[نيللي]

كتير منا بيتخيلوا ان بعض الاكلات بتكون صعبة ولكن لما بيحولوا يعملوها بيكتشفوا انهم غلطنين ومفيش حاجة صعبة خصوصا لو بتعمليها لحد عزيز عليكي
انا هقولكم على طريقة عمل المنبار والكرشة والكوارع
المنبااااااااااااااااااااااااااااااااااااااااار
المقادير
منبار- 1ك ارز- 1 ك طماطم -3 فلفل رومي-2 بصلة - حزمة شبت -حزمة بقدونس -حزمة كثبرة-معلقة ثوم مطحون-زبدة او سمنة او زيت حسب الرغبة -
معلقة بهارات- قرن فلفل حامي -ملح وفلفل
طريقة غسل المنبار
تكحتي المنبار بظهر السكينةحتى يخرج ما بداخله واغسله كويس ثم اقلبه تحت الحنفية لان المية بتساعد على قلبه ثم اغسله بملح وخل واشطفه بالمية
ثم اقطعه بطول 25سم تقريبا
الطريقة
افرم البصل في الكبة ثم الطماطم ثم الشبت والكثبرة و البقدونس والفلفل الرومي والحامي واخلطهم مع بعض ثم احط البهارات والتوابل والسمنة
واخيرا اغسل الرز واضعه عليهم
ثم ابتدي احشي بشرط ما يكنش مليان ويكون مهوي لانه عند السلق الرز هيزيد حجمه .............خلاص حشيته
اضع حلة استانلس على النار بها مية ولما المية تغلي اسقط فيها المنبار واحد واحد
اسيبه على النار نص ساعة ثم اطلعه واصفيه ثم احمره في الزيت وبالهنا والشفا
رايحة فين جه دور الكرشة
الكرششششششششششششششششة
المقادير
1ك كرشة -1\2 ك طماطم - ثوم - سمنة - ملح وفلفل- بهارات - ورق لوري- حبهان
اما تجيبي كرشة متنضفة او تنضفيها بالطريقة دي
تضعي الكرشة في مية بتغلي لمدة ثواني ثم تكحتيها بسكينة لحدما تبقى بيضة كالثلج
لو انتي اللي هتنضفي الكرشة لازم تكون طازة ومادخلتش الفريزرعشان تنضف بسرعة وبدون مجهود
اضع الكرشة في حلة بخار واحط معها مية وملح وفلفل وبهارات وحبهان وورق لوري واتركها ساعة على النار حتى تستوي
ثم اطلعها من مية السلق واقطعها بحجم 3سم ×3سم تقريبا
اضع زبدة في حلة على النار ثم اضع الثوم المفروم حتى يصفر ثم اضع الطماطم المعصورة واضع عليها ذرة سكر واسيبها تتسبك
واخيرا احط عليهم الكرشة واسيبها 10 دقايق
خلاص بقى ما فضلش الا الكوارع
الكوااااااااااااااااااااااااااااااااااااااارع
كوارع - ملح -فلفل - بهارات- بصلة - جزرة
اجيب الكوارع ويكون الجزار مكسرها لقطع
اغسلها كويس بملح وخل ومية
احطها في حلة بخار واحط معها الملح والفلفل والبهارات و البصلة والجزرة واسيبها ساعة على النار حتى تستوي
ممكن اخد شوربة الكوارع اعمل عليها فتة
شفتي بقى مفيش اسهل من كدة و بالهنا والشفا

[reham10]

تسلم ايديكى

[نيللي]

شكرا يا ريري يا قمر على مرورك

[raghoda]

[نيللي]

شكرا يا رغودة يا قمر

[sema amer]

كيف بدي انظف الكوارع من الشعر

[نيللي]

شكرا حبيبتي يا SEMA AMEعلى مرورك وبالنسبة لتنظيف الكوارع
ضعيها في مية بتغلي لمدة ثواني ثم اكحتيها بالسكينة
عموما احنا هنا في مصر بنجبها متنضفة من عند الجزار

[مدام ديدى]

[نيللي]

شكرا يا مدام ديدي يا قمر على مرورك

[رانيـــا الشقية]

[drnahla]

طب انا اشتريت منبار
ومليان دهون اشيلها ازاى؟

[نيللي]

اولا شكرا يانهلة على مرورك
ثانيا الدهون دي متشلهاش دي هي اللي بتدي للمنبار طعم
انتي نضفيها كويس وبس