تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
عندي مشكله مع زوجي
هحاول اختصرها علي قد ما اقدر
انا متزوجه من 12 سنه زواج تقليدي
اول 6 سنوات كنت مقيمه في بيت اهله لارتباطه الشديد بهم رغم ان كان عندنا شقة واسعه وكامله من كل حاجه
قعدت في شقتي اول اسبوعين فقط بعدها بدأنا نقعد عند اهله بالثلاث شهور او اكثر واروح بيتي يومين او ثلاثة بالكثير انظف الشقه واملأ الثلاجة واستعد للاستقرار الاقيه عايز يروح لهم تاني ويقولي يعني هنقعد لوحدنا نعمل ايه تعالي نروح ومش هنطول وهنرجع تاني علي طول - وعلي طول دي تاخد لها 3 - 4 شهور ارجع بعدها بيتي انظفه وارمي اللي حاجات اللي جبتها في الثلاجة واجيب غيرها ونرجع لاهله تاني وهكذا حتي مرت 6 سنوات _ بعدها بدأت استقر في بيتي لان بنتي الكبري دخلت المدرسة وكنا مضطرين للجلوس في منزلنا لان مدرستها جنب البيت
المهم خلال ال 6 سنوات الاولي كنت عايشة في بيت اهله لا افرق شيء عن الخدامه
شغل طول النهار من اول ما اصحي لغايه ما انام للعائله كلها مع سماع الفاظ زي (ده مش معمول كويس - امسحي الارض تاني عدل - انتي لسه ماخلصتيش لغاية دلوقتي ليه معنكيش دم معندكيش احساس - واهانات اهانات )
ولما جيت اشتكي له كان يقولي هي طبعها كده ودي زي امك المفروض انك تسمعي كلامها وبس وما تزعليش منها لانها في مقام امك - يعني امك انتي لو عملت لي حاجة مش هزعل منها - واستحملت مش عارفة استحملت ازاي كأني كنت متنومة مغناطيسي
ومكانتش بترحمني عيانة مش عيانة - حامل ولا لسه والده - كويسه ولا عندي نزيف المهم انها تشوفني شغاله وخلاص
لغايه ما عظمي بدأ يوجعني بعد الزواج بحوالي 3 سنين
والله العظيم والله العظيم اني لما كنت اقلق وانا نايمة علشان اشد البطانية ما كنت اقدر اشدها بايدي من كتر الوجع وكنت اشدها بأسناني علشان اتغطي كويس
وكنت اصحي من النوم اخليها تفتح لي حنفيه الحوض علشان اغسل وشي يعني شايفة ان تعبانه قد ايه بعدها اخد المسكنات علشان اقدر اعمل شغل البيت وهي ولا علي بالها كل اللي كانت تقدر عليه تقول لي ربنا يشفيكي
قعدت علي كده سنتين كمان لغايه ما مفاصل صوابع ايدي بدأت تتشوه وتتعوج - لما شافت هي كده بدأت تتعدل وساعتها كان اول 6 سنين خلصو ورجعت اقعد في بيتي وبدأ عظمي يخف وصوابعي اتعدلت تاني وبقيت طبيعيه الحمد لله
وهي بقت مش عارفه تعمل لي ايه ولا ايه
بقت تجيب الخضار وتنضفه وتحطه في اكياس وتبعته لي ولو حصل وتعبت كانت تيجي تقعد معايا في بيتي وتخدمني يعني اتبدلت 180 درجه
المهم المشكله دلوقتي بعد 12 سنة ايه ؟
ان من كام شهر حصلت مشكله بيني وبين زوجي بسببها ماما كلمت زوجي في التليفون بصوت عالي ( من غير اهانه - من غير اي كلمه تجرحه)
