[أم لوجى و ملك]

والله يا جماعه انا رأيى ان موقف سندريلا هو اجمد موقف بصراحه انا هموت منالضحك يا سندريلا انتزعتى منى الضحك انا برشح سندريلا للقب اجمد واطرف موقف

[سندريلا79]

والله يا ام ايه انا مش عارفه هو فهم ايه بالظبط
لإنى اساسا ماتكلمتش انا جريت وهو بقى يفهم اللى يفهمه هو حر هو انا خليته يشوفنى بعدها اساسا
ويا ام لوجى ولا يهمك عادى خالص
انا نفسى كل ما افتكر اموت على نفسى من الضحك
حتى اخواتى اما حكيتلهم مسكونى تريقه شهر بعدها

[m_maha]

وانا كمان معاكى يا ام لوجى

[bosy cat]

بجد مواقف جميلة اوى . بس انا مش فاكرة موقف ليا اقوله

[شموسة]

انا بقى هكيلكو على موقف محرج مع المعيد بتاعى فى الكلية
فى يوم اتفقت مع صحبتى اننا نتقابل نشوف بعض كان بقالى مده طويله ماشفتهاش مع اننا فى نفس القسم فى الكليه كنا هنتقابل بره الكليه عند مكتبه عشان نشترى من المكتبه دى شوية حاجات المهم صاحبتى واقفه مستنيانى وانا متاخره عليها وعماله ترن عليا تستعجلنى وهى واقفه بعيد شويه عن المكتبه انا قربت من المكتبه وشايفاها وهى ماسكه الموبايل وبترنلى واول ماعينى جت فى عينها (طبعا هى واحشانى جدا وماشفناش بعض من مده طويله) ابتسمت ابتسامه عرييييييييييييييييضه جدا وفضلت اشاور لها _(اعملها بيباى) ومبسوطه اوى انى شايفاها قدامى وبتعامل بكل تلقائيه(وهبل) فجأه لقيت المعيد طالع من المكتبه على يمينى وواقف قدامى بينى وبين صحبتى وهو متخيل انى بعمل الهبل اللى عملته ده كله ليه هو (هو من البلد عندنا وعارفنى شخصيا انا وعائلتى ) فوقف وابتسملى _وقالى ازيك يابشمهندسه اخبارك ايه وفضل يسالنى عن المواد وحملنى السلام لوالدى وللعيله _ طبعا انا دايما تعاملى معاه رسمى جدا _كنت محرجه جدا انه تخيل ان كل ده عشانه_ هو فى العادى لما بيشوفنى بيبتسم ابتسامه خفيفه ويسال عنى وعن احوال العائله لكن المره دى كان مبتسم ابتسامه عريضه جدا وكان مستغرب على استقبالى الحااااااااااااااار _ كان نفسى اقوله العنوان غلط وكمان نفسى الارض تتشق وتبلعنى

[أمولة]

شموسه موقف لاتتحسدي عليه 000
انا حقول موقف صار معي العام بالصيف انزلت اصيف وامي راحت على امريكا علشان تحضر ولادة اختي ويوم الولادة كلنا مستنيين خبر ولاده بفارغ الصبر
واختي ميمي ملاك كانت معي بتصيف اصلينا بنصيف مع بعض عند اهلي والمهم واحنى منستنا المكالمه تعبنا ونما فرن موبايل اختي ميمي فقمت مفزوعه وروحت ارد وكانوا المكالمه الخارجيه دائما يظهر فيه رقم موبايل عادي يعني رقم اردني فرديت وانا بفكر انوا ماما بطمنا ولا هوه راجل الو كيفك شو اخبارك انا عادي الحمد الله وراح تفكيري انوا جوز اختي ميمي وصرت اعتذرله اني رديت على تلفون اختي وقلتله انا بنستنا بمكالمه علشان اختي ولادة اختي من امريكا وهوه عادي برد عليه وبيقلي صار خير والمهم بقلوا اصحيلك اختي وهوه لالا لا تصحيها
وبعدين سكرت ورحت صحيت اختي وبقولها جوزك كان على التلفون فراحت وتصلت بجوزها وطلع مش هوه طلع واحد بعاكس واخد واعطى معي بالحكي وانا من هبلي حكيتلك قصة العيله وهوه شكله شفق علي وما ازعجني لاني من كتر مااتاسفت لاني رديت على تلفون اختي 0000
ومن يوميها بردش على تلفون حد =====

