[سولي]

اكمل لكم باقى الموضوع ولا زهقتوا؟ بس فعلا والله انا عايزه احكى علشان سببين ان انا فرحانه اوى بالتغيير اللى حصلى وثانيا ان لو فى حد بيمر بنفس ظروفى يستفاد من التجربه معلهش سامحونى ان الكلام مرتجل وباتكلم على سجيتى وده لانى انا باحس ان الكلام الى بيطلع من القلب وبيكون عن تجربه فعلا بيكون مقنع لان انا بصراحه زهقت قوى من كلمة منقوووووووووووووووووول باحس انه كلام للتصوير المهم نرجع لموضوعنا انا مثلا من الفراغ والاكتئاب اللى كنت فيه كنت انام لغايه الظهر واعتمدت على الشغاله اعتماد كلى لغاية لما فوقت من الغيبوبه الى كنت فيها على ان البيت اصبح قمه فى الاهمال على الرغم من وجود شغاله. المهم قريت فى المنتدى على الحديث الشريف الذى اشكت فيه للرسول من كثرة الواجبات المنزليه وانها فى حاجه لخادم ونصحها الرسول بان تقول قبل النوم سبان الله33 مره والحمد لله33 مره والله أكبر 34 وهذا هو خير خادم لها وفعلا والله هذا ماحدث عايزة أقولكم انا الحمد لله دلوقتى بأصحى من الساعه 6صباحا لغايه لما أنام بالليل الحمد لله قمة فى النشاط وتعالوا شوفوا دلوقتى البيت بأه شكله ايه فعى زى الفل نظام ونظافه وجو رومانسى والعطور والشموع ملية البيت والاهم من كل ده بعد ماكان جوزى كل مايجى يلاقينى نايمه الحمد بأكون فى انتظاره وانا فى قمة حيويتى . والحمد لله من قبل ومن بعد . وربنا يصلح حالنا جميعا آميييييييييييييييييين

[همس الحب]

ربنا يخليهولك يا حبليبتى ويكفيكو شر المرض اتنوا الاتنين وكملى احنا معاكى

[مريم خالد]

اولا انتى جميلة اوى وربنا يخليلك زوجك ويبارك فيكى وفية وانا زيك كان عندى مشكلة قبل دخولى المنتدى وهى لما بدخل اى منتدى تانى كان همى الاول والاخير هل الوقت اللى بضيعة دة حرام ولاحلال وربنا راضى فى الوقت اللى بيروح ولا لا لكن لما دخلت المنتدى دة اولا كلنا ستات والموضيع كلها حلال وجميلة طبخ فضفضة منتدى اسلامى وغيرة يعنى حاجة جميلة جدا اختى تقبلى مرورى واهلا بيكى اخت لينا كلنا

[اريج ونور وندى الجنة]

حبيبتى ربنا يديم عليكى نعمته يارب واحب ان اذكررك بقول ما شاء الله لا قوة اللا بالله حتى لا تحسدى نسك وحنا كمان كلنا لازم نقول ماشاء الله لا قوة اللا بالله
وربنا يسعدك يارب ويهنيكى
وانا برده كنت دايما زهقانة من بناتى والمساولية لان زوجى برده شغله بيخليه على طول بره البيت او فى البيت بيتكلم فى التليفون برده عن الشغل فكنت دايما مفتقداه الى جانب انى مش بعرف اخرج بسبب ان بناتى صغيرين وصعب اخرج بيهم لوحدى فبستنى لما يفضى ويخرجنى لكن المنتدى فعلا فادنى وكمان قدرت انى الاقى حاجة مفيدة اعملها لانى كنت بدخل على النت اجمع معلومات واستفيد بيها وخلاص اسجلها على جهازى لكن مع المنتدى قدرت استفيد وفيد واعمل اكلات جديدة وكمان
مابقاش زهقانة من غياب جوزى فعلا جزاكم الله كل الخير
ويارب يسعدنا جميعا يارب وسلامتك يا نهاد الف سلامة
نسال الله العظيم رب العرش العظيم ان يشفيكى يا حبيبتى اللهم امين

[سولي]

مريم ربنا يخليكى . انتى عارفه اقولك على حاجه بس ماتزعليش منى انا بصراحه بدأت أواظب على الصلاة بعد ماعرفت يعنى ايه نت . عارفه ليه لانى أحيانا كنت الاقى وحده من البنوتات الفتكوات بتخرج من الشات علشان تروح تصلى فأقول لنفسى عيب عليكى ياسولى قومى انتى كمان صلى والحمد لله ده من أحلى الحاجات اللى استفدتها من النت . وعلى فكرة انا كان عندى اصرار انى اظهر الجانب الايجابى فى استعمال النت لان كل حاجه فى الدنيا بيتحدد فائدتها على حسب استخدامك ليها. يعنى وانا موجوده على النت بافكر هل هذا الوقت على حساب شىء آخر لوكان الاجابه آه بسيب الجهاز على طول واقوم بالمهمه المطلوبه. وربنا يخلينا لبعض وننفع بعض فى الخير ان شاء الله.

[سولي]

انتى جميله اوى ياأريج. وربنا يخليليك بنوتاتك ويبارك لك فيهم.وهاقول زى ماقلتيلى ماشاءالله لقوة الا بالله. وربنا يحفظنا لنا أولادنا وأزواجنا آمين يارب العالمين.

[أم الصبيان]

هو ليه كل موضوع حلو فجأة بيقف...الموضوع اللى طرحته الأخت سولى جميل

وبيفتح نفس الواحد انه يتكلم ..
وأنا بافكر فعلا معاك..أنه ليه احنا مرتبطات ببعضنا أكتر لما يكون الاخر مجهول..

مش لاقية سبب محدد..بس ساعات بيكون حلو ان الواحد يحس إن الهم واحد والاهتمامات مشتركة..

وأنا فرحانة ليك ياسولى بجد..ومش حسد طبعا..بل غبطة..
ويارب كلنا نوصل لحالة سلام مع نفسنا أولا..وبعدين أزواجنا..