[mama aml]

بسم اللة الرحمن الرحيم انا يا اخوتى الفتوكات وجدت عندى كتاب مخصوص لغرز الكروشية واتمنى انكم تستفيدو منة الى عوزة تعرف طريقة عمل اى غرزة تقولى وانا حكون سعيدة جدااااااااا

[أم روان]

طيب يا قمر انا عايزه اعرف ابتدى المفرش بكام غرزه علشان ما يتقوسش منى ويبقى طاقيه
ساعات كتير بيحصل كده
وساعات بتعدى كده بالبركه
وهيكون ليك عاندى اسأله كتير بس ياريت يكون الرد بالصور لو ممكن
وشكرا ليك يا قمر
ام روان

[mama aml]

بسم الله الرحمن الرحيم اولا اشكرك على مرورك الكريم وكل اسئلتك من عنية هو ديما بداية المفرش المدور بتكون خمس غرز مية والسطر الثانى بيكونو 15 عواميد والسطر الى بعدة 30عمود وتستمرى فى الزيادة حتى لا تتقوس ولما تلاقية بدا يكرنش قللى الغرز تدريجيا اتمنى انى اكون قدرت اوضح الاجابة بانسبة للصور ححاول ان شاء الله وعنية ليكى

[sweet.toty]

انا بعرف الحمد لله اعمل كوفيه بس نفسى اتعلم غرزة تانية غير العمود وكده يعنى يعنى اعمل وردة فراشة فيه موضوع حلو قوى قريته هنا وكان اسمه كروشيه كروشيه لحبيبة قلبى سوكة ونفسى قوى اعمل زى الحاجات اللى شفتها

[mama aml]

يلا يا فتوكة هاتى الابرة والخيط وتعالى نعمل غرزة الاقواص مع بعض اولا عدد الغرز يقبل القسمة على 6+غرزة واحدة ابدئى بعمل العدد المطلوب من غرز السلسلة السطر الاول ......غرزة سلسلة..2غرزة بسيطة (3غرزة سلسلة.اتركى3غرز من السطرالسابق وضعى الابرة فى الغرزة التاليةواشتغلى 3غرزة بسيطة)كررى ما بين القوسين و ينتهى السطر بغرزتين بسيطة. السطرالثانى........غرزة سلسلة .غرزة بسيطة(5 غرز عواميد بلفة فى داخل الثلاث غرز السلساة . ثم غرزةبسيطة فى ثانى غرزة بسيطة من السطر السابق)كررى حتى نهاية السطر. السطر الثالث........( 3غرز سلسلة.غرزة بسيطة فى كل عمود من الثلاث عواميد الموجودة فى الوسط )كررى حتى النهاية وينتهى بغرزتين سلسلة ثم غرزة بسيطة. السطر الرابع........3غرز سلسلة . 2 غرزعامو د داخل غرزتين سلسلة السطر السابق (غرزة فى ثانى غرزة بسيطة .5 غرز عماويد فى داخل 3 غرز السلسلة)كررى حتى نهاية السطر وينتهى 3 غرز عماويد فى داخل غرزتين السلسلةالسطر الخامس .........غرزة سلسلة.غرزة بسيطة فى كل عمود من العمودين الاولين (3 غرز سلسلة .غرزة بسيطة فى كل عمود من الثلاث عواميد الموجودة فى الوسط )كررى حتى نهاية السطر وينتهى بغرزة بسيطة 0 السطر السادس.......كرري من السطر الثانى حتى الخامس 00000 اتمنى يكون العمل سهل ويعجبكم و ردو يلاعلشان اجيب غرز ثانية ...............

[داليا جورج]

بارك اللة فيكى

[ام رحاب]

بارك الله فيكى