[مصرية جداا]

جبت قلمي قلت أكتب فتحت ورقة.. قلت هكتب
رد قلمي وقالي لاء ..
قلت لية دايما بتكتب ؟؟
قالي عادي مش جديدة عليك يا صاحبي
دايما أكتب بس زهقت من الكتابه
نفسي يوم اكتب كلام مش اعاده
كل يوم تندهني اجي وارجع اكتب م البداية
نفسي اشوفك يوم تجبني اكتبلك انا النهاية
قلتله دا من البداية انت عايز النهاية
**
قالي شوف يا صاحبي كلمة
كنت عايز اهديهالك !!
من زمان وانت بتكتب ..
فاكر انت يوم ماجتني قلتلي تعال يلا النهاية
قلتلك يا صاحبي اصبر لسة بدري دي البداية
كنت مجبر اني اكتب غصب عني انت صاحبي من البداية
جتني تاني تبكي تاني وقلتلي تعال غير النهاية
ولو قدرت غيرلي كل الحكاية
**
انت قلمي عبد مجبر طيع ولا تكسر اوامري
انت اية عشان تقولي اني بالعربي ذليل
**
صاحبي اهدى وكن صبور
كل ورقة كتبتهالك كنت ببكي فيها عليك
عارف انت يوم ما جتني واتصاحبنا من زمان
شوفت بعيونك هيام
ومن هيامك تهت .. واشتريت قلم جبان
شوفت ايدك وهي تتمد عليا
كنت بصرخ وقلت ليك ابعد وسبني
انت ما تعرفش اني مركون هنا من زمان
كان فاضلي يوم وابقى حبر جاف مالوش مكان
كنت عارف اني هشارك في نهاية حلم ضاع
كنت خايف اني اروح اسكن مكان
عارف اني هناك هموت
**
انت بتقول اية يا قلمي انت عارف اني بحبك
اوعى تكون زعلت لما
قلتلك عبدي وطيع !!
**
لا ياصاحبي مش كدا هي الحكاية
الحكاية اني عارف اني مخلوق للضياع
احكم انت هات لي ورقة انكتب فيها غير الضياع
**
انت عايز تقولي اية
قلمي قول بلاش جراح
انت عارف اني عمري انكتب كله ضياع ؟؟
**
شوف يا صاحبي
قبل ما اكتب كلمة واحدة
بص ليا وانت تعرف ان خلاص
اوشك الحبر ع الخلاص
**
مستحيل !!
بس دا مش هيكتب كل اللي ناوي علية
**
صحبي ارجع شوف كلامي
قلتلك اني ضياع
سبني اكتب النهاية اللي انا جيتك عشانها
سبني اكتب النهاية سنبي اخلص سبني اموت
عارف انك بعد موتي ولما تقرا أخر كلامي
هتبقى زيي حبر جاف مالوش مكان
هلتقي بيك يا صاحبي بعد ما تغمض عيونك
هلتقي بيك لاني عارف ان بُعدي هو موتك
قصتك بدايتها حبك وانتهت بحلم عمرك
والنهاردة بدي اقولك ...
ان حلمك انكتب لية الضياع
الف رحمة ونور عليك
**********

اذا اعجبك الموضوع و اردت نشره في المنتديات الاخرى فاستخدمي هذا الرابط:
الحلم الضائع ... وموت القلم
http://forums.fatakat.com/thread33763