[اسكندرانى]

بتحبى ايه فى مصر؟؟

ايه اللى مش بتحبيه فى مصر؟؟

تختارى تكونى مين من الشخصيات الهامه ؟؟ وايه اللى هتغيريه لما تتولى المنصب ده؟؟

[أم هاشم وعبيد]

انا أحب في مصر كل شي وبأعشق أهلها وهواها وأكلها وكل شي فيها
والله ما بأجاملكم بس ده حقيقة وكل اللي حوليني هنا يستغربو من حبي الشديد ليها
طبعا انا بحكم اني غريبة عنكم بجنسيتي عشان كدة هجاوب على اخر سؤال بكلمة"مش عارفة"عشان انا ما اعرف النظام عندكم كيف وايه القوانين في مصر
بس كل اللي اقوله اني بأعشق شوارعها بأعشق كل ما فيها
سافرت كتير ولفيت العالم وما ارتحت الا في مصر

[يارب ابقي عروسة]

مصر مش فيها حاجة متحباش كلها علي بعضها كفاية قول الرسول صلي الله عليه وسلم خذوا من مصرا جندنا كثيفا
ثواني هجيب حاجة من اميلي الخاص وارجع عشان تشوفي حلاوة مصر

[يارب ابقي عروسة]

المهم شكرا يا اسكندراني يا جميل

[اسكندرانى]

شكرا أم هاشم وعبيد على ردك الأكثر من رااااااااااااائع
ومصر تتشرف بيكى وبكل أهل السعوديه
ويارب دايما نكون عند حسن ظنكو

ياعروسه يارب تبقى عروسه جميله وشكرا عاللى جبتيه من ميلك بس مش بيظهر حاجه عندى لانه بيفتحلى صفحة ميل
بس انتى مقولتيش هتتولى منصب مين وتعملى ايه
والسؤال ده مبيقللش أبدا من حبنا لمصر ده بالعكس معناه اننا بنحب مصر أوىىىىىىىى

[يارب ابقي عروسة]

معلش دي كانت صور عن جمال القاهرة باليل

[حتة سكرة]

بصى مهما اتعمل فينا بنمووووووووت فيها
وانا عن نفسى مش متخيلة ان ممكن يجي يوم وابعد عنها
اما عن بتكرهى اية فيها بكره فيها بعض الناس اللى خربوها
ونهبوها وسرقو فيها لما شبعو
وعن المنصب اللى اتمنى امسكة انا نفسى اكون المسؤلة عن قناة السويس
لانها لو مش مسروقة هنبقى اغنى شعب فى العالم
والله العظيم دى بتجيب خير مش ممكن تتخيلوة
بس للاسف كلة على كروش النصابين اللى فى البلد
وشكرا ليكى على موضوعك يا جمييييييييييل

[ام ايفان]

بحب كل حاجة في مصر مع العلم انا مازرتها ولا مرة..
بس احس ان ناسها طيبين ودة لمستو اكتر في هذا المنتدى الرائع اللي معتبريني اختهم ومن جنسيتهم ولا حاسة باي تميز ومرتاحة كتير..
احب الاهرامات وسر الاهرامات ..احب الممثلين المصريين ..احب الافلام المصرية القديمة ..احب المطربين المصريين ..احب كل حاجة في مصر
يارب تتحقق امنيتي واشوف مصر

[اسكندرانى]

يااااااااااااااااااارب تزورى مصر وتعجبك يا أم ايفان

متتخيليش سعادتى بان الردود من جنسيات أخرى
وسعيده جدا بحبكم لمصر

وانتو اخواتنا وكلنا عرب وربنا يخلينا لبعض
ويخليلنا فتكات اللى جمعت كل البلاد العربيه
فى منتدى واحد

[ام البنات3]

بنحب مصر بكل ما فيه من حلوها ومرها
عارفه احب امسك منصب ايه وزير التربية والتعليم
علشان اسهل االمناهج والامتحانات وخصوصا للثانوية
العامة اللى عمله رعب للناس وشكرا على موضوعك
الرائع

[جيهان عبدالله على ربع]

علي اسم مصر التاريخ يقدر يقول ماشاء
انا مصر عندي احب واجمل الاشياء

انا باحبها بمشاكلها وبروقانها
تعبنا فيها او ارتحنا احنا ولادها
انا مش باحبها لا انا باعشق بجد ترابها
الله يخرب بيت الحرامي الكبير اللي نهبها
ولو علي المنصب انا عايزة امسك رئيس وزرا ء
واعين وزير داخلية قوي ونائب عام قوي ووزير عدل قوي
علشان دول لو اقوياء وبيخافو علي البلد كل الحرامية هتمشي
وانا عارفة ان المكافئة بتاعتي هتبقي رصاصتين من الحرامية
وفعلا دخل قناة السويس عالي جدا ونصيب الفرد في اليوم من قناة السويس 4 دولار
يعني لو اكتفينا بقناة السويس بس دخلها يعيشنا مرتاحين جدا
وشكرا علي الموضوع الرائع

[سمسمه26]