وبناء علي ذلك قرر زوجي عدم الذهاب عند اهلي مرة اخري ومقاطعهم دلوقتي بقاله حوالي 3 شهور - ولو حد اتصل منهم يعمل نفسه مش سامع ويقفل السكه
وانا دلوقتي حالتي النفسية زي الزفت - عماله افتكر كل الظلم والاهانه اللي استحملتهم بسببه بعد ما كنت نسيت كل اللي فات - والكدب اللي كدبه عليه لما قال لي اننا لازم نستحمل امهات بعض - وهو طلع ما بيقبلش الهوا علي نفسه لكن انا اللي اللي فرطت في كرامتي وانسانيتي بعد ما كان الناس بيحسدوا ماما وبابا علي قوة شخصيتي وادبي وجمالي وتعليمي وعقلي
كل ده اتمسح لما اتجوزته ويا ريت لقيت مقابل في الاخر
انا من صدمتي فيه مش قادرة اتكلم معاه في حاجة - نازل عليه صمت رهيب في البيت وبرضه مش شايفه فايده من الكلام معاه - المفروض انه كان يحس من نفسه اني ما استاهلش المعامله دي - وهو شافني وحس ان في حاجة مضايقاني وسالني مالك قلت له مفيش
فكبر دماغه هو كمان وقعد يتكلم مع العيال وخلاص
مش عارفه اعمل ايه في دمي المحروق ده
وارجوكم بلاش تقولو لي اصبري او كبري دماغك
الكلام ده سهل قوي قوله لكن صعب تنفيذه
قولو لي لو كنتو مكاني هتعملو ايه
يا حبيبتى انت ربنا يكون فعونك بجد وقلبى والله معاكى بس يا حبيبتى احنا مفيش قدامنا غير اننا نصبر مهمو برضه جوزك ولازم تستحمليه وصدقينى اى راجل فالدنيا مفيش اسهل منه لو بكلمه حلوه مع السياسه انتى ممكن تاخدى عنيه حاولى تاخديه براحه وباسلوب طيب فانك ترجعى علاقته باهلك كويسه لان محدش هيعرف يعمل دا غيرك يا حبيبتى والله وهندعيلك ان ربنا يخفف المك دا ان شاء الله
لانى بجد حاسه بيكى اوى
ياسو
حبيتى انت بتقولى لوكنت مكانك""""""""""
طبعا لازم اخد موقف وابطل ضعف وافهمه وافكره بكل الى انا عملتو مع امه لغاية ما اتغيرت ولازم يعرف ان لو حصل مشكله مع بنته لازم يعرف بيها ويقف فى صف بنته وده الى عملتو امك
وان اى ام عايزه بنتها سعيده وعايشه من غير اهانه يعنى مافيش حاجه ضده ولكن الموقف هو الى خلاها تتدخل وانه لازم يتنازل زى ما انت تنازلت ويرضى امك
وحبيبتى الموده ةوالعطف كفيله بحل اى مشكله بين الازواج وشىء اخر المحاوله قدر المستطاع عدم تدخل طرف خارجى لانه بيزيد المشكله وممكن المشكله انت وزوجك تتحل والشخص الى تتدخل هو الى بيطلع وحش فى الاخر
وربنا يهديلك الاحوال
انا برأيي تحكي كل شي بقلبك بس بطريقة لطيفة وبلهدا لانك لو ما عملتي هيك حتتراكم احاسيس الغضب بداخلك لحد ما تقدري تستحميليه وينفجر باي دقيقة ةتكون كارثة عليكي وعلى زوجك وكمان الولاد فلافضل انك تتصارحي معه بهدوءوصدقيني حتى لو عاندك وما وافق معكي بس حيفكر بلموضوع بقرارة نفسو وحيلاقي نفسو غلطان
انا رايى فى ساعة صفا كده تكلميه وتعاتبيه بنفس اسلوبه اللى بيه اقنعك تستحملى امه وتفهميه زى ما انا اعتبرت امك زى مامتى انت كمان مفروض عليك كده
