[ام ريهام]

.شكرا لحبايبى على اهتمامكم ونصائحكم الغالية اللى حسستنى اننا فعلا اخوات.

[tosysaden]

والله دة المفروض من وهى عمرها شهور انك تتقربي منها علشان متلاقش حضن غيرك تترمى فيه وتحس انك اكتر شخص فاهمها عموما نحاول مع بعض الحل
اولا خلى اذنك ليها واسمعيها بقلبك بمعنى كلميها فى كل شئ وخدى رايها في كل شئ ممكن يخصك يعنى مثلا طريقة لبسك واختيارك لاعداد المنزل والطعام----الخ
مع الوقت حتعرفي وجهة نظرها في الحياة وكلميها بلطف وقوليها انك بتحبيها لان اكتر الاباء مش بيقولوا الكلمة دى لعيالهم مع الوقت والاولاد بتبعد الي اي حد يشبعهم عاطفيا انتى مش ساعات بتحبى تسمعى كلمة بحبك من جوزك بالرغم من انك متاكدة من دة لازم تشبيعها عاطفيا من حبك انا والدى رحمة الله عليه كان يقولى يوم ماتحبي حد تعالي قوللي وانا حقف جنبك
ثانيا اسمعى منها كل مواضيعا لغاية اما تخلص خالص حتى لو كانت مخطئة لا تقاطعى كلامها حتى تكمل الموضوع للاخر لان لو قطعتيها مش حتقولك علي كل شئ بامانة وبعد كدة فهميها خطئها بهدؤ واديها حرية التصرف باعادة النظر للموضوع وهكذا وربنا يوفقك ويارب اكون افادتك وربنا يحميها

[ام البنات3]

المفروض تصحبى بنتك من صغره الحمد لله انا عندى 3بنات وهم اصحابى يعنى بنتى الكبيرة عنده 13 سنه بكلم معاه وباخد رايه فى كل حاجه وهى ما تعرفش تعلم حاجه غير لم تقولى حتى هى بتقولى يا ماما انا بحس ان انتى بس اللى صحبتى وفعلا يا حبيتى انا بس اللى صحبتك خصوصا سن المراهقة لازم نصاحبهم علشان نعرف كل حاجه عنهم ابدئى اكلمى معاه على انها واحدة صحبتك خدى رايه فى كل حاجه وبالتالى هى هتيجى تاخد رايك فى كل حاجه تخصها

[سمر مون]

انا عندى 21 سنة
وماما صحبتنى واتقربنا من بعض مش عارفة ازاى
اسمعى كلام
tosysaden

[ام البنات3]

ا
ام ريهام بنتك عندها كام سنه علشان تقول ان البنت اللى ما تعرفش ولد ماتبقاش بنت

[سمر مون]

13؟
صغيرة اوى
بصى ابدءى تسردى عليها قصص واقعية تخرج منها بعبرة وعظة
وحاولى فى الخباثة توقعى بيها وبين اصحابها
زى فلاة بتبصلك كده ليه ه بتغير منك ولا ايه.. كده يعنى
وحاولى لما تقولى لها نصيحة تقوليها بهدوء
اكثرى من الانصات ليهاوخليها تتكلم كتير
كده من غير ما تحس هتبقى قريبة منها
وقولى لها ان اتى بتفخرى بيها وباخلاقها ده هعطيها حصانة ضد الخطا عشان بس متخيبش ظنك
اخيرا .........ربنا يهديهالك وتفرحى بيها

[ام البنات3]

لاذم تفهميه ان البنت مش اللى تعرف الولد البنت باخلقه
وفعلا لازم تكرهيها فى اصحابها باى طريقة علشان هى
هتقلدهم فى كل حاجة
ممكن تقعديها معاكى علىالنت وخاليها تقرا المشاكل اللى تتعرض
ليها البنات المهم خاليها جانبك على طول
ربنا يهدى بناتنا ويبعد عنهم اصدقاء السؤ

[drnahla]

طب فين الوعى الدينى
اهم حاجة تكلميها بالراحة عن الحلال والحرام
وتحكيلها عن قصص بنات انتى تعرفيهم
وانهم بيكونو منبوزين من اللى حواليهم
وان اهلهم يستعروا منهم لو مشوا ف طريق الغلط
وكدا...........

[ام مؤمن]

حاولى تتقربى منها اكثر ودى مرحلة بيمر بيها معظم اللى فى سنها وحاولى تخليها تتقرب لربنا وان شاء الله ربنا يهديها :d

[صراحة]

مش عارفه انتى فهمتى إيه من معنى كلامها رغم صغر سنها
" وفى مرة من المرات قالت لى إن البنت اللى ماتعرفش ولد تبقى مش بنت "
لدرجة خليتى دماغى لفت , شافت بنات اكبر بيخرجوا مع صبيان ,ناقشيها وافهمى منها قصدها إيه ووافقيها على كلامها ان البنت لازم تعرف صبيان ولحد ما تيجى تتجوز وخليها تحكم هى على نفسها هتكون عرفت كام ولد فى حياتها وتقبل تتجوز زوج يحبها وتحبه وتكون عرفت قبله كام ولد فى حياتها الولد فى حياة أى بنت بيتحسب عليها واحد فى حياتها ويأثر على حياتها وسلوكها بعد ما تتجوزبخلاف الولد , عرفيها لو هى وصديقاتها عندك فى البيت وقدمتى لهن طبق منجة بعددهن وكل واحده مسكت مانجة معينه بأيدها وفعست فيها وسابتها وغيرها عملت فى نفس المنجة فعست فيها وسابتها وبعد ما اخد كل صديقاتها منجة فضلت المنجة اللى فعسوها قدامها علشان تأكلها هى هترضى تأكلها طبعا لأ
لما البنت تعرف ولد وغيره لما تيجى تتجوز مش هتلاقى حد يتجوزها ولا يقرب منها لأنه عارف انها عرفت صبيان قبله وبقت زى المنجة ده مسكها وده لمسها ومش هيقرب منها حد وأهم حاجة
تقبل تغضب ربنا قبل كل شئ وتأثر على حياتها بمعرفة صبيان بعد جوازها
خليها فى حضنك على طول لبسيها حجاب وعلميها الصلاة والصوم وصححى اخطائها بدون عقاب فى الأول وأهم حاجة تراقبى صديقاتها
وربنا يعينك على تفكيرها رغم صغر سنها