[nanoos]

hhhhhhhhi ana fe moshkela argo el mosa3da my son 3 years old he didnt yet bebee fe el hamam i tried m3ah bas hoa mosh mostageeb a3ml eh

[أم روان]

حبيبتى كل نصف ساعه دخليه الحمام
وقبل ما ينام على طول برضو دخليه
وبعد ما ينام شويه فى نصف الليل صحيه وبرضه دخليه الحمام
واول ما يصحى الصبح نفس الحكايه
بعد شويه هايعرف يعمل الحمام فين
ويعرف يتحكم فى نفسه

[nanoos]

thak u ya gamel ana ha7awl an will tell u

[tosysaden]

طبعا اللى قالته ام روان صح مية المية بالاضافة اوعى اوعى اوعى اوعى تكلمييه باسلوب وحش وتقوليلوه انت مبتفهمش بتعمل ليه علي هدومك و--------الخ واقوال زى كدة اعرفي انه عارف الحمام بس لسة مش قادر يتحكم في عضلاته وكمان اعرفي انه مش بيعاندك لانك اهم شخص عايز يكسب حنانك
انا بنتى كانت لحد سنتين مستغنيتش عن الحفاضة وابتديت اعمل معاها زى ماقالت ام روان واستشرت الدكتور وقولتله انها بتعرف الحمام لكن قالى جملة لم انساها قالى انتى صبرتى قد اية لغاية اما مشت وصبرتى قد لغاية لما اتكلمت اول كلمة التحكم في البول والبراز دى مهارة اصعب منهم بكتير وكمان عايزة انبهك لحاجة تانية انه ممكن يمسك نفسه اثناء النهار ولايتحكم فى الليل وتطول معاه الحكاية لحد لما يكون شاب بعد الشر عليه فانتي فى غنى عن كدة واليك بعض الطرق
اولا شوفيه بيرتاح يعملها فين لان بنتى كانت بتصرخ لما احطها على البودى فاكتشفت انها عايزة تقلد الكبار في الحمام فاحضرت لها بودي مسطح احطه علي قاعده الحمام علشان متقعش وهى فرحت بيه وكانت محذرة الكل ميستخدمهوش الاهى وبعدين كلميه وشجعيه بالهدايا وقوليه حواديت عن الشاطرين اللى بيعملوا البيبيه فى الحمام والناس بتحبهم علشان هدومهم ماتتوسخش وهكذا لكن اوعى تخوفيه بالكبريت والبعبع و---الخ حتى لو عاملها علي احلي درابية عندك كلميه بلطف وقوليله انك زعلانة منه وخاصميه لمدة دقائق يعنى متحسسهوش ان الموضوع فيه حياة اوموت
ثانيا حاولى ماتدهوش اي مشروب قبل ماينام حتى ولو لبن اوفاكهة مدره للبول زى البطيخ والبرتقال----الخ على الاقل قبل النوم بساعتين
وهو مرة فمرة يصحى ناشف حيبقى فرحان وعايز يشوف فرحةاللىحواليه به
واخيرا ممكن توديه لدكتور يعمله اشعة على ظهره وتحليل بول ولو مافيش حاجة ان شاء الله اتبعى هذه الخطوات
وعايزاكى تعرفى الدكاترة بتدي فى حالة دى دوا مهدئات وارتخاء للعضلات مش اكتر يبقى من الاول تتحكمى فى اعصابك ولاتتنرفزى عليه وتضربيه
واعطيه قبل ماينام معلقة عسل نحل
ارجو اكون افادتك وياربنا يخليهولك وتشوفيه عريس قمر
معلش طولت عليكى

[اسكندرانى]

اكيد كلام tosysaden و ام روان صح جدااااااا لانهم خبره فى الموضوع ده
وانا استفدت معاكى لان ابنى لسه صغير عنده 8 شهور

وانا مصبرتش عليه فى موضوع الـ potty
والصبر مهم جداااااااا

sorry انتى ممكن تخلى باباه هو اللى يعوده على كده

او تشجعيه بالهدايا زى tosysaden ماقالتلك
وتمنعى عنه البامبرز وتقوليله مفيش

قوليله اول ماتحس بانك عاوز بيبى قولى وانا هاجى معاك وفعلا تدخلى معاه وتساعديه

بعد فتره سيبيه يدخل لوحده وانتى تكونى وقفاله عالباب وتقوليله انا معاك اهو بس هبص على حاجه ( كده وكده )

بعدها بفتره تسيبيه لوحده خالص

لازم لازم تمدحيه دايما أودام اى حد حتى لو باباه
وممكن ترسمى face على شكل دائره زى ده
ولما يعمل بيبى فى w.c تعلقى الface ده على باب w.c من بره

ولو معملش تعلقى ده

ارسمى الوش ده على ورقه واحده ....جهه وش بيضحك....والجهه التانيه وش زعلان

وطمنينا عالنتيجه

[ام حمادة]

[nanoos]

ana 3agza 3an el shokr .shokran gedan 3la ehtemamek we ha3mel kol nasayhek we hab2a 2aolek plz ed3ele

[toto s]

انا مع الفتكوات وان شاء الله بزبط معك الوضع

[أم الطيب]

معلش يا ننوسة اصبري..
ابن اختي قعد 8 شهور في الموضوع ده..
وابني قعد حوالي 6 شهور.
هو الموضوع محتاج صبررررررررررررررررررررررررر
ربنا يعينك ويهديهولك

[ام سعيد]

فعلاااااااااا الموضوع ده انا شغالة فيه لحد دلوقتى من اول ما ابنى كمل سنتين ودلوقتى عنده سنتين واربع شهوربس الحمد لله فى تقدم فاضل مرحلة خلع البامبرز عند الخروج
بس اهم حاجة الصبر ما تعمليش زى انا كنت بزهق بسرعة واجتهدت بجد من شهر بس

[nanoos]

THANK U YA GAMEL ED3OLEE O3O TENSONY