وقولى له يعنى لو مامتك فقدت اعصابها معاك كنت عملت كده
عشان خاطرى متحرمش اولادى من دخلت ماما واخواتى عليا
وكده يعى ان شاء الله ربنا هيهديه
لكن السكات والزعل والخصام صدقينى مش هيعمل حاجة
ازيك يا جبيبتى من الواضح ان الهدو مش نافع معاة وافتكر انك ضعيفة
وكل دة بسبب تهاونك من الاول فى حقك
انا يا حبيبتي من رأى انك تتلككى على اى حاجة وتسيتى البيت وتروحى تتستجمى فى بيت اهلك ومن الاحسن تسيبيلة العيال
وسعتها مش هيقدر ىعيش من غيرك
ومن كلامك عن حماتك واضح ان هي هاتتعاطف معاكى
ولو انتى شايفة ان كلامى هايبقى فى ضرر عليكى بس لازم تتحسيسية انك رافضة الموقف وان ليكى رأى
بس لازم يا حبيبتى تستجمى فى اى منكان عشان كدة هتتعبى اوى
ارجو انك تتطمنينا عليكى
ازيك يا جبيبتى من الواضح ان الهدو مش نافع معاة وافتكر انك ضعيفة
وكل دة بسبب تهاونك من الاول فى حقك
انا يا حبيبتي من رأى انك تتلككى على اى حاجة وتسيتى البيت وتروحى تتستجمى فى بيت اهلك ومن الاحسن تسيبيلة العيال
وسعتها مش هيقدر ىعيش من غيرك
ومن كلامك عن حماتك واضح ان هي هاتتعاطف معاكى
ولو انتى شايفة ان كلامى هايبقى فى ضرر عليكى بس لازم تتحسيسية انك رافضة الموقف وان ليكى رأى
بس لازم يا حبيبتى تستجمى فى اى منكان عشان كدة هتتعبى اوى
ارجو انك تتطمنينا عليكى
عندك حق
بس في جزء في المشكله انتي مش عرفاه وانا سيبت البيت فعلا
ادخلي علي الرابط ده علشان تعرفي باقي الحكايه انا كنت بتناقش فيها انا وبوسي الصبح http://forums.fatakat.com/thread32902-2
انا رأيي مخالف شوية لرأي اخواتي..
انا شايفة انك تركبيله الوش الخشب يعني خليه يتعامل مع جسد بلا روح اعمليله اكله وشربه ولبسه وكل اللي عايزه اعمليه من غير ابتسامة ولا كلام خالص.
وخليه كام يوم لما يكلم نفسه..
وبعدين لو ألح عليك بالسؤال مالك؟؟
قوليله اللي في نفسك.
بس عايزة اقولك حاجة اوعي تندمي على اللي عملتيه مع امه علشان اجرك طوال الست سنوات مايضيعش منك..
وشوفي ربنا جزاك في الدنيا قبل الآخرة ازاي؟؟ بقت كويسة معاك واتغيرت للاحسن كتير ولسة لما ربنا يرزقك بزوجة ابن شوفي هتعمل معاك ايه.
ربنا يبارك فيك على صبرك واحسانك لحماتك ويجزيك عنها خير الجزاء.
انا رأيي مخالف شوية لرأي اخواتي..
انا شايفة انك تركبيله الوش الخشب يعني خليه يتعامل مع جسد بلا روح اعمليله اكله وشربه ولبسه وكل اللي عايزه اعمليه من غير ابتسامة ولا كلام خالص.
وخليه كام يوم لما يكلم نفسه..
وبعدين لو ألح عليك بالسؤال مالك؟؟
قوليله اللي في نفسك.
بس عايزة اقولك حاجة اوعي تندمي على اللي عملتيه مع امه علشان اجرك طوال الست سنوات مايضيعش منك..
وشوفي ربنا جزاك في الدنيا قبل الآخرة ازاي؟؟ بقت كويسة معاك واتغيرت للاحسن كتير ولسة لما ربنا يرزقك بزوجة ابن شوفي هتعمل معاك ايه.
