[همسه فتوكه]

السلام عليكم

ازيكم يا فتوكات عاملين ايهربنا يسعدكم ويفرحكم بحياتكم ان شاء الله

انا كنت عايزه استفيد من تجاربكم بما انكم خلاص اتجوزتم انا متقدملى عريس

معاه دبلوم وانا مؤهل عالى وهما ناس كويسين ومحترمين وهوا محترم جدا

وعملت استخارات كتييييييير قبل ما اقعد معاه واشوفه وكنت مش مستريحه

وبحلم احلام وحشه بس بعد ما قعد معاه كنت عادى ومش مضايقه ومش عارفه اعمل ايه

مع انه مكلمنيش خالص ولا قالى اى كلمه وهوا شكله محترم وعنده اخلاق بس انا كنت عايزاه يقعد يتكلم معايا يكلمنى

عن نفسه طباعه الحاجات دى بس طبعا دا محصلش وبعد ما قعد بخمس دقايق قال لبابا عنقرا الفاتحه امته فهل دا معناه

انه مش هامه الا الشكل بس ومش هامه طريقه التفكير ولا دا اللى بيسموه القبول انا مش عارفه انصحونى

طب هوا فارق التعليم بياثر معاكم ازاى وبيسبب مشاكل ولا

طب اخليه يجى تانى عشان اقعد اتكلم معاه ولا ايه اصل انا بنكسف ومش عارفه اساله فى ايه وهوا لازم انه يبدا معايا

بالكلام ولا اكنسل الموضوع خالص

وبالنسبه لشغله هوا بيشتغل فى شركه غاز طبيعى بس مش متثبت وبالنسبه للقه مستنى ينزل استمارات للشقق

ويكتب الكتاب ويقدم فيها

بالله عليكم كلكم تدخولوا تقوللولى رايكم ايه واعمل ايه

[مجانية]

فعلا يا جماعة
ازا الشخص معاه دبلوم و العروسة مؤهل عالى بتفرق؟

[♪♪♫ ريري ♫♪♪]

انا جوزي دبلوم و انا بكالوريوس و اتجوزته مش متثبت و من ساعتها متمرط من شغل لتاني و مش حاسه بامان
بالرغم انه فيه مميزات لكن الاحسن يكون متثبت و معاه شقه كمان لو مؤهل عالي و اخلاقه كويسه يبقي افضل

[مجرد انسانة]

انا خريجةكلية تجارة وجوزي معاة دبلوم
المهم مش التعليم المهم العقلية ممكن يكون معاة دكتوراة وتلقية هايف ومخة فاضي
انا جوزي مثقف اكتر مني وعمري محسيت معاة بالفرق دا
المهم تكوني انتي متقبلاة ومستريحالة ومن حقك انك تطلبي تقعدي معاة مرة واتنين لحد ماتقرري
وربنا ييسرلك حالك ويوفقك للصالح

[ام يارا ولارا]

والله كل واحد وعقليته

ولو فيه حب مش هتفرق لو ما معاهوش حاجه اصلا

[همسه فتوكه]

انا جوزي دبلوم و انا بكالوريوس و اتجوزته مش متثبت و من ساعتها متمرط من شغل لتاني و مش حاسه بامان
بالرغم انه فيه مميزات لكن الاحسن يكون متثبت و معاه شقه كمان لو مؤهل عالي و اخلاقه كويسه يبقي افضل

ربنا يسعدك مع جوزك يا رب ويلاقى شغل كويس ويتثبت فيه

هوا جوزك كان شغال فى ايه

[لمسة سحرية]

فعلا الشهدات مش كل حاجة اهم حاجة طريقة التفكير
ولازم تقعدى معاة مرة تانى عشان تعرفى بيفكر ازاى
امال هتوافقى او ترفضى على اساس اية ؟؟؟؟؟؟؟؟؟؟؟

ولما تطمنى اعملى صلاة استخارة
وربنا يوفق

[شيكامارا88]

اكيد الشهاده مش كل حاجه
المهم الانسان وتفكيره وعقليته
وربنا يقدملك ال فيه الخير

[Sara Bernar]

لا بصراحة انا جوزى اه دبلوم وانا مؤهل عالي بس والله بجد عمرى ما حسيت انه بيعانى من حاجة زى كدة خالص بالعكس انسان مثقف جدااااااااااا
وعقليته متفتحة وكمان مفيش مجال اساسا اننا نقعد نصرد لبعض مؤهلاتنا ايه طول الوقت
الحياة فيها حاجات اهم من كدة بكتيييييييييييييييييييييير

[yoya 2012]

فى دكاترة ومهندسين ومنهم وتفكيرهم غبى المهم الأخلاق والدين بس مش معنى كده تتسرعى لازم تتكلما معاه وتشوفى مستوى ثقافته إيه وتفكيره واسأله عليه كويس
ربنا يكتب لك الخير