بسم الله الرحمن الرحيم
من الوسائل الى بقت منتشرة بين ستات البيوت ودى ظاهرة بتساعد على تفشى الكسل وتصيب الست بالكساح والوخم وكل الامراض الى بتيجى من الرحرحة والقعدة طول النهار للتلفزيون والدش والنت وخلت ست البيت تقريبا كل شىء بتعملة بالالات
اولا
كانت زماان الست بتنضف البيت كلة بنفسها ايام ما كانت الشقة 4 غرف وصالتين وحمامين ومطبخ وكانت فى عيال بتقوم من النوم تروح المدرسة وراجل بينزل من الفجرية الست كانت بتنضف البيت وتغسل يا اما على ايدها او لو ربنا كارمها يبقى الغسالة العادية وتكنس البيت كلة بالمقشة مش بالمكنسة وتطبخ وتغسل الصحون وكانت الومنيا مش استانلس يعنى بتحتاج دعك طحن
كل دة وبتراعى الراجل بحق ربنا ولا كنا بنسمع على الخيانة ولا الطلاق ولا كانت الست بتعانى من وجع العظم او الضغط او السمنة باشكالها او الكسل او الخمول ماتيجى نعيد العهد دة ودى شوية نصائح منها التوفير ومنها نراعى صحتنا شوية
اول حاجة ياريت لما نيجى نغسل السجاجيد بلاش نجيب حد يغسلها لنا ممكن نغسلها احنا فى الحمام او البلكونة او فى مدخل البيت لو منزل خاص باسرة واحدة بس
تانى حاجة بلاش نعتمد على الشغالة لو كل ست بيت نظمت وقتها شوية وراعت ربنا فى انها تهتم بالبيت وشؤنة هتلاقى الوقت الكافى لنضافة البيت ومن الممكن بدل ما نسيبة فترة طويلة من غير اهتمام نهتم بية اكتر هيريحنا من المجهود الجبار الى ممكن الست تعملة لو فترة عدم النضافة طويلة وبلاش نخلى الاهتمام بالبيت ونضافتة على الاعياد بس وللاسف كتير من الموظفات بتعمل كدة نضافة البيت والسجاجيد والحيطان والستاير على الاعياد وبس فا بتكون فى العيد محتاجة فترة نقاهة من هدة الحيل والتعب وتقضى العيد فى السرير نايمة من التعب وبكدة بتعمل فرصة للنكد والعكننة لانها مش هاتقدر تخرج او تستقبل ضيوف او تفسح الاولاد
ياريت كل واحدة ست بيت تفكر الف مرة فى الحال النهاردة وحال امبارح من حال الست من زمن امهاتنا وجداتنا هنلاقى وقتها ولا كان فى غسالة اتوماتيك ولا مكنسة ولا غسالة اطباق ولا كل الوساءل المريحة دى الى عودت الستات على الكسل والرحرحة
نيجى بقا للست الى عندها بنات مش معنى ان البنات بتدرس او فى الجامعة اننا نسيبهم فى الصيف للدش والنادى والنت والقصص الى مش بتجيب همها نخلى البنت تدخل المطبخ تتعلم تغلط مرة وتنجح التانية تجرب تشوف تبقى ست بيت مش ست بس لان النهاردة البنات بقت ستات بس مش ستات بيوت تلاقى الواحدة عاوزة من جوزها يجيب لها الى تنضف لها البيت وتغسل لها السجاجيد وتمسح لها الشقة وتطبخلها او تجيب تيكاواى وطبعا مش كل الناس فى نوعيات ونوعيات ونلاقى الست مش فاضية ياعينى كتر خيرها هاتعمل شوبنج ولا تروح الكوافير ولا تتكلم فى الموبايل بالساعات مع صاحباتها ولا تقعد لبرامج العبط الى على الدش ولا تقعد تدردس على النت طبعاااااااااااا مسؤلية كبيرة جدا عليها وااااااااااو يا جماعة لما نجيب حد ينضفنا نبقى اية وهانوصل لاية لية الست ماتخليش يوم كدة تتسلى وتكوى كل الى لازمة مكوا مش لازم نودى الهدوم للمكوجى دة حتى من كتر الكسل الستات بيخلو البواب هوا الى ينضف لهم قدام باب الشقة لية كل دة برستيج الهانم هايضيع لو نضفت بيتها وقدام باب بيتها الست بقت حتى بتكسل تنضف العربية الى راكباها كل دة مش اهدار للميزانية والدنيا بقت صعبة والظروف بتجيب الناس لورا مش لقدام الناس يادوب عايشة بالكاد تعالو بقا لحاجة تانية
لازم الهانم تلبس من ارقى بيوت العبايات الى تمن العباية فيهم من 500 وطاااااااالع وفعلا انا بتكلم بجد لانى باشتغل فى مجال ديكورات المحلات الى بتعرض الازياء ولية ما نحاولش نقتصد ونعمل زى زمان الى يناسبنا وعلى قد ايدينا نجيبة مش لازم زى مدام فلان او حرم الاستاز فلان او مرات الدكتور فلان رحم الله امرء عرف قدر نفسة ارجع واقول كلمة بسطة جداا الام مدرسة اذا اعددتها اعدت شعبا طيب الاعراق لو الام مدبرة هاتكون البنت كدة وزمان قالو فى المثل اكفى القدرة على فمها تطلع البنت لامها يعنى نشوف احنا بنعمل اية وبعد كدة نشوف بناتنا هاتعمل اية بس نتقى الله فى الزوج وفى مالة ربنا يبارك لنا فى كل شىء وبارك الله فى القليل
منقول
اذا اعجبك الموضوع و اردت نشره في المنتديات الاخرى فاستخدمي هذا الرابط:
الى هاتعمل كدة هاتريح نفسها جدااااااااااااااااااااا ادخلو شوفو فى هنا اية
http://forums.fatakat.com/thread33878
(اللهم رحمتك أرجو فلا تكلنى
MEEROO 
