[cattycatty]

عايزه أقولكم ان البتاع ده اسمه دايما يجنني في المطاعم ,اسمه مكلكع اوي ،و اقعد اقول لنفسي اطلبه و لا لا ,اطلبه و لا لا ,ده شكله روسي و احنا ملناش في الروسي
لحد ما عرفت هو ايه و قعدت اضحك طلع سهل اوي و مقاديره عاديه خالص و قلت اقولكم عليه لانه للاسف محجور عليه في المطاعم الخمس نحوم بس

المقادير
نصف كيلو لحم فيليه مقطع شرائح
فلفل اخضر مقطع شرائح طويله
فلفل احمر و اصفر مقطعين شرائح (اختياري بس الطبق بيبقي شكله جميل )
نصف كوب مشروم (عيش الغراب )
زبادي
فنجان كريمه لباني
معلقه مسطرده و ملح و فلفل و كيس بهارات فاين فودز للحوم ان وجد و انا بحط بهارات عاديه
معلقه صغيره توم مدقوق
معلقه كبيره دقيق
بصله مفرومه ناعم


امزجي الزبادي بخلطه فاين فودز او البهارات العاديه (ضيفي زنجبيل و حبهان و ريحان جاف ).

سخني زيت علي النار و ضيفي البصله و لما تصفر ضيفي التوم المدقوق و اقلبي تقلبتين

ضيفي شرائح اللحم و قلبيها لحد ما تبقي بني شويه .

يضاف الفلفل الاخضر و الاحمر و الاصفر و قلبيهم دقيقتين .

يضاف مزيج الزبادي و معلقه المسطرده و يقلب .

دوبي معلقه الدقيق في نصف كوبايه ميه و حطيه علي اللحمه .

قلبي تقلبتين و بعدان حطي 2 كوب ميه و سيبي اللحم يستوي خااالص .

لما يستوي حتلاقيه تقل شويه و عمل صوص عشان الدقيق ,حطي فنجان الكريمه اللباني و المشروم و لما يمتزج الخليط اقفلي و خلااااص .

الطبق ده بيبقي حلو اوي يا جماعه مع الارز الابيض و بيبقي مشرف و شيك في العزايم و لو في اي استفسار انا تحت امركم . و علي فكره اللي محطوط جنبه في الصوره هو بطاطس بيوريه مهروسه دايما بتتقدم معاه

منقوووووول

[rehab]

أختي أنا مبحبش المشروم خااااااااااالص ينفع من غيره أنا بصراحه شرلابت شوربته مرة كنت هجيب اللي في بطني

[cattycatty]

ينفع اوي يا رحاب
بس علي فكره اكيد الشوربه دي كانت مش حلوه
لان شوربه الكريمه بالمشروم جميييييييله

[مرمريكا]

وصفاتك هايلة ياكاتى
ميرسىىىىىىى كتييييييييييييييير

[Om Hassan]

مواضيعك كلها متميزة
تسلمى يا قمر

[raghoda]

تسلم ايديكى يا قمر

[رانيه]

[cattycatty]

دايما منوراني يا مرمريكا في موضوعي
بجد كلامك زوق اوي

[حبيبة بابا]

تسلم ايديكى يا قمر وصفاتك كلها هايلة

[cattycatty]

[lolita 88]

تسلم ايدك روعه بجد

[lol5]

والله إنك عسل يا كاتي

أنا بعمله بس بدون الفلفل الأخضر والملون.. بس اللحمة مع المشروم والصلصة.. بتبقى روعة

أو أحياناً.. على الطريقة الصينية.. بضيف الفلفل الملون في الآخر بحطه وبطفي النار ويادوب كم دقيقة ع التقديم، عشان يضل اللون فريش

بس عن جد أشكرك، تسلم إيديكي يا قمر ولك تقييمي

[cattycatty]

شكرا يا
lolita 88

[cattycatty]

حبيبتي جزاك الله خير يا lol5
اضافاتك هايله

[مدام ديدى]

[وردة لبنان]

ححيبيتي انتي قلتي في المقادير ذبادي وانا ما فهمت لشو هل تم خلطها مع البهاران واستعمالها يعني دخلت في الخلطة ولا هي تتاكل معاه على جنب..
تاني حاجة الخردل بردو ما شفتوش في الخلطة يعني دخل فيها ولا لق ياريت توضيح..
وايه هو الكريم اللباني هل هي الكريمة بتاعت الطبخ ام نوع تاني؟؟؟

مشكورة حبيت يوتعبتك معي...

[cattycatty]

برافو عليكي يا ورده لبنان
فعلا يا حبيبتي انا نسيت سطر في الطريقع و عدلته فوق
بصي يا حبيبتي بعد ما تخلطي الزبادي مع التوابل اللي كتباها فوق سيبيها شويه لحد ما تعملي بقيه الخطوات
و بعدان ضيفيه بالترتيب زي ما انا كتباه .
و الكريمه اللباني دي كريمه بتستخدم في الطبخ و الحلويات
بس مش كريم شانتيه اكيد
اسالي عليها و حتلاقي اكيد اي نوع عندكم
و اسفه علي النسيان

[ام سعيد]

تسلم الايادى.

[cattycatty]

جزاك الله خيرا يا ام سعيد
نورتي موضوعي

[yoyo]