بالرغم من كل اللى حاصل فينا وحالنا بس بجد بحبها
ساعات بابقى ماشية فى الشارع واقعد اتفرج عالناس وهى ماشية واكلم نفسى ازاى هاقدر!!!!!!!!!!!!!!!!
ولو مسكت منصب هامسك أى منصب بحيث انه يخلى يادى الناس فلوس كتير ماتخلهومش يتغربوا
ممكن فى السياحة مع انه بعيد عن تخصصى خالص انا اسمع انها بتجيب كتير اوى خلاص يا جماعة انا هبقى وزيرة السياحة ،كل يوم بقى هاطلعكوا رحلة للاهرلمات وابو الهول

[همسات حب]

باحب فى مصر طيبه اهلها وخفه دم شعبها
باحب فى مصر جوها ونيلها وبحرها
باحب فى مصر لمه العيله ع الطبليه وكل ايد فى فم التانى
باحب فى مصر الاب المكافح والام المدبره
باحب فى مصر كوبايه حمص الشام ع النيل بالليل وكوز الذره المشوى فى بحرى فى اسكندريه
باحب فى مصر عربيه الفول والعمال الغلابه
مش باحب فى مصر انه كتيررررررررررررالحراميه فيها
اتمنى امسك منصب رئيس الجمهوريه ومش حأعمل اى حاجه غير انى حأراعى ربنا
وامشى وسط الناس من غير حرس الحارس هو الله وحب الناس الطيبه

[راجية الجنه]

يا احلى اسم فى الوجود ياااا مصر .... يا اسم مخلوق للخلود ياااااا مصر نعيش لمصر و نموت لمصر
مصر .... مصر ..... تحيا مصر


وطنى حبيبى الوطن الاكبر يوم ورا يوم امجاده بتكبر و انتصرايته ماليه حياته وطنى بيكبر وبيتحرر وطنى ... وطنى

[راجية الجنه]

طبعاااااا انا عارفه ان حب مصر مش اغانى و شعارات بس حبها ف القلب
و و الله يا جماعه بجد مهما يحصل فينا كلنا بنحب مصر و انا شخصيا بحبها جدااااااااااا و مش ممكن اعيش ف مكان غيرها ان شاء الله
و كالعاااااااااااده طبعا اسكندرانى مروه حبيبتىىىى مواضيعك تحححححففففففففه و جميييله جدااااااااا

[جين صبرى]

بحبها كلها على بعضها
بعبلها كده
ومش حابه أحط مكانى ولو مجرد التفكير فأى منصب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اسكندرانى]

ام البنات - جيهان - سمسمه - همسات - راجيه حبيبتى - جين

مش عارفه أشكركم ازاى على كلامكم الجميل ومشاركتكم
همسات حب انتى خلتينى أبكى على غربتى بكلامك و وصفك الرااااائع

ميحسش بمصر غير اللى بعيد عنها
وهو مفتقد الناس و اللمه والاهل والناس السهرانه للفجر و دوشة العربيات والشوارع
رمضان متحسيش بيه غير فى مصر بجد وبتاع الكنافه والقطايف والفوانيس وشراشيب رمضان
والعيد ملوش معنى غير فى مصر

الغربه وحششششششششششششششه اوى
هنا بيحلفو بمصر وللأسف بعض المصريين زعلانين منها
والله العيشه فى مصر تسوى ملايين الدنيا كلها

الناس هنا بتنام من الساعه 10 والشوارع ساكته والبيوت ضلمه حتى مفيش زفة عربيات ولا نور عالبيوت لما يكون فى فرح .... تحسى ان مفيش حياه
انا مش بغلط فى الكويت لاء
كفايه انى عايشه فيها ومع اهلها
وهى بلد نظيفه جدا ومنظمه جدا جدا والناس بتحترم القانون والمرور وكل حاجه
بس بلدنا حلوه أوى أوى

[اسكندرانى]

معلش نسيت أقولكو على حاجتين :
الاولى: لما مصر خدت كاس أفريقيا...... المصريين هنا عملو عمايل
وانا نزلت اتفرج عليهم وبكيت من الفرحه....كانو شايلين علم مصر وبيغنو ويطبلو ويضربو كلاكسات ويقولو بيب ــــــــ بيب ـــــــ مصر والكوايته فرحو معانا جداااااا وكانو شايلين علم مصر زينا
واحنا كمان فى عيدهم القومى شاركناهم فرحتهم وشلنا معاهم علم الكويت
والمصرين معلقين على عربياتهم علم مصر وعلم الكويت..... بجد حاجه تفرح...


التانيه: ان واحده كويتيه وانا بعمل اجراءات الاقامه قالتلى يابختكو بمصر
المصريين عشريين وبيحبو الناس وسهرانين للصبح وبيخرجو فى اى وقت وعندكو حياه........ والله هذا حصل ......

[أم البراء2008]

ياحبيبتى يامصر -آه يامروة جيتى على الوجع بموضوعك الجمييييل ده-أنا والله مش عارفة انام الأيام دى علشان نازلة مصر من فرحتى-يااااااااااه نفسى اشوفها وأشوف شوارعها والناس الطيبة كلها-ولعلمك انا بردو اتفرجت ساعة بطولة افريقيا وفضلت اعيط لما سمعت المصريين هنا-والله الغربة وحشة مهما بتحقق من حاجات تانية -مفيش حد فى الدنيا ما بيحبش مصر-وانتى بتعانى زيى من النوم واغلاق جميع المحلات من الساعة10!!!!!!
عموما ربنا يرجعنا لبلدنا بالسلامة-ولو مسكت منصب هامسك وزارة الاوقاف علشان اصلح التعليم ال باظ فيها