[VANILIA]

السلام عليكم
انا هحكى على موقف ماحصليش انا شخصيا بس حصل لاعز اصحابى وهو انها كانت ماشيه مع اختها فى الشارع وبعدين اختها كل شويه تبعد عنها وهى خلاص زهقت من اختها ...جات بتبص حواليها مش لاقيه اختها جانبها لاقت واحده ضهرها ليها فكرتها اختها راحت شدتها من شعرها وقلتلها انا زهقت منك لاقت الست بتبصلها وخايفه منها ودى وشها احمر جدا وقعدت تتاسف للست كتير جدا واختها كانت وقفت تشوف حاجه فى محل وشافت الموقف وقعدت تضحك عليها من بعيد ولحد اللحظه دى كل مانفتكر الموقف بتعبير الست دى نبقى هنموت م الضحك.

[m_maha]

موقفك كان محرج اوى ياشموسة لكن كان لازم تقولى قصدك بالظبط

[m_maha]

احمدى ربنا ياامولة انه سابك ولم يضيقك وفزعك من النوم هوسبب عدم تركيزك

[m_maha]

ده طبعا كان جزاء صحبيتك

[اشرقت]

شموسة امولة فانليا

مواقف صعبة وفى نفس الوقت مضحكة جدا

[دينا الحصري]

سندريلا بجد مش تزعلي انا ميتة على نفسي من الضحك وانا بكتبلك
بس حتت موقف تححححفففففة
معلش بقى
وانتي يا اشرقت انتي مشكلة وقصتك مشكلة اكتر منك بس عارفين المواقف دي ساعات بتبقى لذيذة اوي وبتخلي الواحدة تموت على نفسها من الضحك.
مش كدة ولا اييييييييييية؟؟

[دينا الحصري]

فانيليا قصتك جميلة جدا والله وفعلا تضحك موت بس احمد ربنا ان الست دي مامسكتش في صاحبتك وضربتها هههههههههههههههه

[ماهى الشربينى]

أكتر موقف محرج بجد
حصل ليا مع خطيبى كان معزوم على العشاء عندنا وطبعا خرجت اقعد معاه وساعة معاد الاكل قعدنا وانا رسمه الرقه وباكل تاتا تاتا ال إيه مش جعانه وهو عمال يتحايل عليا آكل معاه وانا عامله فيها شبعانه
المهم خلصنا الاكل وبعدين قاعده معاه راحت بطنى عملت صوت من شدة الجوع
راح قاللى لما انتى جعانه أوى كده مأكلتيش لييييييييييييييييييه.........
ولا تعلييييييييييييييييييييييييق

[ام اربعه واربعين]

يا خرابى
ده موقف صعب اوىىىىىى
بتاع ماهى
طيب وانتى كان ردك ايه
اكيد قولتيلوا دنا بهضم الاكل دلوقتى
المهم موقف لذيييذ اوى

[ام اربعه واربعين]

انا عندى موقف بس مش ليا ده لواحده صاحبتى
كنا فى محاضره وبعيدين الكراسى قريبه من بعضها والصفوف ضيقه اوى
وبعدين صاحبتى كانت خارجه من الصف ده طبعا قبل المحاضره ما تبتدى المهم وهيا ماشيه اختل توازنها وبعدين راحت وقعت على واحد زميلنا فى الدفعه وهو كان قاعد على احد الكراسى فى اخر الصف المهم انها قعدت عليه بدون قصد وقامت طبعا بسرعه وكانت فى غايه الاحراج والكسوف

[toto s]

هههههههههههههههه
هو الحقيقه كل المواقف حلوه
بس موقف سندريلا غير شكلللل
عنجد مقدرتش امسك نفسي من الضحك وكل شويه اتذكر الموقف وارجع اضحك

[toto s]

هههههههههههه
موقف ماهي وفانيليا عنجد حلويين كتير
انا لما قريت موقف فانيليا فطست من الضحك
هههههههههههههههههه

[m_maha]

يانهار ابيض ياماهى على موقفك بس بصراحه انا لومنك كنت قولت ذى ام اربعه واربعين وخطيبك كمان مارحمكيش

[m_maha]

موقف صحبيتك يام اربعه واربعين فطسنى من الضحك
وليه الاسم الصعب ده مش مطوعه نفسى اكتبه