[رحمة الله تعالي]

السلام عليكم اخواتي الاعزاء اريد منكم يا احلي منتدي ويا احلي ناس نصيحة صغيرة بس معلش ياجماعة لوسمحتوا اللي ميعرفش حاجة مضمونة مايقولش انا بصراحة شعري خشن جدا جدا جدا ومجعد بس ميزتة الوحيدة انة طويل وغزير وكنت عاوزة وصفة حلوة وسهلة ومفعولها سريع ومضمونة متبوظوش زيادة واكون شاكرة جدا يا احلي ناس

[رحمة الله تعالي]

بس بالله عليكوا ماتاخروش عليا في الرد

[فرعونة النيل]

فى اعشاب طبيعية بتفرد وتنعم الشعر بطريقة سهلة وجميلة جدا ومالهاش اى اضرار
نهائى بس لو انتى هنا فى القاهرة كنت قابلتك وعملتهالك عندى فى المحل
بس زى منا شايفة انتى فى المنيا بس لو نزلتى فى القاهرة قريب قوليلى

[كخ يع]

ممكن تقوليلى مكانك فين بالضبط لوسمحتى ولو ممكن رقم التلفون وهل دى فعلا اعشاب طبيعية ومدتها بتفضل فى الشعر اد ايه وسعر الفرد كم ؟ انا شعرى نص ظهرى
وهل دى الحنة اللى بتخلى الشعر اسود اوى وما ينفعش اصبغه؟
منتظره ردك ضرورى ربنا يكرمك
وهل ممكن تيجى تعمليهالى فى البيت علشان عندى اولاد صغيرين ما ينفعش اسيبهم وخدى فرق الفلوس مفيش اى مشكلة.

[jojo1990]

بصى انا بعمل ايه
بغسل شعرى عادى وبعدين اسرحه عادى برضه بس بعمله طقيه بدهن الجزور كريم عادى وشعرى كله بكريم برضه بس على خفيف وبعدين بجيب الفزلين العادى ده وادهن بيه شعرى نفسه هتلاقى التجاعيد دى بتتفرد
لفى الطاقيه من بليل مسلا لتانى يوم بليل وبعد كده هتلاثى شعرك مفرود اوى وناعم وبيلمع كمان
لو فى كسرات بسيطه اعمليها بلبابى ليس مش هتعرفى شعرك ده
انا بعمل كل ده

[Neroon]

حبيبتى ولا فدر ولا اى شئ كيمائى
شعرك حيفضل على طبيعته بس لو فردتى وكده حتخسرى كمان طوله وتقله الله اكبر
انتىتعملى الاتى
تحسنى منه
عشان لما تسشوريه ولا تكويه يبان فيه ازاى
هاتى زيت سمسم وزيت زيتون
رهيب بيطرى الشعر جدا
واستعملى كريم بالمرز الاصفر او اللى بزيت الزيتون الاخضر
رائع وبيجيب نتيجه رهيبه مع الشعر الجاف بامانه
بس مش تحطى كتير لانه تقيل
وربنا معاكى

[نيمز]

ممكن تروحى لعطار كبير ومشهور بيعملوا حاجات طبيعيه وامنه على الشعر وكمان بتنعمه وبتفرده
هى بتبقى خلطات طبيعيه بس هو مجهزها يعنى انتى تشترى وتحطيه علطول