[rehab]

أنا أبني خلاص حاسه أنه هيجيله أكتئاب يا أما أشيله علي ظهري وأمشي بيه في الشقه يا أما يعيط ويقعد زعلان وأنا بزهق بمجرد ما يعدي خمس دقايق ألاقي نفسي حطيته وسيبته يعيط مع نفسه
بيبقي عايز يلعب ويخرج ,أنا ماليش دماغ لا للخروج ولا للعب
روحت بيه الحضانه المدرسه قالتلي أستني شوية عشان ما بيتكلمش والمفروض أن اللي من سنه بيتكلموا فلو حد عملوا حاجة ولا هنفهم منه حاجة
والله عايزة ألعب معاه بس مبعرفش ألاعب عيال ولا عارفه أعلمه الكلام ولا حتي دخول الحمام
بقي لو قعدت ع الكمبيوتر يفضل يعيط
زهقان وأنا مش عارفه أعمله حاجة ما أنا مش هفضل شايلاه علي ظهري طول اليوم
أعمل أيه بقي أنا أبني خس من كتر العياط

[ام الاولاد]

ربنا يعينك عليه و عموما الاطفال كلهم بيجوا فى فترة كدة و يبقوا زننين وبالنسبة للكلام لازم تتاكدى انه بيسمع كويس و معندوش مشكلة فى السمع و هو ممكن الاطفال يتاخروا لحد 2سنة زى ابنى و لما سئلت الدكتور قال عادى بس المهم ان يكون السمع سليم
اما بالنسبة للحمام انت ابى علمية يدخل و لكن لا تعاقيبه قبل 2 سنة و هتلاقى هو بقى يدخل لوحده
و الله اعلم

[ريتا ميشيل]

انا بنتى منطقتش غير على السنتين مع ان اولاد اصحابى الى فى سنها واصغر منها كانوا بيتكلمو كتير عنها
والدكتور قالى طفل غير طفل اسبرى عليه شويه وبعدين حتزهقى من كتر كلامه

[rehab]

هو بيسمع عادي وبيقول عاب اللي هي أنا و بو وهم بس بعد عناااااء معاه كنت بسيبه جعان لغايت مابقي يقولها ويناديني
لكن مش راضي يقول غيرهم طوب الأرض أترياء عليه وبيقولولي ده عبيط ويتمقلسوا عليا جااااامد ويضربوه علي قفاه لما مايتكلمش
وكمان أنا مش عارفه أعمل أيه في زهقه ولا بعرف ألاعب ولا ألهيه في حاجة خاااااااالص أعمل أيه

[ام الاولاد]

هو بيسمع عادي وبيقول عاب اللي هي أنا و بو وهم بس بعد عناااااء معاه كنت بسيبه جعان لغايت مابقي يقولها ويناديني
لكن مش راضي يقول غيرهم طوب الأرض أترياء عليه وبيقولولي ده عبيط ويتمقلسوا عليا جااااامد ويضربوه علي قفاه لما مايتكلمش
وكمان أنا مش عارفه أعمل أيه في زهقه ولا بعرف ألاعب ولا ألهيه في حاجة خاااااااالص أعمل أيه

اه ده كله لسه طفل وبعدين كل طفل فيه حاجة بتميزة عن غيرة لا تسمع اراء احد و تتاثرى بها و بالتالى توثر على الطفل و تحمليه فوق طاقته و الاطفال حساسين جدا لو سمحتى لا تتاثر ى الا براى طبيب الاطفال فقط
والله المستعان

[saadelhelaly]

و غير كل اللي قالوه
خلي بالك من حاجة مهمة جدا
انك من كتر الشكوى قدامه علية ممكن يتكون عنده احساس خاطئ عن نفسه و يبقا واخد عن نفسه انه هو كدة و مش هيتغير ابدا
خلي بالك انك لازم تتكلمي معاه صحيح هو مش عارف يعبر عن نفسه بس اكيد بيكون فاهمك كويس
و الاطفال عاوزين بال طويل جدا جدا انا كنت زيك في الاول بس قريت كتير عن التعامل مع الاطفال و حاولت اتغير شوية و على الرغم من كدة برضه باجي في وقت و بزهق و اقفل على نفسي 5 داقيق و بعدين ارجعلهم تاني

[mascallil]

اسمعي يا أخت تربية الأطفال حسب تجربتي يلزمها تظام وبرنامج كي تكسبي طفلك ويرتاح لرؤيتك ولا يستطيع فراقك مثلا وفري له العديد من العب والعبي معه ماستطعتي ثم اجعلي ساعة او ساعتين في الاسبوع للنزهة معه بالحديقة وتكلمي معه ما امكن وستلاحظين التغيير الايجابي من حسن الى احسن وخبيريني بالنتيجة اتمنى لك التوفيق .

