتك وياريت يكون التغيير الى بيحصل لكل الفتكوات يكون للاحسن.

[سولي]

ايه رأيكم اكمل لكم باقى التغيير بصراحه انا فرحانه بنفسى اوىىىىىىى ربنا يديمها نعمه عليا يارب . انا بس عايزه اقولكم على حاجه انا ماكنتش وحشه قوى كده بس انا كنت مشغوله طول عمرى باهتماماتى الشخصيه من دراسه وشغل بجانب اولادى طبعا وعلشات اكون ادق اولادى اولا وبعدين الحاجات دى هى الدرجه الثانيه من الاهتمام . وبعدين فجأه لاقيت ولادى ماشاء الله كبروا ابنى فى الجامعه وبنوتى ان شاء الله تحصلوا وانا خلصت دراستى وتركت شغلى وزوجى طول النهار وجزء من الليل فى الشغل. علشان كده حصل نوع من عدم التوازن انا مااتعودتش اكون طول النهار فاضيه. المهم لاقيت نفسى عندى فراغ موش عارفه اعمل ايه لاغايه لما دخلت المنتدى. معلهش انا هاأقوم أحضر الفطور للأولادى وبعدين ارجع لكم تانى

[nehad]

كتر خيرك يا سولي بس انا من الاسكندريه
دي كفايه دعواتكم عندي بالدنيا

[ريري]

جميل يا سولى موضوعك..

ومش هاتصدقى لو قلت لك ان انا كمان حياتى بقيت اجمل مع فتكات

اول شىء اتعلمت انى اسيطر على اعصابى ولا استفز بسهوله

واتعامل بعقلانيه وهدوووووء مع اى استفزاز ..

وكمان احسن النيه فى كلام الشخص اللى امامى واجد له تبرير لافعاله لاتحمله

وديه اكبر نعمه ربنا انعمها عليّه من معاملاتى مع الفتوكات القمرات

وبرضه افكار الفتوكات الجميله نفعتنى كتير فى شتى نواحى الحياه

وخصوصا التجديد فى المعامله الزوجيه، واضفاء الجو الرومانسى اللى باحبه قوى

ومصاحبة ابنائى الصغار ، ده غير الاكلات العسل اللى باحب اجربها

بجد بجد ...(انا لولم اكن فتكات لوددت ان اكون فتكات)...

[سولي]

متشكره لكل الفتكوات الى نوروا الموضوع . ريرى انت دمك زى السكر .وفعلا انت قلتى حاجه مهمه جدا اضفاء الرومانسيه على حياتى واصبحت اهدأ من الأول مع انى اصلا عصبيه. بس انا ليا سؤال مهم ليه كلنا كفتكوات كان لينا تأثير جميل على بعض زى ماقلتى الهدوء الرومانسيه التجديد فى كل شىء حوالينا من بيت لانواع أكل لاهتمامك الشخص للمعامله مع أولادك والمحيطين بك عموما السؤال ليه مافيش التفاعل الجميل ده مع أخواتنا واقاربنا واصحابنا؟ ليه دايما التعامل مع الاشخاص الذين لايمتون لنا بصله مشوق ومرغوب فيه ؟انتى فهمانى ؟؟؟؟؟؟؟؟؟؟