ربنا يبارك فيك على صبرك واحسانك لحماتك ويجزيك عنها خير الجزاء.
شكرا علي مرورك
الوش الخشب الحقيقه ظهر لوحده وانا بعمل له كل حاجه زي ما قلتي
وهو فعلا سألني مالك قلت له مفيش " كنت متوقعه انه يسألني تاني علشان احس انه مهتم" (لكن هو في قرارة نفسه عارف اني زعلانه من مقاطعته لاهلي )
المهم اني لما قلت له مفيش سكت وخلاص ومديني هو كمان الوش الخشب دلوقتي
وبالنسبه لخدمة امه انا مش ندمانه عليها انا ندمانه بس علي اني تحملت الاهانات ولم ادافع عن كرامتي
واللي خايفه منه ان ربنا يعاقبه في بناته نفسي اللي عملته انا هو اللي يقعد لهم مش اللي عمله هو
على فكره ياسو رأى ام الطيب حلو قوى وبيجيب نتيجه كويسه مع الزوج ممكن ترجعى البيت وتنفزيه
شكرا ليكي حبيبتي
انا في البيت دلوقتي انا قعدت عند ماما شهر ورجعت البيت من حوالي 3 شهور كنت صابره فيهم عليه لكن الوش الخشب ظهر فعلا غصب عني من يوم الجمعه اللي فاتت يعني من 5 ايام
واي جديد يحصل هكتبه
انا لما قريت كلامك المفروض اني الؤوم زوجك دا الي انتي منظراه من الردود صح؟
بس الجديد بئا يا ياسو ان انتي الي غلطانه فكرتيني بمشكله من كام يوم في برنامج واحده بتقول اكتشفت ان زوجي مش بيصلي رد عليها الشيخ قالها ومش لاحظتي انه مش بيصلي لما كان بيقعد وبيتعزم عندكم طول اليوم ؟
فين كان اعتراضك من اول لحظه حسيتي بيها بالظلم؟
سكتي علي ظلم من حماتك لحد ما وصلتي لدرجه ان دا شئ عادي انه يحصل ليكي من والدته؟
عمتا جزاكي الف خير علي كل الي فات وربنا وحده هو الي هيكأفئك عليه بس الي جي !!
مع احرتامي الشديد لرائ ام روان ورائ ام الطيب ان الوش الخشب مع زوجك هيجيب نتيجه لاطبعا مفيش اعند من الرجاله علي اد ما تقدري حاولي تستعيذي بالله من الشيطان علشان بيتك وولادك واستحملييييييييييييييييييييييييييه لان سهل انك تكشري وتبوزي وعن تجربه والله بقولك كل داووقتها هيكون غصب عنك التكشيره ديشئ لا ارآدي بس هيكون النتيجه يا تروحي بيت اهلك يا هتفضلوا كدا اقري الحديث دا
قال رسول الله صلى الله عليه وسلم لإحدى نساء الصحابة رضي الله عنهم ( أذات بعل ؟ قالت نعم ، قال " كيف أنت له ؟ قالت لا آلوه ( أي لا أقصر في طاعته ) إلا ما عجزت عنه ، قال فانظري أين أنت منه فانه هو جنتك ونارك ) رواه الترمذي بسند صحيح .
قال رسول الله ( خيركم خيركم لأهله وانا خيركم لأهلي ) رواه الترمذي
وبالنسبه لوالدتك علي راسك من فوق طبعا بس زوجك هو كل اهلك اكيد فهماني.
ربنا ييهديكم لبعض يا رب ويهدي سركم
مديرة الاتحاد العام النسائي بحلب
وابطل ضعف 
وافهمه وافكره بكل الى انا عملتو مع امه لغاية ما اتغيرت
ولازم يعرف ان لو حصل مشكله مع بنته لازم يعرف بيها ويقف فى صف بنته وده الى عملتو امك
