[sweet.toty]

.السلام عليكم ورحمة الله وبركاته


انا نفسى نعمل مقابلة فى المنصورة

ايه رايكم ؟؟ اللى من المنصورة او مش من المنصورة تيجى اوكى يابنات

يالالا عايزة اشوف الردود الحلوة قوااااااااااااام


.

[sweet.toty]

هو مفيش حد من المنصورة هنا خالص ياجماعة ولا ايه؟

[أسعد أم]

السلا عليكم حبيبتي انا من المنصورة من المنزلة لو تعرفيها بس ما اضمنلكيش اني اقدر اجي ممكن وممكن انتي من المنصورة نفسها

[حنان أحمد أمين]

أنا من توريل بس أنا مش حقدر نتقابل الايام دى لأن أبنى فى ثانوية عامة بس ياريت تنوهى على طريقة المقابلة و المكان وأية المواضيع اللى حنتحدث فيها علشان نكون مستعدين مرسية على اهتمامك

[اسكندرانى]

انا من المنصوره
ياريت المقابله تكون قبل رمضان بأسبوع عشان اكون رجعت من الكويت
وممكن نخلى المقابله فى الجامعه او نادى النيل
ايه رايكم؟

[sweet.toty]

انا من المنصورة نفسها يا أسعد أم

وربنا مع كل اللى فى ثانوية عامة وينجحهم يارب بمجموع يفرحهم ويفرح اهاليهم يا حنونة
وعشان خاطر اسكندرانى نخلى المقابلة لما تنزل من الكويت ان شاء الله ونادى النيل حلو كمان

[sadrose]

انا من المنصورة ونفسى نتقابل فعلا بس ياريت نحدد الموعد والمكان حلو قوى فى نادى النيل

[حنان أحمد أمين]

أنا مش مشتركة فى النادى دة أنا مشتركة فى نادى جزيرة الورد و انا مش عارفة حعرف أدخل نادى النيل ولاأية

[مروة الدميري]

السلام عليكم ورحمة الله وبركاته
انا من المنصورة بس للاسف مش ح ينفع اقابكم ان انا قاعدة فى السعودية بس حاسة كانى معاكم بالضبط وكفاية انكم من ريحه الحبايب

[علا فخر الدين]

وانا من المنصورة وطبعا أتمنى لو اقدر أقابلكم كلكم
وياريت أم الطيب وحبايبنا فى القاهرة وباقى المحافظات لو ينظموا رحلة ويجوا لنا المنصورة يتعرفوا على مدينة جميلة من مدنا مصرنا الحبيبة
وانا موافقة على موضوع نادى النيل
أو ممكن فى كافى شوب مثلا أو مرشال الجزيرة
لو فى أى جديد انا معاكم باذن الله تعالى

[انتكة]

انا من المنصوره والفكره دى كويسه قوى بس نعمل استفتاء زى بتوع اسكندريه بس ياريت تكون المقابله قبل شهر 8

[sweet.toty]

اوكى ياجماعة نعمل استفتاء عن المكان والمعاد تمام كده وبالنسبة لنادى النيل انا مش عارفة غير الاعضاء ممكن يدخلو ولا لأ

نادى المهندسين حلو كمان جدااا وفيه مكان للاطفال عشان يلعبوا كمان

[sweet.toty]

وكنا معانا فعلا يامارو وسلميلى على السعودية كتيييييييييييييييييير نفسى اروحها قوى ادعيلى اعمل عمرة او حج قريب

[nooora]

يارييييييييييت يا جماعة انا من سمنود وانا في كلية تربية رياضية جامعة المنصورة حددوا المكان والميعاد ونعمل مقابلة ونتكلم في مواضيع كتير

[sweet.toty]

دول بس اللى من المنصورة ياجماعة امال بقية الناس فيييييييييييييييين؟

[ميرفت ام احمد]

انا من منية النصر بس فى السعودية لو هتتقابلو عالعيد انشاءالله اكون رجعت من السعودية

[كادبورى 81]

نحن هناااااااااااااااااااا
انا كمان من المنصورة بس للأسف مش هقدر اقابلكم لأنى متجوزه فى القاهره
بس انا قلت ادخل اشجع بس ههههههههههه

[sweet.toty]

ترجعى بالسلامة باام احمد مصر كلها تنور و مشكورة والله ياكادبورى فيكى الخير بس قوليلى هنا احلى ولا القاهرة