[نور نور]

دلوقتى انا مشكلتى مش عارفه احلها ازاى ونفسى بجد الاقى حد يساعدنى
انا مكتوب كتابى على انسان بحبه جدا وكانت بينا قصه حب حلوه اوى والله يا اخواتى لو اتعملت فيلم محدش هيصدقها ابدا وقابلتنا مشاكل كتير جدا مش قادره اقولكوا يعنى كان بيواجهنا فيض من المشاكل اللى جعلتنا نسيب بعض مره بس من قوه الحب اللى كانت بينا رجعنا تانى ونسينا المشاكل واتخطبنا وكتبنا كتابنا كمان والمفروض ان الجواز هيكون فخلال سنه من كتب الكتاب ومتتصوروش اد ايه كنا مشتاقين لاننا نتجمع فيت واحد ونعيش مع بعض بقيت حياتنا واحنا كويسين وهادين
طبعا لحد كدا جميييييييييييل اوى
دلوقتى بعد كتب الكتاب زوجى سافر للعمل بالخارج وانا مليش اصدقاء غيره وبغض النظر عن دا واللى ممكن ااقلم نفسى عليه انا كمان مكنتش موافقه عالسفر ومع ذلك هوا سافر وهو عارف انه اقرب حد ليا فالدنيا بس قالى هى فتره وتعدى بسرعه عشان خاطر مستقبلنا
انما دلوقتى انا اكتشفت كمان حاجه من سر تعاستى فحياتى
دلوقتى ممكن ادخل عالنت عشان ادور عليه واتكلم معاه مش بلاقيه وبعد كدا بكتشف من ناس تانيه انه كان موجود وبيكلمهم ومش عارفه ايه اللى حصل بالظبط
فحياتى
مع انى متاكده جدا انه بيحبنى زى ما انا بحبه
انا عاوزه حل بجد لو حد يقدر يساعدنى اعمل ايه لانى بحبه وفنفس الوقت مضايقه جدا بسبب تصرفاته الغريبه من ساعه ما سافر وانى مش عارفه اتعامل خالص مع اى حد فحياتى
يا ريت بجد لو تعرفوا تساعدونى
عشان ارتاح
وانا عارفه ان ممكن حد يقولى انه شئ بسيط بس والله انا مضايقه خالص من كدا ونفسى ارتاح مش عارفه اكلمه ولا اخد موقف بانى ابعد فتره وانا فالحالتين مش هقدر استحمل ولو عملت اى حاجه منهم هيكون على اعصابى ومش هستحملها
بس ليه هوا بيعمل كدا؟
انا مبزعلوش فحاجه خالص بجد

اذا اعجبك الموضوع و اردت نشره في المنتديات الاخرى فاستخدمي هذا الرابط:
مشكلتى
http://forums.fatakat.com/thread33746

[رانيـــا الشقية]

بصى ياحبيبتى
أنا عارفة انك متضايقة ومخنوقة من معاملته ليكى
بس لازم تبعدى فترة وبلاش تلاحقيه وخليه هو اللى يدور عليكى
يعنى اتقلى عليه شوية لأنه عارف انك بتحبيه وانك انتى اللى هتدورى عليه
فالبالتى هو بيهملك معلش هى فترة وهتعدى
وبعدين هو زوجك دلوقتى يعنى اتقلى عليه شوية
ولازم تبانى قوية قدامه مش ضعيفة
ولما يسألك زعلانة ليه عاتبيه بحنية بلاش القسوة الجامدة
حسسيه انك بتضايقى لما يهملك عشان ما يحاول يضايقك تانى

[sweet.toty]

هو ده الكلام انا معاكى يا raniam

[نور نور]

بجد انا متشكره اوى يا رنيم انا فعلا هعمل بنصيحتك وهبعد فتره مع ان الفتره دى هكون متغيره فيها تماما
بس فعلا لازم ابعد يمكن ارتاح شويه
شكراااااااااااااااااااااااااااااااااا

[7abibet gozha]

انتى متعلقة بيه زيادة عن اللزوم و انا حاسة بيكى اوى
لانى انا و جوزى قبل منتجوز كان المفروض هيسافر برضة يشتغل برة لحد مخلص انا تعليم و يجى يتجوزنى و طبعا انا مقدرتش اقوله انى مش موافقة عشان ميقولش عليا انانية مع انى فعلا كنت مليش اى اصحاب غيره بس يوم السفر اما عيط ف المطار مسبنيش و مسافرش و اللى عايزة اقولهولك ان حتى و جوزى بيحبنى الحب ده الا انى ساعات بحس انه بيتخنق من تغلقى الزايد بيه و بلاقينى مش وحشاه
و الحل فعلا انك تبعدى شوية اشغلى نفسك ب اى حاجة اديله فرصة عشان يفتقدك
و ربنا يرجعهولك بالسلامة

[hager aly]

بصى يا قمر اولا هو ممكن يكون ظروفه تخليه يدخل وانتى مش موجوده وميدخولش وانتى موجوده بالحظ يعنى
لكن لو كان بايده وقاصد
انا راى من راى رنيم
اتقلى بجد يا بنتى التقل صنعه
هتقولى مش هقدر لالالالالالالالالا لازم تقدرى عشان يرجعلك زى مكان
متحوليش تلاحقيه بل بالعكس ده لو كلمك وقالك نتقابل على النت قوليلو ماشى ومتدخليش اتحججى باى حجه بعتيها قوليلوا اصلى تعبت اصل النت فصل اى حاجه تخليه يحس ان انتى اللى ممكن تتغيرى
وبعد كده هتشوفى الفرق
اصلهم جنس نمرود يا بنتى والله
وابقى طمنينى عليكى