[ام حمادة]

http://forums.fatakat.com/image.php?...ine=1213963423

[سمسمه26]

بصى انا ابنى كان كده برضه من ناحية الكلام بس هو بدا يتكلم من سن سنتين و3 شهور هو دلوقتى احسن من الاول فالكلام مش مشكلة
هاتى كتب او قصص فيها صور والوان واقعدى اتكلمى معاة ولعى التليفزيون على الكرتون
وامشى فى الشارع خليه يشوف الناس وماتسمحيش لحد انه يتريق عليه
الاطفال فاهمه كل حاجة
وحاولى تلعبى معاه هاتى ورق واقعدى قطعيه وبعدين خليه يلمه معاكى (اشغليه)
وربنا معاكى

[rehab]

شكرا يا سمسمه هو مش منطوي بالعكس بيروح لأي حد بس لسانه تقييييييييل

[مؤمنة بالله ورسوله]

معلش يا رحاب
ممكن بيكون بيعمل كدة لانه مش حاسس بأتماهك
اهتمى بية اكتر
خلية يغنى معاكى اقعدى معاة امام برامج الاطفال والكارتون
اخرجوا البلكونة سوى
اى حاجة بتعمليها شاركية فيها
مثل الصلا قوليلة هنصلى سوى
لم اللعب سوى وكدة يعنى
واصبرى علية شوية خلى بالك طووووووووووويل
ربنا يخلهولك وتشفية زينة الشباب

[مهندسة ماجدة محمود]

هو بيسمع عادي وبيقول عاب اللي هي أنا و بو وهم بس بعد عناااااء معاه كنت بسيبه جعان لغايت مابقي يقولها ويناديني
لكن مش راضي يقول غيرهم طوب الأرض أترياء عليه وبيقولولي ده عبيط ويتمقلسوا عليا جااااامد ويضربوه علي قفاه لما مايتكلمش
وكمان أنا مش عارفه أعمل أيه في زهقه ولا بعرف ألاعب ولا ألهيه في حاجة خاااااااالص أعمل أيه

مش ممكن يارحاب تتصورى انا ضحكت لما شبعت على طريقتك فى الكتابة عن ابنك على فكرة ابنى محمود الى انا قلت لك انه شبهه كان نفس الطريقة سبحان الله عقبال ماتشوفية زيه وعلى فكرة عدم الكلام بيدل على ذكاء الولد مش عيب يعنى تتصورى ان ابنك وحشنى جدا وعاوزة اشوفه

[rehab]

مؤمنه أنا فعلا النت كان مخليني مش مهتمه بيه بس بقالي فتره والله بلعب معاه عن الأول ومابتشغلش عنه غير لما يكون في حاجه لاهياه
شكرا ليكي

[rehab]

مهندسه ماجده أزيك ربنا يخليلك أبنك يارب
أنا والله بحس أنه هو ذكي يعني لما بعمل حاجة بيقلدني بالضبط بيطبخ طبعا وبيصلي وبيمسح الحمام زيي حتي غطا البلاعه بيحطه برجله زي ما انا بحطه
والله كويس بس اللسااااااااااااااااان

[om jna]

انا مفهمتش منك هوا عنده اد ايه بالظبط عشان يبقى متاخر فى الكلام
و بعدين هقولك موضوع الشيل ده مفروض متعودهوش على كده لو عيط سيبيه او البخيه فى اى حاجه تانيه لغاية ما يتعود..احنا فينا صحه لما نشيلهم بعد ما يمشوا كمان

و زى ما قالولك حاولى تقضى وقت تلعبى فيه معاه ..فعلا الواحد بيبقى وراه 100 حاجه بس انا لاحظت ان الحكايه دى بتقربنى من بنتى و بتخليها اقل عصبيه و اقل فى العند..و ربنا يهديهم كلهم و يصبرنا عليهم