[hoda sabry]

(‍1)

نبدأ بتنظيف البشرة باللوشن المناسب لنوع البشرة..

ونحط كريم الأساس المناسب للون البشرة لكن يفضل اختيار لون فاتح عشان لما بنحط البودرة لون كريم الأساس بيغمق درجة..

نبدأ نوزع الكريم بالتساوي ونستخدم الاسنفجة الخاصة بكريم الأساس ونهتم بوضع درجة كريم فاتحة تحت العين.

(2)

نحط البودرة الشفافة على كريم الأساس على كامل الوجه وبفرشاة كبيرة تزيل البودرة الزيادة.. نصيحتي الفرشاة لازم تبقى ناعمة..

وبعد كده نحط بودرة بتلمع تحت العين..

(3)

وبقلم أسود نحدد تحت العين لأن العين صغيرة شوي لكن لو العين الكبيرة بيكون القلم جوه العين..

وبقلم بني نحدد تحت العين عشان نكسر حدة اللون الأسود كتير مننا بيحتار في التعامل مع شكل العين، نصيحتي العين الضيقة نتقل بالقلم من تحتها، والعين الواسعة نتقل بالقلم من فوقها ومن تحت العين فاضي

(4)

نسيح بالفرشاة القلم البني اللي حطيناه من فوق العين..

ونرسم العين على شكل "banana" مع رسمة الحواجب وبعد كده نرسم تاني بالقلم الأسود خط فوق العين عشان تحديد الشكل.

(5)

نيجي للـ "eye shadow" هانستخدم لون بني بيلمع ونبدأ نوزعه فوق الجفن وبفرشاة صغيرة نسيح تحت العين ونرجع فوق تاني نعدل بفرشاة أكبر مكياج فوق العين..

لتصغير أنف العروسة تحط من اللون البني على أجناب الأنف. وممكن نستخدم اللون البني لتغميق درجة الوجه الفاتح وبفرشاة كبيرة نخلي البشرة لون واحد.

(6)

من الحاجات المهمة اهتمام العروسة برموشها وحواجبها قبل الفرح على الأقل بشهر يعني لو رموشها خفيفة تحط عليهم زيت خروع كل يوم عشان تبقي رموشها تقيلة وحلوة
نحط الماسكرا ونضيف رموشا صناعية لو الرموش لسه خفيفة في الطرف والوسط وأول العين.. وبعد كده نتقل عليها الماسكرا نهتم بالماسكرا تحت العين عشان توسع. "خلي بالك من نوع المادة اللاصقة للرموش عشان لو رديئة ممكن تسبب احمرارا شديدا في العين أو تعمل مشكلة يصعب علاجها يوم الزفاف"...

أما بالنسبة للحواجب وهي بالطبع خفيفة جداً عشان كده رسمناها باللون البني على شكل ثمانية. نحط "eye shadow" فاتح تحت الحواجب بفرشاة مخصوصة للحواجب.

(7)

نحط الـ"Blusher" والعروسة بتضحك عشان يكون اللون متوزع بدرجة واحدة ونتحرك من عظمة الخد إلى الأذن..

مهم نختار لون فاتح لانه يعطي نضارة للوجه.

(8)

نحدد الشفايف بـ"lip liner" خفيف ونحط عليه الروج لأن الموضة إن التحديد لا يظهر ويكون نفس لون درجة الروج.. ولو الشفايف صغيرة بنحاول نكبرها ولو العكس نعمل العكس..

ونختار لون الروج زي لون الـ"eye shadow".. مهم استخدام فرشاة الروج لأنها بتسهل التحكم في وضعه وتوزيعه صح.. نحاول تثبيت الروج بوضع الـglitter في منتصف الشفاه لأنها الموضة جدا.

__________________

تابع

[hoda sabry]

(9)

خلاص المكياج ونبدأ في الطرحة فستان العروسة مطرز يعني لازم يكون الكواف فيه تطريز قريب من الفستان..

نربطه بالتل وبعد نحط الباندانا المطرزة ونثبتها بدبابيس ألماس.. وتلبس حلق كبير..

وألف مبروك لكل العرايس....

[yoyo]

[heba saad]

الله عليكى وعلى الشرح الكامل بتاعك بجد تسلم ايدك

[seren_serenty]

جميل اوي
ياريت تتبعي الموضوع بلفات طرح اكتر وميكاب تاني وتالت لان تعليقك جميل وصورك واضحه جدا

[الزوجة الوفية]

روووووووعة يسلمووووووووووو

[leader]

[sadrose]

حلو قوى فعلا ياريت تجيبى لينا مواضيع كمان عن لفات طرح العرايس

[فرحه]

الله الله الله ايه الحلاوة دى يا قمر

[ام سعيد]

مشكوووووووووووورة بس انا نزلت الموضوع ده قبل كده مكرر