لكى تحياتى

[hager aly]

ااااااااااااااااااااااه نسيت اقولك
خلى فى تعاملك ديما مبدا واحد
شدى وارخى
خليه يوم باله مستريح منك
ويوم تانى مشغول وبيقول يا ترى
بس اوعى تشككيه فيكى
احسن لو دخل الشك من الباب هرب الحب من الشباك

ولكى تحياتى مره تانيه

[رانيه]

اختفي شوي خليه يدور عليك ويشتاقللك

[الزوجة الاولى]

حبيبتى مش هقول اكتر من الاقالوه
بس اتقلى شويه وبلاش التعلق الفظيع ده لانه ممكن يكون اتخنق من اسلوبك
ابعدى شويه هتلاقيه هو الابيدور ويسال عليكى
ربنا يهديكى واشغلى وقتك فى اى حاجه تانيه
عارفه الدبة الاقتلت صاحبها من كتر حبها لصاحبها موتته
بلاش تكونى كده ده راجل ومش عايزة الخنقه بلاش تلاحقيه بالشكل ده
لاحسن يمل ومتقوليش حب ومش حب والله الراجل لو اتخنق من زوجته هيبعد عنها

[ام البنات3]

كل الكلام اللى قالوه صح
ياريت تتقلى شوية

[شرين عمر]

حبيبتى مش هقول اكتر من الاقالوه لازم يكون عندك شوية عزيمة وشجاعة وربنا معاكى

[همس الحب]

انا معاكو كلكو رأى الفتكوات صح اسمعى الكلام وانتى تكسبى

[toto s]

وانا كمان من راي رنيم جربي تتقلي شويه ومتساليش عنه وشوفي كيف رح يدور ويسال عنك
وربنا يوفقك ويخليكو لبعض

[marry]

جبيبتي نور نور

انا بقول ان مشكلتي زيك بس انا مش مخطوبله مازلنا لان امه معارضة علي الجوازه ديه لكل يقولي نفس الكلام بس صديقني اللي رجله في النار مش زي اللي رجله في الميه انا نفسي حاتخنق من مشكلتي بموت ليل النهار انا عرفه انه كمان زي بيموت بس هم الرجاله مش زينا احنا الستات عواطفنا مش قدرين نتحكم فيه ادعي لربنا عسي يفرج علينا علي فكرة انا مش مصريه بس حماتي مصريه وابنها من نفس بلادي ...... وهي معرضة لاني في نفس السن انا واياه مش لقيه حل انا قعده بموت احمدي ربك ان كتابك مكتوب مش زي معلقه في الهواء

[كنده]

انا معنديش غير الي قالوة البنات

اتقلي عليه
يركض وراكي

[نور نور]

بجد
يا جماعه انا من ساعه ما بعت الموضوع بتاعى وانا بحاول انى ابعد عنه
بس بجد تعبت اوى
ونفسى فحل بسرعه اوى
ساعدونى وشكرا بجد لكل اللى بيقدملى رايه

[ام اسلام2]

حبيبتىنور الله يسعدك ويرجعهولك بلسلامة
انتى عارفة تعبتى لية لانك حاضة فى بالك انة هو اللى بعيد وهو اللى بيتقل عليكى
شلية من مخك شوية هو فى شغلة مشغول طول اليوم وبليل بيرجع تعبان وينام
اشغلى وقتك بجد اعملى اى شى مفيد روحى زورى اى ملجه او اى مستشفى او اى دار ايتام واللة لو انك عملتى كدة حتى ولو تلت ايام فى الاسبوع نفسيتك هترتاح وممكن تتعرفى على احد اشغلى يومك فى عمل الخير صدقينى هترتاحى

[elbatool5]

جوزى مره قال لى احبب حبيبك هونا ما عسى ان يكون عدوك يوما ما وابغض عدوك هونا ما عسى ان يكون حبيك يوما ما
اقصد اقولك لازم نكون بنحب بس ماتوصلش ان حياتنا متوقفه على اللى بنحبه وجوزى قال لى كده لان انا زيك بحب حب مطلق وكله بييجى على اعصابى
حبيبتى نصيحتى ليكى ماينفعش مايكونش ليكى حد غير زوجك لازم يكون ليكى اصحابك وما ينفعش كل ماتكلميه تحكيله عن مشاكلك لان انتى كده ممكن تزهقيه من الكلام معاكى
ليه واحده صاحبتى مابتتصلش بيه الا عشان تشكيلى همومها كل يوم هى متضايقه لما جالى اكتئاب
لازم يكون ليكى حياتك لان بعد الجواز بيحصل خلافات وكمان الحب بعد الجواز مختلف فانتى لازم يكون ليكى عالم تانى عشان تقدرى تخرجى من تعب الاعصاب اذا لا قدر الله زعلتى انتى وجوزك

[ماجي2008]

فعلا كل الاخوات معاهم حق وابعدي عنه واحدة واحدة هتلاقى بيجري وراكي صدقينى عن تجربة
وزي ما قالت هاجر شدي وارخى ودوراي على اهتمامات تاني غيره وربنا يهدي ويقرب البعيد

[أم لوجى و ملك]

أنا لو مكانك هواجهه واعرف ايه اللى غيره