[ام ريهام]

الى كل الفتكاوات من أجل تحقيق السعادة الزوجية أجيبى كيف تكونين صديقة لزوجك؟

[ام ريهام]

جرى إيه يا جماعة هو انتم فائدين الامل فى الازواج للدرجة دددددددددددددددددددددددددددددى

[ام ريهام]

عموما انتم أحرار وأنتم الخسرانين

[ضحي *]

أنا أقولك يا جميل وعلي فكرة سؤالك مهم جدا تكوني صديقة لزوجك بأنك تسمعيه بأذن صديق وقلب حبيب ومن غير ما تحسسيه أنك مستنياله علي غلطة ناقشيه وخذي رأيه بس في وقت يكون فيه رايق حسسيه أنك مقدره تعبه علشانك وأنه محتاج يأخذ راحة حتي لو مع أصحابه علشان يجدد نشاطة أهتمي بالحاجات الي بيحبها لو فيه فيلم مثلا بيحبوا قوليلة الفيلم الي بتحبه حييجي الساعة كذا لو مش فاضي سجليه حيحس أنك مش زوجة تقليدية وأنك صديقة وفية وأوعي أسراره تطلع بره علشان يثق فيكي ديما علي فكرة موضوع رائع شكرا لكي

[برتقال سكرى]

أنا مع رأى ضحى
وبعدين ما تزعليش من قلة الردود
ده عاااااااااااااادى جدا
انتى بس ما تستعجليش.
موضوعك جميل

[لولينا]

وانا رايى من راى ضحى

[بندر]

أنا مع رأى ضحى
وبعدين ما تزعليش من قلة الردود
ده عاااااااااااااادى جدا
انتى بس ما تستعجليش.
موضوعك جميل

[ام جنة]

فى ناس حتى لو عملتى كل ده يقولو لكى فى حاجات ميفهمهاش غير راجل زيي .....زى ما غيرة المراة ميفمهاش غير امراة مثلها

[ام ريهام]

شكرا يا حبيبى على مروركم وأنا مش زعلانة والله بس حقيقى أنا صديقة لزوجى جدا وده شئ ممتع ولذيذ وبيخلى الحياة حلوة أوى وعاوزة كل اللى عندها فكرة تقولها علشان الكل يستفيد ونعيش كلنا فى سعادة

[omtota]

ام ريهام
موضوعك مهم زى ماانا طلبت اننا نكون اصدقاء لبناتنا المفروض مننساش نكون صديقات لأزوجنا عشان برده مايدوروش بره على الى يستمع ليهم وده ممكن يكون مش فى مصلحة الزوجة
شكرا ياعسل على موضوعك وعلى ردك الرقيق على موضوعى

[ام ريهام]

شكراليكى يا omtota
إنا يشرفنى إشتراكك وردك على موضوعى

[saadelhelaly]

وايه رايكم في الراجل اللي مش بيتكلم و بسحب الكلام منه بحبل

[ام ريهام]

تعرفى انها مشكلة بتعانى منها زوجات كتير إن زوجها قليل الكلام بس انتى لاحظى ودورى على اهتماماته ايه وحاولى تخلقى مناقشة وحوار حول اى شئ هو بيهتم به بس انتى حاولى وانشاء الله نلاقى حل مع أخواتك وياريت الكل يشترك ويحاول يعطى أفكار تساعد أخواتنا

[بكيزة هانم]

انا جوزى مش محتاج صديق لانه مش بيحب يتكلم مع حد ولا بيحب يسمع حد

[فيفيان طارق]

موضوعك هايل هايل ............
لأن اهم شيء هو الصداقة بين الأزواج
كل زوجة لازم تعرف كيف تكون كل شىء لزوجها
حبيبة__زوجة__أم__عشيقة__أخت__صديقة
وصدقونى دة مش كلام نظرى فعلا"" دة مهم جدا""
أنا و زوجى الحمد للله أصدقاء لدرجة كبيرة؟؟؟؟
لدرجة أنة لو شاف وحدة ممكن يعلق عليهة معاية....
حتى لو مشفتهاش يحكيلى..
وطبعا" دة اصعب شىء يحكية زوج لزوجتة
وعلى فكرة الزوج البيحكى كل شىء لزوجتة احسن شىء؟؟؟ محدش يقدر يوقع بنهم
ولما يجى يحكى لازم تنصتى ألية جيدا" وأوعى تهجمية على شىء ديئك
ممكن يحصل عندة رد فعل عكسى وميحكلكيش شىء تانى ....وأنتى الخسرانة
وربنا يسعدكم جميعا"""

[احلى كاراميلا]

موضوع جميل يا قمر .. انا بشوف ان الشاطرة تصاحب جوزها قبل ما يصاحب هو غيرها وكل راجل ليه مفاتيحه لازم مراته تعرفها. اللى بيحب يتكلم انتى اسمعيه وافهميه... واللى مش بيحب استنى لما يكون رايق واساليه عن اى حاجه حتى لو كنتى عارفاها... واللى بيحب يقرا حاولى تناقشيه ف كتاب بيقراه... وهكذا

[ام ريهام]

أيوه يا بنات كدة التفاعل شئ جميل والاجمل إننا نحس ببعض ونكتسب خبرات من بعض وصدقونى فى النهاية اكيد حنكسب وميرسى يافيفيان انتى وكراميلا ومعلش يا بكيزة حاولى مرة واتنين وما تيأسيش واكيد إنتى عارفة ممكن تدخلى لجوزك منين